Paṭṭhāna 110

Paṭṭhānapakaraṇa

Dhammapaccanīya (2), Dukapaṭṭhānapāḷi (2)

8.28. Ganthasampayuttaduka

1 Naganthasampayuttaṁ dhammaṁ paṭicca naganthasampayutto dhammo uppajjati hetupaccayā. Naganthasampayuttaṁ dhammaṁ paṭicca naganthavippayutto dhammo uppajjati hetupaccayā. Naganthasampayuttaṁ dhammaṁ paṭicca naganthasampayutto ca naganthavippayutto ca dhammā uppajjanti hetupaccayā.

2 Naganthavippayuttaṁ dhammaṁ paṭicca naganthavippayutto dhammo uppajjati hetupaccayā. Naganthavippayuttaṁ dhammaṁ paṭicca naganthasampayutto dhammo uppajjati hetupaccayā. Naganthavippayuttaṁ dhammaṁ paṭicca naganthasampayutto ca naganthavippayutto ca dhammā uppajjanti hetupaccayā.

3 Naganthasampayuttañca naganthavippayuttañca dhammaṁ paṭicca naganthasampayutto dhammo uppajjati hetupaccayā. Naganthasampayuttañca naganthavippayuttañca dhammaṁ paṭicca naganthavippayutto dhammo uppajjati hetupaccayā. Naganthasampayuttañca naganthavippayuttañca dhammaṁ paṭicca naganthasampayutto ca naganthavippayutto ca dhammā uppajjanti hetupaccayā. (Saṅkhittaṁ.)

4 Hetuyā nava, ārammaṇe cha, adhipatiyā nava …pe… vipāke ekaṁ …pe… avigate nava. (Sabbattha vitthāro.)