Therāpadāna 177

Therāpadāna

Kumudavagga

Sīhāsanadāyakattheraapadāna

1 “Nibbute lokanāthamhi,

padumuttaranāyake;

Pasannacitto sumano,

sīhāsanamadāsahaṁ.

2 Bahūhi gandhamālehi,

diṭṭhadhammasukhāvahe;

Tattha pūjañca katvāna,

nibbāyati bahujjano.

3 Pasannacitto sumano,

vanditvā bodhimuttamaṁ;

Kappānaṁ satasahassaṁ,

duggatiṁ nupapajjahaṁ.

4 Pannarasasahassamhi,

kappānaṁ aṭṭha āsu te;

Siluccayasanāmā ca,

rājāno cakkavattino.

5 Paṭisambhidā catasso,

…pe…

kataṁ buddhassa sāsanaṁ”.

6 Itthaṁ sudaṁ āyasmā sīhāsanadāyako thero imā gāthāyo abhāsitthāti.

7 Sīhāsanadāyakattherassāpadānaṁ pañcamaṁ.