Therāpadāna 157

Therāpadāna

Bandhujīvakavagga

5 Mandāravapupphapūjakattheraapadāna

1 “Devaputto ahaṁ santo,

pūjayiṁ sikhināyakaṁ;

Mandāravena pupphena,

buddhassa abhiropayiṁ.

2 Sattāhaṁ chadanaṁ āsi,

dibbaṁ mālaṁ tathāgate;

Sabbe janā samāgantvā,

namassiṁsu tathāgataṁ.

3 Ekattiṁse ito kappe,

yaṁ pupphamabhipūjayiṁ;

Duggatiṁ nābhijānāmi,

buddhapūjāyidaṁ phalaṁ.

4 Ito ca dasame kappe,

rājāhosiṁ jutindharo;

Sattaratanasampanno,

cakkavattī mahabbalo.

5 Paṭisambhidā catasso,

…pe…

kataṁ buddhassa sāsanaṁ”.

6 Itthaṁ sudaṁ āyasmā mandāravapupphapūjako thero imā gāthāyo abhāsitthāti.

7 Mandāravapupphapūjakattherassāpadānaṁ pañcamaṁ.