Therāpadāna 91

Therāpadāna

Timiravagga

1 “Vipassissa bhagavato,

mahābodhimaho ahu;

Pabbajjupagato santo,

upagacchiṁ ahaṁ tadā.

2 Kusumodakamādāya,

bodhiyā okiriṁ ahaṁ;

Mocayissati no mutto,

nibbāpessati nibbuto.

3 Ekanavutito kappe,

yaṁ bodhimabhisiñcayiṁ;

Duggatiṁ nābhijānāmi,

bodhisiñcāyidaṁ phalaṁ.

4 Tettiṁse vattamānamhi,

kappe āsuṁ janādhipā;

Udakasecanā nāma,

aṭṭhete cakkavattino.

5 Paṭisambhidā catasso,

…pe…

kataṁ buddhassa sāsanaṁ”.

6 Itthaṁ sudaṁ āyasmā bodhisiñcako thero imā gāthāyo abhāsitthāti.

7 Bodhisiñcakattherassāpadānaṁ navamaṁ.