Therāpadāna 527

Therāpadāna

Tiṇadāyakavagga

Supaṭadāyakattheraapadāna

1 “Divāvihārā nikkhanto,

vipassī lokanāyako;

Lahuṁ supaṭakaṁ datvā,

kappaṁ saggamhi modahaṁ.

2 Ekanavutito kappe,

supaṭakamadāsahaṁ;

Duggatiṁ nābhijānāmi,

supaṭassa idaṁ phalaṁ.

3 Kilesā jhāpitā mayhaṁ,

…pe…

viharāmi anāsavo.

4 Svāgataṁ vata me āsi,

…pe…

kataṁ buddhassa sāsanaṁ.

5 Paṭisambhidā catasso,

…pe…

kataṁ buddhassa sāsanaṁ”.

6 Itthaṁ sudaṁ āyasmā supaṭadāyako thero imā gāthāyo abhāsitthāti.

7 Supaṭadāyakattherassāpadānaṁ pañcamaṁ.