Tipiṭaka
Milindapañha 60
Ganti terjemahan
Milindapañha
Buddhavagga
9. Uppajjatijānanapañha
1 Rājā āha—“bhante nāgasena, yo uppajjati, jānāti so ‘uppajjissāmī’”ti? “Āma, mahārāja, yo uppajjati jānāti so ‘uppajjissāmī’”ti.
2 “Opammaṁ karohī”ti. “Yathā, mahārāja, kassako gahapatiko bījāni pathaviyaṁ nikkhipitvā sammā deve vassante jānāti ‘dhaññaṁ nibbattissatī’”ti? “Āma, bhante, jāneyyā”ti. “Evameva kho, mahārāja, yo uppajjati, jānāti so ‘uppajjissāmī’”ti.
3 “Kallosi, bhante nāgasenā”ti.
4 Uppajjatijānanapañho navamo.