Yamaka 18

3 Āyatanayamaka

3.2 Pavattivāra

3.2.1. Uppādavāra

3.2.1.1. Paccuppannavāra

3.2.1.1.1. Anulomapuggala

1 Yassa cakkhāyatanaṁ uppajjati tassa sotāyatanaṁ uppajjatīti?

2 Sacakkhukānaṁ asotakānaṁ upapajjantānaṁ tesaṁ cakkhāyatanaṁ uppajjati, no ca tesaṁ sotāyatanaṁ uppajjati. Sacakkhukānaṁ sasotakānaṁ upapajjantānaṁ tesaṁ cakkhāyatanañca uppajjati sotāyatanañca uppajjati.

3 Yassa vā pana sotāyatanaṁ uppajjati tassa cakkhāyatanaṁ uppajjatīti?

4 Sasotakānaṁ acakkhukānaṁ upapajjantānaṁ tesaṁ sotāyatanaṁ uppajjati, no ca tesaṁ cakkhāyatanaṁ uppajjati. Sasotakānaṁ sacakkhukānaṁ upapajjantānaṁ tesaṁ sotāyatanañca uppajjati cakkhāyatanañca uppajjati.

5 Yassa cakkhāyatanaṁ uppajjati tassa ghānāyatanaṁ uppajjatīti?

6 Sacakkhukānaṁ aghānakānaṁ upapajjantānaṁ tesaṁ cakkhāyatanaṁ uppajjati, no ca tesaṁ ghānāyatanaṁ uppajjati. Sacakkhukānaṁ saghānakānaṁ upapajjantānaṁ tesaṁ cakkhāyatanañca uppajjati ghānāyatanañca uppajjati.

7 Yassa vā pana ghānāyatanaṁ uppajjati tassa cakkhāyatanaṁ uppajjatīti?

8 Saghānakānaṁ acakkhukānaṁ upapajjantānaṁ tesaṁ ghānāyatanaṁ uppajjati, no ca tesaṁ cakkhāyatanaṁ uppajjati. Saghānakānaṁ sacakkhukānaṁ upapajjantānaṁ tesaṁ ghānāyatanañca uppajjati cakkhāyatanañca uppajjati.

9 Yassa cakkhāyatanaṁ uppajjati tassa rūpāyatanaṁ uppajjatīti? Āmantā.

10 Yassa vā pana rūpāyatanaṁ uppajjati tassa cakkhāyatanaṁ uppajjatīti?

11 Sarūpakānaṁ acakkhukānaṁ upapajjantānaṁ tesaṁ rūpāyatanaṁ uppajjati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ rūpāyatanañca uppajjati cakkhāyatanañca uppajjati.

12 Yassa cakkhāyatanaṁ uppajjati tassa manāyatanaṁ uppajjatīti? Āmantā.

13 Yassa vā pana manāyatanaṁ uppajjati tassa cakkhāyatanaṁ uppajjatīti?

14 Sacittakānaṁ acakkhukānaṁ upapajjantānaṁ tesaṁ manāyatanaṁ uppajjati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ manāyatanañca uppajjati cakkhāyatanañca uppajjati.

15 Yassa cakkhāyatanaṁ uppajjati tassa dhammāyatanaṁ uppajjatīti? Āmantā.

16 Yassa vā pana dhammāyatanaṁ uppajjati tassa cakkhāyatanaṁ uppajjatīti?

17 Acakkhukānaṁ upapajjantānaṁ tesaṁ dhammāyatanaṁ uppajjati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ dhammāyatanañca uppajjati cakkhāyatanañca uppajjati. (Cakkhāyatanamūlakaṁ.)

18 Yassa ghānāyatanaṁ uppajjati tassa rūpāyatanaṁ uppajjatīti? Āmantā.

19 Yassa vā pana rūpāyatanaṁ uppajjati tassa ghānāyatanaṁ uppajjatīti?

20 Sarūpakānaṁ aghānakānaṁ upapajjantānaṁ tesaṁ rūpāyatanaṁ uppajjati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ rūpāyatanañca uppajjati ghānāyatanañca uppajjati.

21 Yassa ghānāyatanaṁ uppajjati tassa manāyatanaṁ uppajjatīti? Āmantā.

22 Yassa vā pana manāyatanaṁ uppajjati tassa ghānāyatanaṁ uppajjatīti?

23 Sacittakānaṁ aghānakānaṁ upapajjantānaṁ tesaṁ manāyatanaṁ uppajjati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ manāyatanañca uppajjati ghānāyatanañca uppajjati.

24 Yassa ghānāyatanaṁ uppajjati tassa dhammāyatanaṁ uppajjatīti? Āmantā.

25 Yassa vā pana dhammāyatanaṁ uppajjati tassa ghānāyatanaṁ uppajjatīti?

26 Aghānakānaṁ upapajjantānaṁ tesaṁ dhammāyatanaṁ uppajjati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ dhammāyatanañca uppajjati ghānāyatanañca uppajjati. (Ghānāyatanamūlakaṁ.)

27 Yassa rūpāyatanaṁ uppajjati tassa manāyatanaṁ uppajjatīti?

28 Acittakānaṁ upapajjantānaṁ tesaṁ rūpāyatanaṁ uppajjati, no ca tesaṁ manāyatanaṁ uppajjati. Sarūpakānaṁ sacittakānaṁ upapajjantānaṁ tesaṁ rūpāyatanañca uppajjati manāyatanañca uppajjati.

29 Yassa vā pana manāyatanaṁ uppajjati tassa rūpāyatanaṁ uppajjatīti?

30 Arūpakānaṁ upapajjantānaṁ tesaṁ manāyatanaṁ uppajjati, no ca tesaṁ rūpāyatanaṁ uppajjati. Sacittakānaṁ sarūpakānaṁ upapajjantānaṁ tesaṁ manāyatanañca uppajjati rūpāyatanañca uppajjati.

31 Yassa rūpāyatanaṁ uppajjati tassa dhammāyatanaṁ uppajjatīti? Āmantā.

32 Yassa vā pana dhammāyatanaṁ uppajjati tassa rūpāyatanaṁ uppajjatīti?

33 Arūpakānaṁ upapajjantānaṁ tesaṁ dhammāyatanaṁ uppajjati, no ca tesaṁ rūpāyatanaṁ uppajjati. Sarūpakānaṁ upapajjantānaṁ tesaṁ dhammāyatanañca uppajjati rūpāyatanañca uppajjati. (Rūpāyatanamūlakaṁ.)

34 Yassa manāyatanaṁ uppajjati tassa dhammāyatanaṁ uppajjatīti? Āmantā.

35 Yassa vā pana dhammāyatanaṁ uppajjati tassa manāyatanaṁ uppajjatīti?

36 Acittakānaṁ upapajjantānaṁ tesaṁ dhammāyatanaṁ uppajjati, no ca tesaṁ manāyatanaṁ uppajjati. Sacittakānaṁ upapajjantānaṁ tesaṁ dhammāyatanañca uppajjati manāyatanañca uppajjati. (Manāyatanamūlakaṁ.)

3.2.1.1.2. Anulomaokāsa

37 Yattha cakkhāyatanaṁ uppajjati tattha sotāyatanaṁ uppajjatīti? Āmantā.

38 Yattha vā pana sotāyatanaṁ uppajjati tattha cakkhāyatanaṁ uppajjatīti? Āmantā.

39 Yattha cakkhāyatanaṁ uppajjati tattha ghānāyatanaṁ uppajjatīti?

40 Rūpāvacare tattha cakkhāyatanaṁ uppajjati, no ca tattha ghānāyatanaṁ uppajjati. Kāmāvacare tattha cakkhāyatanañca uppajjati ghānāyatanañca uppajjati.

41 Yattha vā pana ghānāyatanaṁ uppajjati tattha cakkhāyatanaṁ uppajjatīti? Āmantā.

42 Yattha cakkhāyatanaṁ uppajjati tattha rūpāyatanaṁ uppajjatīti? Āmantā.

43 Yattha vā pana rūpāyatanaṁ uppajjati tattha cakkhāyatanaṁ uppajjatīti?

44 Asaññasatte tattha rūpāyatanaṁ uppajjati, no ca tattha cakkhāyatanaṁ uppajjati. Pañcavokāre tattha rūpāyatanañca uppajjati cakkhāyatanañca uppajjati.

