Therāpadāna 204

Therāpadāna

Kaṇikārapupphiyavagga

Minelapupphiyattheraapadāna

1 “Suvaṇṇavaṇṇo bhagavā,

sataraṁsī patāpavā;

Caṅkamanaṁ samārūḷho,

mettacitto sikhīsabho.

2 Pasannacitto sumano,

vanditvā ñāṇamuttamaṁ;

Minelapupphaṁ paggayha,

buddhassa abhiropayiṁ.

3 Ekattiṁse ito kappe,

yaṁ pupphamabhipūjayiṁ;

Duggatiṁ nābhijānāmi,

buddhapūjāyidaṁ phalaṁ.

4 Ekūnatiṁsakappamhi,

sumeghaghananāmako;

Sattaratanasampanno,

cakkavattī mahabbalo.

5 Paṭisambhidā catasso,

…pe…

kataṁ buddhassa sāsanaṁ”.

6 Itthaṁ sudaṁ āyasmā minelapupphiyo thero imā gāthāyo abhāsitthāti.

7 Minelapupphiyattherassāpadānaṁ dutiyaṁ.