Therāpadāna 147

Therāpadāna

Chattavagga

5 Umāpupphiyattheraapadāna

1 “Nibbute lokamahite,

āhutīnaṁ paṭiggahe;

Siddhatthamhi bhagavati,

mahāthūpamaho ahu.

2 Mahe pavattamānamhi,

siddhatthassa mahesino;

Umāpupphaṁ gahetvāna,

thūpamhi abhiropayiṁ.

3 Catunnavutito kappe,

yaṁ pupphamabhiropayiṁ;

Duggatiṁ nābhijānāmi,

thūpapūjāyidaṁ phalaṁ.

4 Ito ca navame kappe,

somadevasanāmakā;

Pañcāsītisu rājāno,

cakkavattī mahabbalā.

5 Paṭisambhidā catasso,

…pe…

kataṁ buddhassa sāsanaṁ”.

6 Itthaṁ sudaṁ āyasmā umāpupphiyo thero imā gāthāyo abhāsitthāti.

7 Umāpupphiyattherassāpadānaṁ pañcamaṁ.