Paṭṭhāna 524

Paṭṭhānapakaraṇa

Dhammānulomapaccanīya (3), Dukadukapaṭṭhānapāḷi (6)

18.21. Saññojanagocchakādi, Hetuduka

1 Saññojanaṁ hetuṁ dhammaṁ paṭicca nosaññojano nahetu dhammo uppajjati hetupaccayā. (Saṅkhittaṁ.) Hetuyā cattāri …pe… vipāke ekaṁ …pe… avigate cattāri.

2 Ganthaṁ hetuṁ dhammaṁ paṭicca nogantho nahetu dhammo uppajjati hetupaccayā. (Saṅkhittaṁ.) Hetuyā nava …pe… vipāke ekaṁ …pe… avigate nava.

3 Oghaṁ hetuṁ dhammaṁ paṭicca noogho nahetu dhammo uppajjati hetupaccayā. (Saṅkhittaṁ.)

4 Yogaṁ hetuṁ dhammaṁ paṭicca noyogo nahetu dhammo uppajjati hetupaccayā. (Saṅkhittaṁ.) Hetuyā pañca …pe… vipāke ekaṁ …pe… avigate pañca.

5 Nīvaraṇaṁ hetuṁ dhammaṁ paṭicca nonīvaraṇo nahetu dhammo uppajjati hetupaccayā. (Saṅkhittaṁ.) Hetuyā cattāri … vipāke ekaṁ …pe… avigate cattāri.

6 Noparāmāsaṁ hetuṁ dhammaṁ paṭicca nanoparāmāso nahetu dhammo uppajjati hetupaccayā. (Saṅkhittaṁ.) Hetuyā tīṇi … vipāke ekaṁ …pe… avigate tīṇi.