Jātaka 343

Jātaka

Catukkanipāta

Cūḷakuṇālavagga

3. Kuntinījātaka

1 “Avasimha tavāgāre,

niccaṁ sakkatapūjitā;

Tvameva dānimakari,

handa rāja vajāmahaṁ”.

2 “Yo ve kate paṭikate,

kibbise paṭikibbise;

Evaṁ taṁ sammatī veraṁ,

vasa kuntini māgamā”.

3 “Na katassa ca kattā ca,

metti sandhīyate puna;

Hadayaṁ nānujānāti,

gacchaññeva rathesabha”.

4 “Katassa ceva kattā ca,

metti sandhīyate puna;

Dhīrānaṁ no ca bālānaṁ,

vasa kuntini māgamā”ti.

5 Kuntinījātakaṁ tatiyaṁ.