Therāpadāna 367

Therāpadāna

Mandāravapupphiyavagga

Aṅkolapupphiyattheraapadāna

1 “Padumo nāma sambuddho,

cittakūṭe vasī tadā;

Disvāna taṁ ahaṁ buddhaṁ,

sayambhuṁ aparājitaṁ.

2 Aṅkolaṁ pupphitaṁ disvā,

ocinitvānahaṁ tadā;

Upagantvāna sambuddhaṁ,

pūjayiṁ padumaṁ jinaṁ.

3 Ekattiṁse ito kappe,

yaṁ pupphamabhipūjayiṁ;

Duggatiṁ nābhijānāmi,

buddhapūjāyidaṁ phalaṁ.

4 Paṭisambhidā catasso,

…pe…

kataṁ buddhassa sāsanaṁ”.

5 Itthaṁ sudaṁ āyasmā aṅkolapupphiyo thero imā gāthāyo abhāsitthāti.

6 Aṅkolapupphiyattherassāpadānaṁ pañcamaṁ.