Jātaka 336

Change translation

Jātaka

Catukkanipāta

Kokilavagga

6. Brahāchattajātaka

1 “Tiṇaṁ tiṇanti lapasi,

ko nu te tiṇamāhari;

Kiṁ nu te tiṇakiccatthi,

tiṇameva pabhāsasi”.

2 “Idhāgamā brahmacārī,

brahā chatto bahussuto;

So me sabbaṁ samādāya,

tiṇaṁ nikkhippa gacchati”.

3 “Evetaṁ hoti kattabbaṁ,

appena bahumicchatā;

Sabbaṁ sakassa ādānaṁ,

anādānaṁ tiṇassa ca”.

(…)

4 “Sīlavanto na kubbanti,

bālo sīlāni kubbati;

Aniccasīlaṁ dussīlyaṁ,

kiṁ paṇḍiccaṁ karissatī”ti.

5 Brahāchattajātakaṁ chaṭṭhaṁ.