Therāpadāna 300

Therāpadāna

Citakapūjakavagga

Saraṇagamaniyattheraapadāna

1 “Pabbate himavantamhi,

ahosiṁ luddako tadā;

Vipassiṁ addasaṁ buddhaṁ,

lokajeṭṭhaṁ narāsabhaṁ.

2 Upāsitvāna sambuddhaṁ,

veyyāvaccamakāsahaṁ;

Saraṇañca upāgacchiṁ,

dvipadindassa tādino.

3 Ekanavutito kappe,

saraṇaṁ upagacchahaṁ;

Duggatiṁ nābhijānāmi,

saraṇāgamanapphalaṁ.

4 Paṭisambhidā catasso,

…pe…

kataṁ buddhassa sāsanaṁ”.

5 Itthaṁ sudaṁ āyasmā saraṇagamaniyo thero imā gāthāyo abhāsitthāti.

6 Saraṇagamaniyattherassāpadānaṁ aṭṭhamaṁ.