Therāpadāna 29

Therāpadāna

Subhūtivagga

1 “Vipassissa bhagavato,

bodhiyā pādaputtame;

Purāṇapulinaṁ hitvā,

suddhapulinamākiriṁ.

2 Ekanavutito kappe,

yaṁ pulinamadāsahaṁ;

Duggatiṁ nābhijānāmi,

pulinadānassidaṁ phalaṁ.

3 Tiṁsatime ito kappe,

rājā āsiṁ janādhibhū;

Mahāpulinanāmena,

cakkavattī mahabbalo.

4 Paṭisambhidā catasso,

vimokkhāpi ca aṭṭhime;

Chaḷabhiññā sacchikatā,

kataṁ buddhassa sāsanaṁ”.

5 Itthaṁ sudaṁ āyasmā pulinapūjako thero imā gāthāyo abhāsitthāti.

6 Pulinapūjakattherassāpadānaṁ sattamaṁ.