Therāpadāna 442

Therāpadāna

Ekavihārivagga

1 “Padumuttarabuddhassa,

lokajeṭṭhassa tādino;

Piṇḍāya vicarantassa,

dhārato uttamaṁ yasaṁ.

2 Aggaphalaṁ gahetvāna,

vippasannena cetasā;

Dakkhiṇeyyassa vīrassa,

adāsiṁ satthuno ahaṁ.

3 Tena kammena dvipadinda,

lokajeṭṭha narāsabha;

Pattomhi acalaṁ ṭhānaṁ,

hitvā jayaparājayaṁ.

4 Satasahassito kappe,

yaṁ dānamadadiṁ tadā;

Duggatiṁ nābhijānāmi,

aggadānassidaṁ phalaṁ.

5 Kilesā jhāpitā mayhaṁ,

…pe…

viharāmi anāsavo.

6 Svāgataṁ vata me āsi,

…pe…

kataṁ buddhassa sāsanaṁ.

7 Paṭisambhidā catasso,

…pe…

kataṁ buddhassa sāsanaṁ”.

8 Itthaṁ sudaṁ āyasmā ambaphaliyo thero imā gāthāyo abhāsitthāti.

9 Ambaphaliyattherassāpadānaṁ dasamaṁ.

10 Ekavihārivaggo catucattālīsamo.

11 Tassuddānaṁ

12 Thero ekavihārī ca,

saṅkhiyo pāṭihīrako;

Thaviko ucchukhaṇḍī ca,

kaḷambaambāṭakado.

13 Harītakambapiṇḍī ca,

ambado dasamo yati;

Chaḷasīti ca gāthāyo,

gaṇitāyo vibhāvibhi.