45 Yattha cakkhāyatanaṁ uppajjati tattha manāyatanaṁ uppajjatīti? Āmantā.

46 Yattha vā pana manāyatanaṁ uppajjati tattha cakkhāyatanaṁ uppajjatīti?

47 Arūpe tattha manāyatanaṁ uppajjati, no ca tattha cakkhāyatanaṁ uppajjati. Pañcavokāre tattha manāyatanañca uppajjati cakkhāyatanañca uppajjati.

48 Yattha cakkhāyatanaṁ uppajjati tattha dhammāyatanaṁ uppajjatīti? Āmantā.

49 Yattha vā pana dhammāyatanaṁ uppajjati tattha cakkhāyatanaṁ uppajjatīti?

50 Asaññasatte arūpe tattha dhammāyatanaṁ uppajjati, no ca tattha cakkhāyatanaṁ uppajjati. Pañcavokāre tattha dhammāyatanañca uppajjati cakkhāyatanañca uppajjati. (Cakkhāyatanamūlakaṁ.)

51 Yattha ghānāyatanaṁ uppajjati tattha rūpāyatanaṁ uppajjatīti? Āmantā.

52 Yattha vā pana rūpāyatanaṁ uppajjati tattha ghānāyatanaṁ uppajjatīti?

53 Rūpāvacare tattha rūpāyatanaṁ uppajjati, no ca tattha ghānāyatanaṁ uppajjati. Kāmāvacare tattha rūpāyatanañca uppajjati ghānāyatanañca uppajjati.

54 (Yattha ghānāyatanaṁ uppajjati tattha manāyatanaṁ dhammāyatanañca ekasadisaṁ, nānaṁ natthi, upari pana vārasaṅkhepo hotīti jānitabbaṁ.)

55 Yattha ghānāyatanaṁ uppajjati tattha dhammāyatanaṁ uppajjatīti? Āmantā.

56 Yattha vā pana dhammāyatanaṁ uppajjati tattha ghānāyatanaṁ uppajjatīti?

57 Rūpāvacare arūpāvacare tattha dhammāyatanaṁ uppajjati, no ca tattha ghānāyatanaṁ uppajjati. Kāmāvacare tattha dhammāyatanañca uppajjati ghānāyatanañca uppajjati. (Ghānāyatanamūlakaṁ.)

58 Yattha rūpāyatanaṁ uppajjati tattha manāyatanaṁ uppajjatīti?

59 Asaññasatte tattha rūpāyatanaṁ uppajjati, no ca tattha manāyatanaṁ uppajjati. Pañcavokāre tattha rūpāyatanañca uppajjati manāyatanañca uppajjati.

60 Yattha vā pana manāyatanaṁ uppajjati tattha rūpāyatanaṁ uppajjatīti?

61 Arūpe tattha manāyatanaṁ uppajjati, no ca tattha rūpāyatanaṁ uppajjati. Pañcavokāre tattha manāyatanañca uppajjati rūpāyatanañca uppajjati.

62 Yattha rūpāyatanaṁ uppajjati tattha dhammāyatanaṁ uppajjatīti? Āmantā.

63 Yattha vā pana dhammāyatanaṁ uppajjati tattha rūpāyatanaṁ uppajjatīti?

64 Arūpe tattha dhammāyatanaṁ uppajjati, no ca tattha rūpāyatanaṁ uppajjati. Pañcavokāre asaññasatte tattha dhammāyatanañca uppajjati rūpāyatanañca uppajjati. (Rūpāyatanamūlakaṁ.)

65 Yattha manāyatanaṁ uppajjati tattha dhammāyatanaṁ uppajjatīti? Āmantā.

66 Yattha vā pana dhammāyatanaṁ uppajjati tattha manāyatanaṁ uppajjatīti?

67 Asaññasatte tattha dhammāyatanaṁ uppajjati, no ca tattha manāyatanaṁ uppajjati. Catuvokāre pañcavokāre tattha dhammāyatanañca uppajjati manāyatanañca uppajjati. (Manāyatanamūlakaṁ.)

3.2.1.1.3. Anulomapuggalokāsa

68 Yassa yattha cakkhāyatanaṁ uppajjati tassa tattha sotāyatanaṁ uppajjatīti?

69 Sacakkhukānaṁ asotakānaṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha sotāyatanaṁ uppajjati. Sacakkhukānaṁ sasotakānaṁ upapajjantānaṁ tesaṁ tattha cakkhāyatanañca uppajjati sotāyatanañca uppajjati.

70 Yassa vā pana yattha sotāyatanaṁ uppajjati tassa tattha cakkhāyatanaṁ uppajjatīti?

71 Sasotakānaṁ acakkhukānaṁ upapajjantānaṁ tesaṁ tattha sotāyatanaṁ uppajjati, no ca tesaṁ tattha cakkhāyatanaṁ uppajjati. Sasotakānaṁ sacakkhukānaṁ upapajjantānaṁ tesaṁ tattha sotāyatanañca uppajjati cakkhāyatanañca uppajjati. (Saṅkhittaṁ, yassakasadisaṁ.)

72 Yassa yattha manāyatanaṁ uppajjati tassa tattha dhammāyatanaṁ uppajjatīti? Āmantā.

73 Yassa vā pana yattha dhammāyatanaṁ uppajjati tassa tattha manāyatanaṁ uppajjatīti?

74 Acittakānaṁ upapajjantānaṁ tesaṁ tattha dhammāyatanaṁ uppajjati, no ca tesaṁ tattha manāyatanaṁ uppajjati. Sacittakānaṁ upapajjantānaṁ tesaṁ tattha dhammāyatanañca uppajjati manāyatanañca uppajjati.

3.2.1.1.4. Paccanīkapuggala

75 Yassa cakkhāyatanaṁ nuppajjati tassa sotāyatanaṁ nuppajjatīti?

76 Acakkhukānaṁ sasotakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ sotāyatanaṁ nuppajjati. Sabbesaṁ cavantānaṁ acakkhukānaṁ asotakānaṁ upapajjantānaṁ tesaṁ cakkhāyatanañca nuppajjati sotāyatanañca nuppajjati.

77 Yassa vā pana sotāyatanaṁ nuppajjati tassa cakkhāyatanaṁ nuppajjatīti?

78 Asotakānaṁ sacakkhukānaṁ upapajjantānaṁ tesaṁ sotāyatanaṁ nuppajjati, no ca tesaṁ cakkhāyatanaṁ nuppajjati. Sabbesaṁ cavantānaṁ asotakānaṁ acakkhukānaṁ upapajjantānaṁ tesaṁ sotāyatanañca nuppajjati cakkhāyatanañca nuppajjati.

79 Yassa cakkhāyatanaṁ nuppajjati tassa ghānāyatanaṁ nuppajjatīti?

80 Acakkhukānaṁ saghānakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ ghānāyatanaṁ nuppajjati. Sabbesaṁ cavantānaṁ acakkhukānaṁ aghānakānaṁ upapajjantānaṁ tesaṁ cakkhāyatanañca nuppajjati ghānāyatanañca nuppajjati.

81 Yassa vā pana ghānāyatanaṁ nuppajjati tassa cakkhāyatanaṁ nuppajjatīti?

82 Aghānakānaṁ sacakkhukānaṁ upapajjantānaṁ tesaṁ ghānāyatanaṁ nuppajjati, no ca tesaṁ cakkhāyatanaṁ nuppajjati. Sabbesaṁ cavantānaṁ aghānakānaṁ acakkhukānaṁ upapajjantānaṁ tesaṁ ghānāyatanañca nuppajjati cakkhāyatanañca nuppajjati.

83 Yassa cakkhāyatanaṁ nuppajjati tassa rūpāyatanaṁ nuppajjatīti?

84 Acakkhukānaṁ sarūpakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ rūpāyatanaṁ nuppajjati. Sabbesaṁ cavantānaṁ arūpakānaṁ upapajjantānaṁ tesaṁ cakkhāyatanañca nuppajjati rūpāyatanañca nuppajjati.

