Therāpadāna 155

Therāpadāna

Bandhujīvakavagga

1 “Udentaṁ sataraṁsiṁva,

pītaraṁsiṁva bhāṇumaṁ;

Pannarase yathā candaṁ,

niyyantaṁ lokanāyakaṁ.

2 Aṭṭhasaṭṭhisahassāni,

sabbe khīṇāsavā ahuṁ;

Parivāriṁsu sambuddhaṁ,

dvipadindaṁ narāsabhaṁ.

3 Sammajjitvāna taṁ vīthiṁ,

niyyante lokanāyake;

Ussāpesiṁ dhajaṁ tattha,

vippasannena cetasā.

4 Ekanavutito kappe,

yaṁ dhajaṁ abhiropayiṁ;

Duggatiṁ nābhijānāmi,

dhajadānassidaṁ phalaṁ.

5 Ito catutthake kappe,

rājāhosiṁ mahabbalo;

Sabbākārena sampanno,

sudhajo iti vissuto.

6 Paṭisambhidā catasso,

…pe…

kataṁ buddhassa sāsanaṁ”.

7 Itthaṁ sudaṁ āyasmā vīthisammajjako thero imā gāthāyo abhāsitthāti.

8 Vīthisammajjakattherassāpadānaṁ tatiyaṁ.