Jātaka 364

Змінити переклад

Jātaka

Pañcakanipāta

Vaṇṇārohavagga

4. Khajjopanakajātaka

1 “Ko nu santamhi pajjote,

aggipariyesanaṁ caraṁ;

Addakkhi ratti khajjotaṁ,

jātavedaṁ amaññatha.

2 Svassa gomayacuṇṇāni,

abhimatthaṁ tiṇāni ca;

Viparītāya saññāya,

nāsakkhi pajjaletave.

3 Evampi anupāyena,

atthaṁ na labhate migo;

Visāṇato gavaṁ dohaṁ,

yattha khīraṁ na vindati.

4 Vividhehi upāyehi,

atthaṁ papponti māṇavā;

Niggahena amittānaṁ,

mittānaṁ paggahena ca.

5 Senāmokkhapalābhena,

vallabhānaṁ nayena ca;

Jagatiṁ jagatipālā,

āvasanti vasundharan”ti.

6 Khajjopanakajātakaṁ catutthaṁ.