85 Yassa vā pana rūpāyatanaṁ nuppajjati tassa cakkhāyatanaṁ nuppajjatīti? Āmantā.

86 Yassa cakkhāyatanaṁ nuppajjati tassa manāyatanaṁ nuppajjatīti?

87 Acakkhukānaṁ sacittakānaṁ upapajjantānaṁ tesaṁ cakkhāyatanaṁ nuppajjati, no ca tesaṁ manāyatanaṁ nuppajjati. Sabbesaṁ cavantānaṁ acittakānaṁ upapajjantānaṁ tesaṁ cakkhāyatanañca nuppajjati manāyatanañca nuppajjati.

88 Yassa vā pana manāyatanaṁ nuppajjati tassa cakkhāyatanaṁ nuppajjatīti? Āmantā.

89 Yassa cakkhāyatanaṁ nuppajjati tassa dhammāyatanaṁ nuppajjatīti?

90 Acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ dhammāyatanaṁ nuppajjati. Sabbesaṁ cavantānaṁ tesaṁ cakkhāyatanañca nuppajjati dhammāyatanañca nuppajjati.

91 Yassa vā pana dhammāyatanaṁ nuppajjati tassa cakkhāyatanaṁ nuppajjatīti? Āmantā. (Cakkhāyatanamūlakaṁ.)

92 Yassa ghānāyatanaṁ nuppajjati tassa rūpāyatanaṁ nuppajjatīti?

93 Aghānakānaṁ sarūpakānaṁ upapajjantānaṁ tesaṁ ghānāyatanaṁ nuppajjati, no ca tesaṁ rūpāyatanaṁ nuppajjati. Sabbesaṁ cavantānaṁ arūpakānaṁ upapajjantānaṁ tesaṁ ghānāyatanañca nuppajjati rūpāyatanañca nuppajjati.

94 Yassa vā pana rūpāyatanaṁ nuppajjati tassa ghānāyatanaṁ nuppajjatīti? Āmantā.

95 Yassa ghānāyatanaṁ nuppajjati tassa manāyatanaṁ nuppajjatīti?

96 Aghānakānaṁ sacittakānaṁ upapajjantānaṁ tesaṁ ghānāyatanaṁ nuppajjati, no ca tesaṁ manāyatanaṁ nuppajjati. Sabbesaṁ cavantānaṁ acittakānaṁ upapajjantānaṁ tesaṁ ghānāyatanañca nuppajjati manāyatanañca nuppajjati.

97 Yassa vā pana manāyatanaṁ nuppajjati tassa ghānāyatanaṁ nuppajjatīti? Āmantā.

98 Yassa ghānāyatanaṁ nuppajjati tassa dhammāyatanaṁ nuppajjatīti?

99 Aghānakānaṁ upapajjantānaṁ tesaṁ ghānāyatanaṁ nuppajjati, no ca tesaṁ dhammāyatanaṁ nuppajjati. Sabbesaṁ cavantānaṁ tesaṁ ghānāyatanañca nuppajjati dhammāyatanañca nuppajjati.

100 Yassa vā pana dhammāyatanaṁ nuppajjati tassa ghānāyatanaṁ nuppajjatīti? Āmantā. (Ghānāyatanamūlakaṁ.)

101 Yassa rūpāyatanaṁ nuppajjati tassa manāyatanaṁ nuppajjatīti?

102 Arūpakānaṁ upapajjantānaṁ tesaṁ rūpāyatanaṁ nuppajjati, no ca tesaṁ manāyatanaṁ nuppajjati. Sabbesaṁ cavantānaṁ tesaṁ rūpāyatanañca nuppajjati manāyatanañca nuppajjati.

103 Yassa vā pana manāyatanaṁ nuppajjati tassa rūpāyatanaṁ nuppajjatīti?

104 Acittakānaṁ upapajjantānaṁ tesaṁ manāyatanaṁ nuppajjati, no ca tesaṁ rūpāyatanaṁ nuppajjati. Sabbesaṁ cavantānaṁ tesaṁ manāyatanañca nuppajjati rūpāyatanañca nuppajjati.

105 Yassa rūpāyatanaṁ nuppajjati tassa dhammāyatanaṁ nuppajjatīti?

106 Arūpakānaṁ upapajjantānaṁ tesaṁ rūpāyatanaṁ nuppajjati, no ca tesaṁ dhammāyatanaṁ nuppajjati. Sabbesaṁ cavantānaṁ tesaṁ rūpāyatanañca nuppajjati dhammāyatanañca nuppajjati.

107 Yassa vā pana dhammāyatanaṁ nuppajjati tassa rūpāyatanaṁ nuppajjatīti? Āmantā. (Rūpāyatanamūlakaṁ.)

108 Yassa manāyatanaṁ nuppajjati tassa dhammāyatanaṁ nuppajjatīti?

109 Acittakānaṁ upapajjantānaṁ tesaṁ manāyatanaṁ nuppajjati, no ca tesaṁ dhammāyatanaṁ nuppajjati. Sabbesaṁ cavantānaṁ tesaṁ manāyatanañca nuppajjati dhammāyatanañca nuppajjati.

110 Yassa vā pana dhammāyatanaṁ nuppajjati tassa manāyatanaṁ nuppajjatīti? Āmantā. (Manāyatanamūlakaṁ.)

3.2.1.1.5. Paccanīkaokāsa

111 Yattha cakkhāyatanaṁ nuppajjati tattha sotāyatanaṁ nuppajjatīti? Āmantā.

112 Yattha vā pana sotāyatanaṁ nuppajjati tattha cakkhāyatanaṁ nuppajjatīti? Āmantā.

113 Yattha cakkhāyatanaṁ nuppajjati tattha ghānāyatanaṁ nuppajjatīti? Āmantā.

114 Yattha vā pana ghānāyatanaṁ nuppajjati tattha cakkhāyatanaṁ nuppajjatīti?

115 Rūpāvacare tattha ghānāyatanaṁ nuppajjati, no ca tattha cakkhāyatanaṁ nuppajjati. Asaññasatte arūpe tattha ghānāyatanañca nuppajjati cakkhāyatanañca nuppajjati.

116 Yattha cakkhāyatanaṁ nuppajjati tattha rūpāyatanaṁ nuppajjatīti?

117 Asaññasatte tattha cakkhāyatanaṁ nuppajjati, no ca tattha rūpāyatanaṁ nuppajjati. Arūpe tattha cakkhāyatanañca nuppajjati rūpāyatanañca nuppajjati.

118 Yattha vā pana rūpāyatanaṁ nuppajjati tattha cakkhāyatanaṁ nuppajjatīti? Āmantā.

119 Yattha cakkhāyatanaṁ nuppajjati tattha manāyatanaṁ nuppajjatīti?

120 Arūpe tattha cakkhāyatanaṁ nuppajjati, no ca tattha manāyatanaṁ nuppajjati. Asaññasatte tattha cakkhāyatanañca nuppajjati manāyatanañca nuppajjati.

121 Yattha vā pana manāyatanaṁ nuppajjati tattha cakkhāyatanaṁ nuppajjatīti? Āmantā.

122 Yattha cakkhāyatanaṁ nuppajjati tattha dhammāyatanaṁ nuppajjatīti? Uppajjati.

123 Yattha vā pana dhammāyatanaṁ nuppajjati tattha cakkhāyatanaṁ nuppajjatīti? Natthi. (Cakkhāyatanamūlakaṁ.)

124 Yattha ghānāyatanaṁ nuppajjati tattha rūpāyatanaṁ nuppajjatīti?

125 Rūpāvacare tattha ghānāyatanaṁ nuppajjati, no ca tattha rūpāyatanaṁ nuppajjati. Arūpe tattha ghānāyatanañca nuppajjati rūpāyatanañca nuppajjati.

126 Yattha vā pana rūpāyatanaṁ nuppajjati tattha ghānāyatanaṁ nuppajjatīti? Āmantā.

127 Yattha ghānāyatanaṁ nuppajjati tattha manāyatanaṁ nuppajjatīti?

128 Rūpāvacare arūpāvacare tattha ghānāyatanaṁ nuppajjati, no ca tattha manāyatanaṁ nuppajjati. Asaññasatte tattha ghānāyatanañca nuppajjati manāyatanañca nuppajjati.

