Paṭṭhāna 629

Paṭṭhānapakaraṇa

Dhammapaccanīyānuloma (4), Tikadukapaṭṭhānapāḷi (4)

22.17. Vedanāttika, Hetuduka

1 Nasukhāya vedanāya sampayuttaṁ nahetuṁ dhammaṁ paṭicca sukhāya vedanāya sampayutto hetu dhammo uppajjati hetupaccayā. Nasukhāya vedanāya sampayuttaṁ nahetuṁ dhammaṁ paṭicca dukkhāya vedanāya sampayutto hetu dhammo uppajjati hetupaccayā. Nasukhāya vedanāya sampayuttaṁ nahetuṁ dhammaṁ paṭicca adukkhamasukhāya vedanāya sampayutto hetu dhammo uppajjati hetupaccayā … tīṇi.

2 Nadukkhāya vedanāya sampayuttaṁ nahetuṁ dhammaṁ paṭicca dukkhāya vedanāya sampayutto hetu dhammo uppajjati hetupaccayā … tīṇi.

3 Naadukkhamasukhāya vedanāya sampayuttaṁ nahetuṁ dhammaṁ paṭicca adukkhamasukhāya vedanāya sampayutto hetu dhammo uppajjati hetupaccayā … tīṇi.

4 Nasukhāya vedanāya sampayuttaṁ nahetuñca naadukkhamasukhāya vedanāya sampayuttaṁ nahetuñca dhammaṁ paṭicca sukhāya vedanāya sampayutto hetu dhammo uppajjati hetupaccayā … tīṇi. (Dutiyaṁ gaṇitakena tīṇi.) Hetuyā ekavīsa …pe… vipāke cuddasa …pe… avigate ekavīsa.

5 Nasukhāya vedanāya sampayuttaṁ nanahetuṁ dhammaṁ paṭicca dukkhāya vedanāya sampayutto nahetu dhammo uppajjati hetupaccayā … dve.

6 Nadukkhāya vedanāya sampayuttaṁ nanahetuṁ dhammaṁ paṭicca …. (Dve pañhāyeva.)

7 Naadukkhamasukhāya vedanāya sampayuttaṁ nanahetuṁ dhammaṁ paṭicca …. (Dveyeva. Paṭhamaṁ gaṇitakena ekaṁ, dutiyaṁ gaṇitakena ekaṁ, tatiyaṁ gaṇitakena ekaṁ kātabbaṁ.) Hetuyā nava …pe… vipāke cha …pe… avigate nava.