Therāpadāna 110

Therāpadāna

Bhikkhadāyivagga

1 “Kānanaṁ vanamogayha,

appasaddaṁ nirākulaṁ;

Sīhāsanaṁ mayā dinnaṁ,

atthadassissa tādino.

2 Mālāhatthaṁ gahetvāna,

katvā ca naṁ padakkhiṇaṁ;

Satthāraṁ payirupāsitvā,

pakkāmiṁ uttarāmukho.

3 Tena kammena dvipadinda,

lokajeṭṭha narāsabha;

Sannibbāpemi attānaṁ,

bhavā sabbe samūhatā.

4 Aṭṭhārasakappasate,

yaṁ dānamadadiṁ tadā;

Duggatiṁ nābhijānāmi,

sīhāsanassidaṁ phalaṁ.

5 Ito sattakappasate,

sannibbāpaka khattiyo;

Sattaratanasampanno,

cakkavattī mahabbalo.

6 Paṭisambhidā catasso,

…pe…

kataṁ buddhassa sāsanaṁ”.

7 Itthaṁ sudaṁ āyasmā āsanupaṭṭhāhako thero imā gāthāyo abhāsitthāti.

8 Āsanupaṭṭhāhakattherassāpadānaṁ aṭṭhamaṁ.