Therāpadāna 494

Therāpadāna

Kiṅkaṇipupphavagga

Paṁsukūlapūjakattheraapadāna

1 “Himavantassāvidūre,

udaṅgaṇo nāma pabbato;

Tatthaddasaṁ paṁsukūlaṁ,

dumaggamhi vilambitaṁ.

2 Tīṇi kiṅkaṇipupphāni,

ocinitvānahaṁ tadā;

Haṭṭho haṭṭhena cittena,

paṁsukūlamapūjayiṁ.

3 Tena kammena sukatena,

cetanāpaṇidhīhi ca;

Jahitvā mānusaṁ dehaṁ,

tāvatiṁsamagacchahaṁ.

4 Ekanavutito kappe,

yaṁ kammamakariṁ tadā;

Duggatiṁ nābhijānāmi,

pūjitvā arahaddhajaṁ.

5 Kilesā jhāpitā mayhaṁ,

…pe…

viharāmi anāsavo.

6 Svāgataṁ vata me āsi,

…pe…

kataṁ buddhassa sāsanaṁ.

7 Paṭisambhidā catasso,

…pe…

kataṁ buddhassa sāsanaṁ”.

8 Itthaṁ sudaṁ āyasmā paṁsukūlapūjako thero imā gāthāyo abhāsitthāti.

9 Paṁsukūlapūjakattherassāpadānaṁ dutiyaṁ.