Paṭṭhāna 214

Paṭṭhānapakaraṇa

Dhammapaccanīya (2), Dukadukapaṭṭhānapāḷi (6)

12.7. Sahetukadukādi, Hetuduka

1 Nasahetukaṁ nahetuṁ dhammaṁ paṭicca nasahetuko nahetu dhammo uppajjati hetupaccayā. Nasahetukaṁ nahetuṁ dhammaṁ paṭicca naahetuko nahetu dhammo uppajjati hetupaccayā. Nasahetukaṁ nahetuṁ dhammaṁ paṭicca nasahetuko nahetu ca naahetuko nahetu ca dhammā uppajjanti hetupaccayā.

2 Naahetukaṁ nahetuṁ dhammaṁ paṭicca naahetuko nahetu dhammo uppajjati hetupaccayā. Naahetukaṁ nahetuṁ dhammaṁ paṭicca nasahetuko nahetu dhammo uppajjati hetupaccayā. Naahetukaṁ nahetuṁ dhammaṁ paṭicca nasahetuko nahetu ca naahetuko nahetu ca dhammā uppajjanti hetupaccayā.

3 Nasahetukaṁ nahetuñca naahetukaṁ nahetuñca dhammaṁ paṭicca nasahetuko nahetu dhammo uppajjati hetupaccayā. Nasahetukaṁ nahetuñca naahetukaṁ nahetuñca dhammaṁ paṭicca naahetuko nahetu dhammo uppajjati hetupaccayā. Nasahetukaṁ nahetuñca naahetukaṁ nahetuñca dhammaṁ paṭicca nasahetuko nahetu ca naahetuko nahetu ca dhammā uppajjanti hetupaccayā. (Saṅkhittaṁ.)

4 Hetuyā nava, ārammaṇe cattāri, adhipatiyā pañca …pe… aññamaññe cha …pe… purejāte āsevane dve …pe… avigate nava. (Sabbattha vitthāro.)

5 Naahetukaṁ nanahetuṁ dhammaṁ paṭicca naahetuko nanahetu dhammo uppajjati hetupaccayā. (Saṅkhittaṁ.)

6 Hetuyā ekaṁ …pe… avigate ekaṁ. (Sabbattha ekaṁ.)

7 Nahetusampayuttaṁ nahetuṁ dhammaṁ paṭicca …. (Saṅkhittaṁ.) Hetuyā nava, ārammaṇe cattāri, adhipatiyā pañca …pe… aññamaññe cha …pe… purejāte āsevane dve …pe… avigate nava.

8 Nahetuvippayuttaṁ nanahetuṁ dhammaṁ paṭicca …. (Saṅkhittaṁ. Sabbattha ekaṁ.)

9 Nahetuñceva naahetukañca nahetuṁ dhammaṁ paṭicca …pe… naahetukañceva nana ca hetuṁ dhammaṁ paṭicca …pe… nahetuñceva nahetuvippayuttañca nahetuṁ dhammaṁ paṭicca …pe… nahetuvippayuttañceva nana ca hetuṁ dhammaṁ paṭicca …. (Saṅkhittaṁ. Sabbattha ekaṁ.)

10 Nahetuṁ nasahetukaṁ nahetuṁ dhammaṁ paṭicca …pe… nahetuṁ naahetukaṁ nahetuṁ dhammaṁ paṭicca …. (Saṅkhittaṁ.)

11 Hetuyā nava, ārammaṇe cattāri, adhipatiyā pañca …pe… aññamaññe cha …pe… purejāte āsevane dve …pe… avigate nava.