Therāpadāna 206

Therāpadāna

Kaṇikārapupphiyavagga

1 “Atthadassī tu bhagavā,

dvipadindo narāsabho;

Purakkhato sāvakehi,

gaṅgātīramupāgami.

2 Samatitti kākapeyyā,

gaṅgā āsi duruttarā;

Uttārayiṁ bhikkhusaṅghaṁ,

buddhañca dvipaduttamaṁ.

3 Aṭṭhārase kappasate,

yaṁ kammamakariṁ tadā;

Duggatiṁ nābhijānāmi,

taraṇāya idaṁ phalaṁ.

4 Teraseto kappasate,

pañca sabbobhavā ahuṁ;

Sattaratanasampannā,

cakkavattī mahabbalā.

5 Pacchime ca bhave asmiṁ,

jātohaṁ brāhmaṇe kule;

Saddhiṁ tīhi sahāyehi,

pabbajiṁ satthu sāsane.

6 Paṭisambhidā catasso,

…pe…

kataṁ buddhassa sāsanaṁ”.

7 Itthaṁ sudaṁ āyasmā taraṇiyo thero imā gāthāyo abhāsitthāti.

8 Taraṇiyattherassāpadānaṁ catutthaṁ.