129 Yattha vā pana manāyatanaṁ nuppajjati tattha ghānāyatanaṁ nuppajjatīti? Āmantā.

130 Yattha ghānāyatanaṁ nuppajjati tattha dhammāyatanaṁ nuppajjatīti? Uppajjati.

131 Yattha vā pana dhammāyatanaṁ nuppajjati tattha ghānāyatanaṁ nuppajjatīti? Natthi. (Ghānāyatanamūlakaṁ.)

132 Yattha rūpāyatanaṁ nuppajjati tattha manāyatanaṁ nuppajjatīti? Uppajjati.

133 Yattha vā pana manāyatanaṁ nuppajjati tattha rūpāyatanaṁ nuppajjatīti? Uppajjati.

134 Yattha rūpāyatanaṁ nuppajjati tattha dhammāyatanaṁ nuppajjatīti? Uppajjati.

135 Yattha vā pana dhammāyatanaṁ nuppajjati tattha rūpāyatanaṁ nuppajjatīti? Natthi. (Rūpāyatanamūlakaṁ.)

136 Yattha manāyatanaṁ nuppajjati tattha dhammāyatanaṁ nuppajjatīti? Uppajjati.

137 Yattha vā pana dhammāyatanaṁ nuppajjati tattha manāyatanaṁ nuppajjatīti? Natthi. (Manāyatanamūlakaṁ.)

3.2.1.1.6. Paccanīkapuggalokāsa

138 Yassa yattha cakkhāyatanaṁ nuppajjati tassa tattha sotāyatanaṁ nuppajjatīti?

139 Acakkhukānaṁ sasotakānaṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha sotāyatanaṁ nuppajjati. Sabbesaṁ cavantānaṁ acakkhukānaṁ asotakānaṁ upapajjantānaṁ tesaṁ tattha cakkhāyatanañca nuppajjati sotāyatanañca nuppajjati.

140 Yassa vā pana yattha sotāyatanaṁ nuppajjati tassa tattha cakkhāyatanaṁ nuppajjatīti?

141 Asotakānaṁ sacakkhukānaṁ upapajjantānaṁ tesaṁ tattha sotāyatanaṁ nuppajjati, no ca tesaṁ tattha cakkhāyatanaṁ nuppajjati. Sabbesaṁ cavantānaṁ asotakānaṁ acakkhukānaṁ upapajjantānaṁ tesaṁ tattha sotāyatanañca nuppajjati cakkhāyatanañca nuppajjati …pe….

142 Yassa yattha manāyatanaṁ nuppajjati tassa tattha dhammāyatanaṁ nuppajjatīti?

143 Acittakānaṁ upapajjantānaṁ tesaṁ tattha manāyatanaṁ nuppajjati, no ca tesaṁ tattha dhammāyatanaṁ nuppajjati. Sabbesaṁ cavantānaṁ tesaṁ tattha manāyatanañca nuppajjati dhammāyatanañca nuppajjati.

144 Yassa vā pana yattha dhammāyatanaṁ nuppajjati tassa tattha manāyatanaṁ nuppajjatīti? Āmantā.

3.2.1.2. Atītavāra

3.2.1.2.1. Anulomapuggala

145 Yassa cakkhāyatanaṁ uppajjittha tassa sotāyatanaṁ uppajjitthāti? Āmantā.

146 Yassa vā pana sotāyatanaṁ uppajjittha tassa cakkhāyatanaṁ uppajjitthāti? Āmantā.

147 Yassa cakkhāyatanaṁ uppajjittha tassa ghānāyatanaṁ …pe… rūpāyatanaṁ … manāyatanaṁ … dhammāyatanaṁ uppajjitthāti? Āmantā.

148 Yassa vā pana dhammāyatanaṁ uppajjittha tassa cakkhāyatanaṁ uppajjitthāti? Āmantā.

149 Yassa ghānāyatanaṁ …pe… rūpāyatanaṁ … manāyatanaṁ uppajjittha tassa dhammāyatanaṁ uppajjitthāti? Āmantā.

150 Yassa vā pana dhammāyatanaṁ uppajjittha tassa manāyatanaṁ uppajjitthāti? Āmantā.

3.2.1.2.2. Anulomaokāsa

151 Yattha cakkhāyatanaṁ uppajjittha …pe… (yatthakaṁ paccuppannepi atītepi anāgatepi paccuppannātītepi paccuppannānāgatepi atītānāgatepi sabbattha sadisaṁ, uppajjati uppajjitthāti nāmaṁ atirekaṁ kātabbaṁ.)

3.2.1.2.3. Anulomapuggalokāsa

152 Yassa yattha cakkhāyatanaṁ uppajjittha tassa tattha sotāyatanaṁ uppajjitthāti? Āmantā.

153 Yassa vā pana yattha sotāyatanaṁ uppajjittha tassa tattha cakkhāyatanaṁ uppajjitthāti? Āmantā.

154 Yassa yattha cakkhāyatanaṁ uppajjittha tassa tattha ghānāyatanaṁ uppajjitthāti?

155 Rūpāvacarānaṁ tesaṁ tattha cakkhāyatanaṁ uppajjittha, no ca tesaṁ tattha ghānāyatanaṁ uppajjittha. Kāmāvacarānaṁ tesaṁ tattha cakkhāyatanañca uppajjittha ghānāyatanañca uppajjittha.

156 Yassa vā pana yattha ghānāyatanaṁ uppajjittha tassa tattha cakkhāyatanaṁ uppajjitthāti? Āmantā.

157 Yassa yattha cakkhāyatanaṁ uppajjittha tassa tattha rūpāyatanaṁ uppajjitthāti? Āmantā.

158 Yassa vā pana yattha rūpāyatanaṁ uppajjittha tassa tattha cakkhāyatanaṁ uppajjitthāti?

159 Asaññasattānaṁ tesaṁ tattha rūpāyatanaṁ uppajjittha, no ca tesaṁ tattha cakkhāyatanaṁ uppajjittha. Pañcavokārānaṁ tesaṁ tattha rūpāyatanañca uppajjittha cakkhāyatanañca uppajjittha.

160 Yassa yattha cakkhāyatanaṁ uppajjittha tassa tattha manāyatanaṁ uppajjitthāti? Āmantā.

161 Yassa vā pana yattha manāyatanaṁ uppajjittha tassa tattha cakkhāyatanaṁ uppajjitthāti?

162 Arūpānaṁ tesaṁ tattha manāyatanaṁ uppajjittha, no ca tesaṁ tattha cakkhāyatanaṁ uppajjittha. Pañcavokārānaṁ tesaṁ tattha manāyatanañca uppajjittha cakkhāyatanañca uppajjittha.

163 Yassa yattha cakkhāyatanaṁ uppajjittha tassa tattha dhammāyatanaṁ uppajjitthāti? Āmantā.

164 Yassa vā pana yattha dhammāyatanaṁ uppajjittha tassa tattha cakkhāyatanaṁ uppajjitthāti?

165 Asaññasattānaṁ arūpānaṁ tesaṁ tattha dhammāyatanaṁ uppajjittha, no ca tesaṁ tattha cakkhāyatanaṁ uppajjittha. Pañcavokārānaṁ tesaṁ tattha dhammāyatanañca uppajjittha cakkhāyatanañca uppajjittha. (Cakkhāyatanamūlakaṁ.)

166 Yassa yattha ghānāyatanaṁ uppajjittha tassa tattha rūpāyatanaṁ uppajjitthāti? Āmantā.

167 Yassa vā pana yattha rūpāyatanaṁ uppajjittha tassa tattha ghānāyatanaṁ uppajjitthāti?

168 Rūpāvacarānaṁ tesaṁ tattha rūpāyatanaṁ uppajjittha, no ca tesaṁ tattha ghānāyatanaṁ uppajjittha. Kāmāvacarānaṁ tesaṁ tattha rūpāyatanañca uppajjittha ghānāyatanañca uppajjittha.

