Therāpadāna 176

Therāpadāna

Kumudavagga

Udapānadāyakattheraapadāna

1 “Vipassino bhagavato,

udapāno kato mayā;

Piṇḍapātañca datvāna,

niyyādesimahaṁ tadā.

2 Ekanavutito kappe,

yaṁ kammamakariṁ tadā;

Duggatiṁ nābhijānāmi,

udapānassidaṁ phalaṁ.

3 Paṭisambhidā catasso,

…pe…

kataṁ buddhassa sāsanaṁ”.

4 Itthaṁ sudaṁ āyasmā udapānadāyako thero imā gāthāyo abhāsitthāti.

5 Udapānadāyakattherassāpadānaṁ catutthaṁ.