Therāpadāna 517

Therāpadāna

Phaladāyakavagga

Nāgapupphiyattheraapadāna

1 “Suvaṇṇavaṇṇaṁ sambuddhaṁ,

Āhutīnaṁ paṭiggahaṁ;

Rathiyaṁ paṭipajjantaṁ,

Nāgapupphaṁ apūjayiṁ.

2 Ekanavutito kappe,

yaṁ pupphamabhipūjayiṁ;

Duggatiṁ nābhijānāmi,

buddhapūjāyidaṁ phalaṁ.

3 Kilesā jhāpitā mayhaṁ,

…pe…

viharāmi anāsavo.

4 Svāgataṁ vata me āsi,

…pe…

kataṁ buddhassa sāsanaṁ.

5 Paṭisambhidā catasso,

…pe…

kataṁ buddhassa sāsanaṁ”.

6 Itthaṁ sudaṁ āyasmā nāgapupphiyo thero imā gāthāyo abhāsitthāti.

7 Nāgapupphiyattherassāpadānaṁ pañcamaṁ.