169 Yassa yattha ghānāyatanaṁ uppajjittha tassa tattha manāyatanaṁ uppajjitthāti? Āmantā.

170 Yassa vā pana yattha manāyatanaṁ uppajjittha tassa tattha ghānāyatanaṁ uppajjitthāti?

171 Rūpāvacarānaṁ arūpāvacarānaṁ tesaṁ tattha manāyatanaṁ uppajjittha, no ca tesaṁ tattha ghānāyatanaṁ uppajjittha. Kāmāvacarānaṁ tesaṁ tattha manāyatanañca uppajjittha ghānāyatanañca uppajjittha.

172 Yassa yattha ghānāyatanaṁ uppajjittha tassa tattha dhammāyatanaṁ uppajjitthāti? Āmantā.

173 Yassa vā pana yattha dhammāyatanaṁ uppajjittha tassa tattha ghānāyatanaṁ uppajjitthāti?

174 Rūpāvacarānaṁ arūpāvacarānaṁ tesaṁ tattha dhammāyatanaṁ uppajjittha, no ca tesaṁ tattha ghānāyatanaṁ uppajjittha. Kāmāvacarānaṁ tesaṁ tattha dhammāyatanañca uppajjittha ghānāyatanañca uppajjittha. (Ghānāyatanamūlakaṁ.)

175 Yassa yattha rūpāyatanaṁ uppajjittha tassa tattha manāyatanaṁ uppajjitthāti?

176 Asaññasattānaṁ tesaṁ tattha rūpāyatanaṁ uppajjittha, no ca tesaṁ tattha manāyatanaṁ uppajjittha. Pañcavokārānaṁ tesaṁ tattha rūpāyatanañca uppajjittha manāyatanañca uppajjittha.

177 Yassa vā pana yattha manāyatanaṁ uppajjittha tassa tattha rūpāyatanaṁ uppajjitthāti?

178 Arūpānaṁ tesaṁ tattha manāyatanaṁ uppajjittha, no ca tesaṁ tattha rūpāyatanaṁ uppajjittha. Pañcavokārānaṁ tesaṁ tattha manāyatanañca uppajjittha rūpāyatanañca uppajjittha.

179 Yassa yattha rūpāyatanaṁ uppajjittha tassa tattha dhammāyatanaṁ uppajjitthāti? Āmantā.

180 Yassa vā pana yattha dhammāyatanaṁ uppajjittha tassa tattha rūpāyatanaṁ uppajjitthāti?

181 Arūpānaṁ tesaṁ tattha dhammāyatanaṁ uppajjittha, no ca tesaṁ tattha rūpāyatanaṁ uppajjittha. Pañcavokārānaṁ asaññasattānaṁ tesaṁ tattha dhammāyatanañca uppajjittha rūpāyatanañca uppajjittha. (Rūpāyatanamūlakaṁ.)

182 Yassa yattha manāyatanaṁ uppajjittha tassa tattha dhammāyatanaṁ uppajjitthāti? Āmantā.

183 Yassa vā pana yattha dhammāyatanaṁ uppajjittha tassa tattha manāyatanaṁ uppajjitthāti?

184 Asaññasattānaṁ tesaṁ tattha dhammāyatanaṁ uppajjittha, no ca tesaṁ tattha manāyatanaṁ uppajjittha. Catuvokārānaṁ pañcavokārānaṁ tesaṁ tattha dhammāyatanañca uppajjittha manāyatanañca uppajjittha. (Manāyatanamūlakaṁ.)

3.2.1.2.4. Paccanīkapuggala

185 Yassa cakkhāyatanaṁ nuppajjittha tassa sotāyatanaṁ nuppajjitthāti? Natthi.

186 Yassa vā pana sotāyatanaṁ nuppajjittha tassa cakkhāyatanaṁ nuppajjitthāti? Natthi. (Saṅkhittaṁ.)

187 Yassa manāyatanaṁ nuppajjittha tassa dhammāyatanaṁ nuppajjitthāti? Natthi.

188 Yassa vā pana dhammāyatanaṁ nuppajjittha tassa manāyatanaṁ nuppajjitthāti? Natthi. …pe….

3.2.1.2.5. Paccanīkaokāsa

189 Yattha cakkhāyatanaṁ nuppajjittha …pe….

3.2.1.2.6. Paccanīkapuggalokāsa

190 Yassa yattha cakkhāyatanaṁ nuppajjittha tassa tattha sotāyatanaṁ nuppajjitthāti? Āmantā.

191 Yassa vā pana yattha sotāyatanaṁ nuppajjittha tassa tattha cakkhāyatanaṁ nuppajjitthāti? Āmantā.

192 Yassa yattha cakkhāyatanaṁ nuppajjittha tassa tattha ghānāyatanaṁ nuppajjitthāti? Āmantā.

193 Yassa vā pana yattha ghānāyatanaṁ nuppajjittha tassa tattha cakkhāyatanaṁ nuppajjitthāti?

194 Rūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha cakkhāyatanaṁ nuppajjittha. Suddhāvāsānaṁ asaññasattānaṁ arūpānaṁ tesaṁ tattha ghānāyatanañca nuppajjittha cakkhāyatanañca nuppajjittha.

195 Yassa yattha cakkhāyatanaṁ nuppajjittha tassa tattha rūpāyatanaṁ nuppajjitthāti?

196 Asaññasattānaṁ tesaṁ tattha cakkhāyatanaṁ nuppajjittha, no ca tesaṁ tattha rūpāyatanaṁ nuppajjittha. Suddhāvāsānaṁ arūpānaṁ tesaṁ tattha cakkhāyatanañca nuppajjittha rūpāyatanañca nuppajjittha.

197 Yassa vā pana yattha rūpāyatanaṁ nuppajjittha tassa tattha cakkhāyatanaṁ nuppajjitthāti? Āmantā.

198 Yassa yattha cakkhāyatanaṁ nuppajjittha tassa tattha manāyatanaṁ nuppajjitthāti?

199 Arūpānaṁ tesaṁ tattha cakkhāyatanaṁ nuppajjittha, no ca tesaṁ tattha manāyatanaṁ nuppajjittha. Suddhāvāsānaṁ asaññasattānaṁ tesaṁ tattha cakkhāyatanañca nuppajjittha manāyatanañca nuppajjittha.

200 Yassa vā pana yattha manāyatanaṁ nuppajjittha tassa tattha cakkhāyatanaṁ nuppajjitthāti? Āmantā.

201 Yassa yattha cakkhāyatanaṁ nuppajjittha tassa tattha dhammāyatanaṁ nuppajjitthāti?

202 Asaññasattānaṁ arūpānaṁ tesaṁ tattha cakkhāyatanaṁ nuppajjittha, no ca tesaṁ tattha dhammāyatanaṁ nuppajjittha. Suddhāvāsānaṁ tesaṁ tattha cakkhāyatanañca nuppajjittha dhammāyatanañca nuppajjittha.

203 Yassa vā pana yattha dhammāyatanaṁ nuppajjittha tassa tattha cakkhāyatanaṁ nuppajjitthāti? Āmantā. (Cakkhāyatanamūlakaṁ.)

204 Yassa yattha ghānāyatanaṁ nuppajjittha tassa tattha rūpāyatanaṁ nuppajjitthāti?

205 Rūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha rūpāyatanaṁ nuppajjittha. Suddhāvāsānaṁ arūpānaṁ tesaṁ tattha ghānāyatanañca nuppajjittha rūpāyatanañca nuppajjittha.

206 Yassa vā pana yattha rūpāyatanaṁ nuppajjittha tassa tattha ghānāyatanaṁ nuppajjitthāti? Āmantā.

207 Yassa yattha ghānāyatanaṁ nuppajjittha tassa tattha manāyatanaṁ nuppajjitthāti?

208 Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha manāyatanaṁ nuppajjittha. Suddhāvāsānaṁ asaññasattānaṁ tesaṁ tattha ghānāyatanañca nuppajjittha manāyatanañca nuppajjittha.

