Jātaka 279

Jātaka

Tikanipāta

Udapānavagga

9. Satapattajātaka

1 “Yathā māṇavako panthe,

siṅgāliṁ vanagocariṁ;

Atthakāmaṁ pavedentiṁ,

anatthakāmāti maññati;

Anatthakāmaṁ satapattaṁ,

atthakāmoti maññati.

2 Evameva idhekacco,

puggalo hoti tādiso;

Hitehi vacanaṁ vutto,

paṭigaṇhāti vāmato.

3 Ye ca kho naṁ pasaṁsanti,

bhayā ukkaṁsayanti vā;

Tañhi so maññate mittaṁ,

satapattaṁva māṇavo”ti.

4 Satapattajātakaṁ navamaṁ.