Therāpadāna 137

Therāpadāna

Sobhitavagga

1 “Himavantassāvidūre,

vasabho nāma pabbato;

Tasmiṁ pabbatapādamhi,

assamo āsi māpito.

2 Tīṇi sissasahassāni,

vācesiṁ brāhmaṇo tadā;

Saṁharitvāna te sisse,

ekamantaṁ upāvisiṁ.

3 Ekamantaṁ nisīditvā,

brāhmaṇo mantapāragū;

Buddhavedaṁ gavesanto,

ñāṇe cittaṁ pasādayiṁ.

4 Tattha cittaṁ pasādetvā,

nisīdiṁ paṇṇasanthare;

Pallaṅkaṁ ābhujitvāna,

tattha kālaṅkato ahaṁ.

5 Ekattiṁse ito kappe,

yaṁ saññamalabhiṁ tadā;

Duggatiṁ nābhijānāmi,

ñāṇasaññāyidaṁ phalaṁ.

6 Sattavīsatikappamhi,

rājā siridharo ahu;

Sattaratanasampanno,

cakkavattī mahabbalo.

7 Paṭisambhidā catasso,

…pe…

kataṁ buddhassa sāsanaṁ”.

8 Itthaṁ sudaṁ āyasmā rahosaññako thero imā gāthāyo abhāsitthāti.

9 Rahosaññakattherassāpadānaṁ pañcamaṁ.