209 Yassa vā pana yattha manāyatanaṁ nuppajjittha tassa tattha ghānāyatanaṁ nuppajjitthāti? Āmantā.

210 Yassa yattha ghānāyatanaṁ nuppajjittha tassa tattha dhammāyatanaṁ nuppajjitthāti?

211 Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha dhammāyatanaṁ nuppajjittha. Suddhāvāsānaṁ tesaṁ tattha ghānāyatanañca nuppajjittha dhammāyatanañca nuppajjittha.

212 Yassa vā pana yattha dhammāyatanaṁ nuppajjittha tassa tattha ghānāyatanaṁ nuppajjitthāti? Āmantā. (Ghānāyatanamūlakaṁ.)

213 Yassa yattha rūpāyatanaṁ nuppajjittha tassa tattha manāyatanaṁ nuppajjitthāti?

214 Arūpānaṁ tesaṁ tattha rūpāyatanaṁ nuppajjittha, no ca tesaṁ tattha manāyatanaṁ nuppajjittha. Suddhāvāsānaṁ tesaṁ tattha rūpāyatanañca nuppajjittha manāyatanañca nuppajjittha.

215 Yassa vā pana yattha manāyatanaṁ nuppajjittha tassa tattha rūpāyatanaṁ nuppajjitthāti?

216 Asaññasattānaṁ tesaṁ tattha manāyatanaṁ nuppajjittha, no ca tesaṁ tattha rūpāyatanaṁ nuppajjittha. Suddhāvāsānaṁ tesaṁ tattha manāyatanañca nuppajjittha rūpāyatanañca nuppajjittha.

217 Yassa yattha rūpāyatanaṁ nuppajjittha tassa tattha dhammāyatanaṁ nuppajjitthāti?

218 Arūpānaṁ tesaṁ tattha rūpāyatanaṁ nuppajjittha, no ca tesaṁ tattha dhammāyatanaṁ nuppajjittha. Suddhāvāsānaṁ tesaṁ tattha rūpāyatanañca nuppajjittha dhammāyatanañca nuppajjittha.

219 Yassa vā pana yattha dhammāyatanaṁ nuppajjittha tassa tattha rūpāyatanaṁ nuppajjitthāti? Āmantā. (Rūpāyatanamūlakaṁ.)

220 Yassa yattha manāyatanaṁ nuppajjittha tassa tattha dhammāyatanaṁ nuppajjitthāti?

221 Asaññasattānaṁ tesaṁ tattha manāyatanaṁ nuppajjittha, no ca tesaṁ tattha dhammāyatanaṁ nuppajjittha. Suddhāvāsānaṁ tesaṁ tattha manāyatanañca nuppajjittha dhammāyatanañca nuppajjittha.

222 Yassa vā pana yattha dhammāyatanaṁ nuppajjittha tassa tattha manāyatanaṁ nuppajjitthāti? Āmantā. (Manāyatanamūlakaṁ.)

3.2.1.3. Anāgatavāra

3.2.1.3.1. Anulomapuggala

223 Yassa cakkhāyatanaṁ uppajjissati tassa sotāyatanaṁ uppajjissatīti? Āmantā.

224 Yassa vā pana sotāyatanaṁ uppajjissati tassa cakkhāyatanaṁ uppajjissatīti? Āmantā.

225 Yassa cakkhāyatanaṁ uppajjissati tassa ghānāyatanaṁ uppajjissatīti?

226 Ye rūpāvacaraṁ upapajjitvā parinibbāyissanti tesaṁ cakkhāyatanaṁ uppajjissati, no ca tesaṁ ghānāyatanaṁ uppajjissati. Itaresaṁ tesaṁ cakkhāyatanañca uppajjissati ghānāyatanañca uppajjissati.

227 Yassa vā pana ghānāyatanaṁ uppajjissati tassa cakkhāyatanaṁ uppajjissatīti? Āmantā.

228 Yassa cakkhāyatanaṁ uppajjissati tassa rūpāyatanaṁ uppajjissatīti? Āmantā.

229 Yassa vā pana rūpāyatanaṁ uppajjissati tassa cakkhāyatanaṁ uppajjissatīti? Āmantā.

230 Yassa cakkhāyatanaṁ uppajjissati (tassa manāyatanañca dhammāyatanañca sadisaṁ, ime dve sadisāyeva honti.)

231 Yassa cakkhāyatanaṁ uppajjissati tassa dhammāyatanaṁ uppajjissatīti? Āmantā.

232 Yassa vā pana dhammāyatanaṁ uppajjissati tassa cakkhāyatanaṁ uppajjissatīti?

233 Ye arūpaṁ upapajjitvā parinibbāyissanti tesaṁ dhammāyatanaṁ uppajjissati, no ca tesaṁ cakkhāyatanaṁ uppajjissati. Itaresaṁ tesaṁ dhammāyatanañca uppajjissati cakkhāyatanañca uppajjissati. (Cakkhāyatanamūlakaṁ.)

234 Yassa ghānāyatanaṁ uppajjissati tassa rūpāyatanaṁ uppajjissatīti? Āmantā.

235 Yassa vā pana rūpāyatanaṁ uppajjissati tassa ghānāyatanaṁ uppajjissatīti?

236 Ye rūpāvacaraṁ upapajjitvā parinibbāyissanti tesaṁ rūpāyatanaṁ uppajjissati, no ca tesaṁ ghānāyatanaṁ uppajjissati. Itaresaṁ tesaṁ rūpāyatanañca uppajjissati ghānāyatanañca uppajjissati.

237 Yassa ghānāyatanaṁ uppajjissati tassa manāyatanaṁ …pe… dhammāyatanaṁ uppajjissatīti? Āmantā.

238 Yassa vā pana dhammāyatanaṁ uppajjissati tassa ghānāyatanaṁ uppajjissatīti?

239 Ye rūpāvacaraṁ arūpāvacaraṁ upapajjitvā parinibbāyissanti tesaṁ dhammāyatanaṁ uppajjissati, no ca tesaṁ ghānāyatanaṁ uppajjissati. Itaresaṁ tesaṁ dhammāyatanañca uppajjissati ghānāyatanañca uppajjissati. (Ghānāyatanamūlakaṁ.)

240 Yassa rūpāyatanaṁ uppajjissati tassa manāyatanaṁ …pe… dhammāyatanaṁ uppajjissatīti? Āmantā.

241 Yassa vā pana dhammāyatanaṁ uppajjissati tassa rūpāyatanaṁ uppajjissatīti?

242 Ye arūpaṁ upapajjitvā parinibbāyissanti tesaṁ dhammāyatanaṁ uppajjissati, no ca tesaṁ rūpāyatanaṁ uppajjissati. Itaresaṁ tesaṁ dhammāyatanañca uppajjissati rūpāyatanañca uppajjissati. (Rūpāyatanamūlakaṁ.)

243 Yassa manāyatanaṁ uppajjissati tassa dhammāyatanaṁ uppajjissatīti? Āmantā.

244 Yassa vā pana dhammāyatanaṁ uppajjissati tassa manāyatanaṁ uppajjissatīti? Āmantā. (Manāyatanamūlakaṁ.)

3.2.1.3.2. Anulomaokāsa

245 Yattha cakkhāyatanaṁ uppajjissati …pe….

3.2.1.3.3. Anulomapuggalokāsa

246 Yassa yattha cakkhāyatanaṁ uppajjissati tassa tattha sotāyatanaṁ uppajjissatīti? Āmantā.

247 Yassa vā pana yattha sotāyatanaṁ uppajjissati tassa tattha cakkhāyatanaṁ uppajjissatīti? Āmantā.

248 Yassa yattha cakkhāyatanaṁ uppajjissati tassa tattha ghānāyatanaṁ uppajjissatīti?

249 Rūpāvacarānaṁ tesaṁ tattha cakkhāyatanaṁ uppajjissati, no ca tesaṁ tattha ghānāyatanaṁ uppajjissati. Kāmāvacarānaṁ tesaṁ tattha cakkhāyatanañca uppajjissati ghānāyatanañca uppajjissati.

