Therāpadāna 120

Therāpadāna

Mahāparivāravagga

1 “Padumuttarabuddhassa,

sāvakā vanacārino;

Vippanaṭṭhā brahāraññe,

andhāva anusuyyare.

2 Anussaritvā sambuddhaṁ,

padumuttaranāyakaṁ;

Tassa te munino puttā,

vippanaṭṭhā mahāvane.

3 Bhavanā oruhitvāna,

agamiṁ bhikkhusantikaṁ;

Tesaṁ maggañca ācikkhiṁ,

bhojanañca adāsahaṁ.

4 Tena kammena dvipadinda,

lokajeṭṭha narāsabha;

Jātiyā sattavassohaṁ,

arahattamapāpuṇiṁ.

5 Sacakkhū nāma nāmena,

dvādasa cakkavattino;

Sattaratanasampannā,

pañcakappasate ito.

6 Paṭisambhidā catasso,

…pe…

kataṁ buddhassa sāsanaṁ”.

7 Itthaṁ sudaṁ āyasmā maggasaññako thero imā gāthāyo abhāsitthāti.

8 Maggasaññakattherassāpadānaṁ aṭṭhamaṁ.