Therāpadāna 242

Therāpadāna

Udakāsanavagga

1 “Kammārohaṁ pure āsiṁ,

tivarāyaṁ puruttame;

Ekā vāsi mayā dinnā,

sayambhuṁ aparājitaṁ.

2 Catunnavutito kappe,

yaṁ vāsimadadiṁ tadā;

Duggatiṁ nābhijānāmi,

vāsidānassidaṁ phalaṁ.

3 Paṭisambhidā catasso,

…pe…

kataṁ buddhassa sāsanaṁ”.

4 Itthaṁ sudaṁ āyasmā vāsidāyako thero imā gāthāyo abhāsitthāti.

5 Vāsidāyakattherassāpadānaṁ dasamaṁ.

6 Udakāsanavaggo catuvīsatimo.

7 Tassuddānaṁ

8 Udakāsanabhājanaṁ,

sālapupphī kilañjako;

Vedikā vaṇṇakāro ca,

piyālaambayāgado;

Jagatī vāsidātā ca,

gāthā tiṁsa ca aṭṭha ca.