250 Yassa vā pana yattha ghānāyatanaṁ uppajjissati tassa tattha cakkhāyatanaṁ uppajjissatīti? Āmantā.

251 Yassa yattha cakkhāyatanaṁ uppajjissati tassa tattha rūpāyatanaṁ uppajjissatīti? Āmantā.

252 Yassa vā pana yattha rūpāyatanaṁ uppajjissati tassa tattha cakkhāyatanaṁ uppajjissatīti?

253 Asaññasattānaṁ tesaṁ tattha rūpāyatanaṁ uppajjissati, no ca tesaṁ tattha cakkhāyatanaṁ uppajjissati. Pañcavokārānaṁ tesaṁ tattha rūpāyatanañca uppajjissati cakkhāyatanañca uppajjissati.

254 Yassa yattha cakkhāyatanaṁ uppajjissati tassa tattha manāyatanaṁ uppajjissatīti? Āmantā.

255 Yassa vā pana yattha manāyatanaṁ uppajjissati tassa tattha cakkhāyatanaṁ uppajjissatīti?

256 Arūpānaṁ tesaṁ tattha manāyatanaṁ uppajjissati, no ca tesaṁ tattha cakkhāyatanaṁ uppajjissati. Pañcavokārānaṁ tesaṁ tattha manāyatanañca uppajjissati cakkhāyatanañca uppajjissati.

257 Yassa yattha cakkhāyatanaṁ uppajjissati tassa tattha dhammāyatanaṁ uppajjissatīti? Āmantā.

258 Yassa vā pana yattha dhammāyatanaṁ uppajjissati tassa tattha cakkhāyatanaṁ uppajjissatīti?

259 Asaññasattānaṁ arūpānaṁ tesaṁ tattha dhammāyatanaṁ uppajjissati, no ca tesaṁ tattha cakkhāyatanaṁ uppajjissati. Pañcavokārānaṁ tesaṁ tattha dhammāyatanañca uppajjissati cakkhāyatanañca uppajjissati. (Cakkhāyatanamūlakaṁ.)

260 Yassa yattha ghānāyatanaṁ uppajjissati tassa tattha rūpāyatanaṁ uppajjissatīti? Āmantā.

261 Yassa vā pana yattha rūpāyatanaṁ uppajjissati tassa tattha ghānāyatanaṁ uppajjissatīti?

262 Rūpāvacarānaṁ tesaṁ tattha rūpāyatanaṁ uppajjissati, no ca tesaṁ tattha ghānāyatanaṁ uppajjissati. Kāmāvacarānaṁ tesaṁ tattha rūpāyatanañca uppajjissati ghānāyatanañca uppajjissati.

263 Yassa yattha ghānāyatanaṁ uppajjissati tassa tattha manāyatanaṁ …pe… dhammāyatanaṁ uppajjissatīti? Āmantā.

264 Yassa vā pana yattha dhammāyatanaṁ uppajjissati tassa tattha ghānāyatanaṁ uppajjissatīti?

265 Rūpāvacarānaṁ arūpāvacarānaṁ tesaṁ tattha dhammāyatanaṁ uppajjissati, no ca tesaṁ tattha ghānāyatanaṁ uppajjissati. Kāmāvacarānaṁ tesaṁ tattha dhammāyatanañca uppajjissati ghānāyatanañca uppajjissati. (Ghānāyatanamūlakaṁ.)

266 Yassa yattha rūpāyatanaṁ uppajjissati tassa tattha manāyatanaṁ uppajjissatīti?

267 Asaññasattānaṁ tesaṁ tattha rūpāyatanaṁ uppajjissati, no ca tesaṁ tattha manāyatanaṁ uppajjissati. Pañcavokārānaṁ tesaṁ tattha rūpāyatanañca uppajjissati manāyatanañca uppajjissati.

268 Yassa vā pana yattha manāyatanaṁ uppajjissati tassa tattha rūpāyatanaṁ uppajjissatīti?

269 Arūpānaṁ tesaṁ tattha manāyatanaṁ uppajjissati, no ca tesaṁ tattha rūpāyatanaṁ uppajjissati. Pañcavokārānaṁ tesaṁ tattha manāyatanañca uppajjissati rūpāyatanañca uppajjissati.

270 Yassa yattha rūpāyatanaṁ uppajjissati tassa tattha dhammāyatanaṁ uppajjissatīti? Āmantā.

271 Yassa vā pana yattha dhammāyatanaṁ uppajjissati tassa tattha rūpāyatanaṁ uppajjissatīti?

272 Arūpānaṁ tesaṁ tattha dhammāyatanaṁ uppajjissati, no ca tesaṁ tattha rūpāyatanaṁ uppajjissati. Pañcavokārānaṁ asaññasattānaṁ tesaṁ tattha dhammāyatanañca uppajjissati rūpāyatanañca uppajjissati. (Rūpāyatanamūlakaṁ.)

273 Yassa yattha manāyatanaṁ uppajjissati tassa tattha dhammāyatanaṁ uppajjissatīti? Āmantā.

274 Yassa vā pana yattha dhammāyatanaṁ uppajjissati tassa tattha manāyatanaṁ uppajjissatīti?

275 Asaññasattānaṁ tesaṁ tattha dhammāyatanaṁ uppajjissati, no ca tesaṁ tattha manāyatanaṁ uppajjissati. Catuvokārānaṁ pañcavokārānaṁ tesaṁ tattha dhammāyatanañca uppajjissati manāyatanañca uppajjissati. (Manāyatanamūlakaṁ.)

3.2.1.3.4. Paccanīkapuggala

276 Yassa cakkhāyatanaṁ nuppajjissati tassa sotāyatanaṁ nuppajjissatīti? Āmantā.

277 Yassa vā pana sotāyatanaṁ nuppajjissati tassa cakkhāyatanaṁ nuppajjissatīti? Āmantā.

278 Yassa cakkhāyatanaṁ nuppajjissati tassa ghānāyatanaṁ nuppajjissatīti? Āmantā.

279 Yassa vā pana ghānāyatanaṁ nuppajjissati tassa cakkhāyatanaṁ nuppajjissatīti?

280 Ye rūpāvacaraṁ upapajjitvā parinibbāyissanti tesaṁ ghānāyatanaṁ nuppajjissati, no ca tesaṁ cakkhāyatanaṁ nuppajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ ghānāyatanañca nuppajjissati cakkhāyatanañca nuppajjissati.

281 Yassa cakkhāyatanaṁ nuppajjissati tassa rūpāyatanaṁ nuppajjissatīti? Āmantā.

282 Yassa vā pana rūpāyatanaṁ nuppajjissati tassa cakkhāyatanaṁ nuppajjissatīti? Āmantā.

283 Yassa cakkhāyatanaṁ nuppajjissati tassa manāyatanaṁ …pe… dhammāyatanaṁ nuppajjissatīti?

284 Ye arūpaṁ upapajjitvā parinibbāyissanti tesaṁ cakkhāyatanaṁ nuppajjissati, no ca tesaṁ dhammāyatanaṁ nuppajjissati. Pacchimabhavikānaṁ tesaṁ cakkhāyatanañca nuppajjissati dhammāyatanañca nuppajjissati.

285 Yassa vā pana dhammāyatanaṁ nuppajjissati tassa cakkhāyatanaṁ nuppajjissatīti? Āmantā. (Cakkhāyatanamūlakaṁ.)

286 Yassa ghānāyatanaṁ nuppajjissati tassa rūpāyatanaṁ nuppajjissatīti?

287 Ye rūpāvacaraṁ upapajjitvā parinibbāyissanti tesaṁ ghānāyatanaṁ nuppajjissati, no ca tesaṁ rūpāyatanaṁ nuppajjissati. Pacchimabhavikānaṁ ye ca arūpaṁ upapajjitvā parinibbāyissanti tesaṁ ghānāyatanañca nuppajjissati rūpāyatanañca nuppajjissati.

288 Yassa vā pana rūpāyatanaṁ nuppajjissati tassa ghānāyatanaṁ nuppajjissatīti? Āmantā.

289 Yassa ghānāyatanaṁ nuppajjissati tassa manāyatanaṁ …pe… dhammāyatanaṁ nuppajjissatīti?

290 Ye rūpāvacaraṁ arūpāvacaraṁ upapajjitvā parinibbāyissanti tesaṁ ghānāyatanaṁ nuppajjissati, no ca tesaṁ dhammāyatanaṁ nuppajjissati. Pacchimabhavikānaṁ tesaṁ ghānāyatanañca nuppajjissati dhammāyatanañca nuppajjissati.

