Jātaka 159

Jātaka

Dukanipāta

Daḷhavagga

9. Morajātaka

1 “Udetayañ cakkhumā ekarājā,

Harissavaṇṇo pathavippabhāso;

Taṁ taṁ namassāmi harissavaṇṇaṁ pathavippabhāsaṁ,

Tayājja guttā viharemu divasaṁ.

2 Ye brāhmaṇā vedagū sabbadhamme,

Te me namo te ca maṁ pālayantu;

Namatthu buddhānaṁ namatthu bodhiyā,

Namo vimuttānaṁ namo vimuttiyā;

Imaṁ so parittaṁ katvā,

Moro carati esanā.

3 Apetayaṁ cakkhumā ekarājā,

Harissavaṇṇo pathavippabhāso;

Taṁ taṁ namassāmi harissavaṇṇaṁ pathavippabhāsaṁ,

Tayājja guttā viharemu rattiṁ.

4 Ye brāhmaṇā vedagū sabbadhamme,

Te me namo te ca maṁ pālayantu;

Namatthu buddhānaṁ namatthu bodhiyā,

Namo vimuttānaṁ namo vimuttiyā;

Imaṁ so parittaṁ katvā,

Moro vāsamakappayī”ti.

5 Morajātakaṁ navamaṁ.