Therāpadāna 496

Therāpadāna

Kiṅkaṇipupphavagga

Kiṁsukapupphiyattheraapadāna

1 “Kiṁsukaṁ pupphitaṁ disvā,

paggahetvāna añjaliṁ;

Buddhaseṭṭhaṁ saritvāna,

ākāse abhipūjayiṁ.

2 Tena kammena sukatena,

cetanāpaṇidhīhi ca;

Jahitvā mānusaṁ dehaṁ,

tāvatiṁsamagacchahaṁ.

3 Ekatiṁse ito kappe,

yaṁ kammamakariṁ tadā;

Duggatiṁ nābhijānāmi,

buddhapūjāyidaṁ phalaṁ.

4 Kilesā jhāpitā mayhaṁ,

…pe…

viharāmi anāsavo.

5 Svāgataṁ vata me āsi,

…pe…

kataṁ buddhassa sāsanaṁ.

6 Paṭisambhidā catasso,

…pe…

kataṁ buddhassa sāsanaṁ”.

7 Itthaṁ sudaṁ āyasmā kiṁsukapupphiyo thero imā gāthāyo abhāsitthāti.

8 Kiṁsukapupphiyattherassāpadānaṁ catutthaṁ.