291 Yassa vā pana dhammāyatanaṁ nuppajjissati tassa ghānāyatanaṁ nuppajjissatīti? Āmantā. (Ghānāyatanamūlakaṁ.)

292 Yassa rūpāyatanaṁ nuppajjissati tassa manāyatanaṁ …pe… dhammāyatanaṁ nuppajjissatīti?

293 Ye arūpaṁ upapajjitvā parinibbāyissanti tesaṁ rūpāyatanaṁ nuppajjissati, no ca tesaṁ dhammāyatanaṁ nuppajjissati. Pacchimabhavikānaṁ tesaṁ rūpāyatanañca nuppajjissati dhammāyatanañca nuppajjissati.

294 Yassa vā pana dhammāyatanaṁ nuppajjissati tassa rūpāyatanaṁ nuppajjissatīti? Āmantā. (Rūpāyatanamūlakaṁ.)

295 Yassa manāyatanaṁ nuppajjissati tassa dhammāyatanaṁ nuppajjissatīti? Āmantā.

296 Yassa vā pana dhammāyatanaṁ nuppajjissati tassa manāyatanaṁ nuppajjissatīti? Āmantā. (Manāyatanamūlakaṁ.)

3.2.1.3.5. Paccanīkaokāsa

297 Yattha cakkhāyatanaṁ nuppajjissati …pe….

3.2.1.3.6. Paccanīkapuggalokāsa

298 Yassa yattha cakkhāyatanaṁ nuppajjissati tassa tattha sotāyatanaṁ nuppajjissatīti? Āmantā.

299 Yassa vā pana yattha sotāyatanaṁ nuppajjissati tassa tattha cakkhāyatanaṁ nuppajjissatīti? Āmantā.

300 Yassa yattha cakkhāyatanaṁ nuppajjissati tassa tattha ghānāyatanaṁ nuppajjissatīti? Āmantā.

301 Yassa vā pana yattha ghānāyatanaṁ nuppajjissati tassa tattha cakkhāyatanaṁ nuppajjissatīti?

302 Rūpāvacarānaṁ tesaṁ tattha ghānāyatanaṁ nuppajjissati, no ca tesaṁ tattha cakkhāyatanaṁ nuppajjissati. Pañcavokāre pacchimabhavikānaṁ asaññasattānaṁ arūpānaṁ tesaṁ tattha ghānāyatanañca nuppajjissati cakkhāyatanañca nuppajjissati.

303 Yassa yattha cakkhāyatanaṁ nuppajjissati tassa tattha rūpāyatanaṁ nuppajjissatīti?

304 Asaññasattānaṁ tesaṁ tattha cakkhāyatanaṁ nuppajjissati, no ca tesaṁ tattha rūpāyatanaṁ nuppajjissati. Pañcavokāre pacchimabhavikānaṁ arūpānaṁ tesaṁ tattha cakkhāyatanañca nuppajjissati rūpāyatanañca nuppajjissati.

305 Yassa vā pana yattha rūpāyatanaṁ nuppajjissati tassa tattha cakkhāyatanaṁ nuppajjissatīti? Āmantā.

306 Yassa yattha cakkhāyatanaṁ nuppajjissati tassa tattha manāyatanaṁ nuppajjissatīti?

307 Arūpānaṁ tesaṁ tattha cakkhāyatanaṁ nuppajjissati, no ca tesaṁ tattha manāyatanaṁ nuppajjissati. Pacchimabhavikānaṁ asaññasattānaṁ tesaṁ tattha cakkhāyatanañca nuppajjissati manāyatanañca nuppajjissati.

308 Yassa vā pana yattha manāyatanaṁ nuppajjissati tassa tattha cakkhāyatanaṁ nuppajjissatīti? Āmantā.

309 Yassa yattha cakkhāyatanaṁ nuppajjissati tassa tattha dhammāyatanaṁ nuppajjissatīti?

310 Asaññasattānaṁ arūpānaṁ tesaṁ tattha cakkhāyatanaṁ nuppajjissati, no ca tesaṁ tattha dhammāyatanaṁ nuppajjissati. Pacchimabhavikānaṁ tesaṁ tattha cakkhāyatanañca nuppajjissati dhammāyatanañca nuppajjissati.

311 Yassa vā pana yattha dhammāyatanaṁ nuppajjissati tassa tattha cakkhāyatanaṁ nuppajjissatīti? Āmantā. (Cakkhāyatanamūlakaṁ.)

312 Yassa yattha ghānāyatanaṁ nuppajjissati tassa tattha rūpāyatanaṁ nuppajjissatīti?

313 Rūpāvacarānaṁ tesaṁ tattha ghānāyatanaṁ nuppajjissati, no ca tesaṁ tattha rūpāyatanaṁ nuppajjissati. Pañcavokāre pacchimabhavikānaṁ arūpānaṁ tesaṁ tattha ghānāyatanañca nuppajjissati rūpāyatanañca nuppajjissati.

314 Yassa vā pana yattha rūpāyatanaṁ nuppajjissati tassa tattha ghānāyatanaṁ nuppajjissatīti? Āmantā.

315 Yassa yattha ghānāyatanaṁ nuppajjissati tassa tattha manāyatanaṁ nuppajjissatīti?

316 Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjissati, no ca tesaṁ tattha manāyatanaṁ nuppajjissati. Pacchimabhavikānaṁ asaññasattānaṁ tesaṁ tattha ghānāyatanañca nuppajjissati manāyatanañca nuppajjissati.

317 Yassa vā pana yattha manāyatanaṁ nuppajjissati tassa tattha ghānāyatanaṁ nuppajjissatīti? Āmantā.

318 Yassa yattha ghānāyatanaṁ nuppajjissati tassa tattha dhammāyatanaṁ nuppajjissatīti?

319 Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjissati, no ca tesaṁ tattha dhammāyatanaṁ nuppajjissati. Pacchimabhavikānaṁ tesaṁ tattha ghānāyatanañca nuppajjissati dhammāyatanañca nuppajjissati.

320 Yassa vā pana yattha dhammāyatanaṁ nuppajjissati tassa tattha ghānāyatanaṁ nuppajjissatīti? Āmantā. (Ghānāyatanamūlakaṁ.)

321 Yassa yattha rūpāyatanaṁ nuppajjissati tassa tattha manāyatanaṁ nuppajjissatīti?

322 Arūpānaṁ tesaṁ tattha rūpāyatanaṁ nuppajjissati, no ca tesaṁ tattha manāyatanaṁ nuppajjissati. Pacchimabhavikānaṁ tesaṁ tattha rūpāyatanañca nuppajjissati manāyatanañca nuppajjissati.

323 Yassa vā pana yattha manāyatanaṁ nuppajjissati tassa tattha rūpāyatanaṁ nuppajjissatīti?

324 Asaññasattānaṁ tesaṁ tattha manāyatanaṁ nuppajjissati, no ca tesaṁ tattha rūpāyatanaṁ nuppajjissati. Pacchimabhavikānaṁ tesaṁ tattha manāyatanañca nuppajjissati rūpāyatanañca nuppajjissati.

325 Yassa yattha rūpāyatanaṁ nuppajjissati tassa tattha dhammāyatanaṁ nuppajjissatīti?

326 Arūpānaṁ tesaṁ tattha rūpāyatanaṁ nuppajjissati, no ca tesaṁ tattha dhammāyatanaṁ nuppajjissati. Pacchimabhavikānaṁ tesaṁ tattha rūpāyatanañca nuppajjissati dhammāyatanañca nuppajjissati.

327 Yassa vā pana yattha dhammāyatanaṁ nuppajjissati tassa tattha rūpāyatanaṁ nuppajjissatīti? Āmantā. (Rūpāyatanamūlakaṁ.)

328 Yassa yattha manāyatanaṁ nuppajjissati tassa tattha dhammāyatanaṁ nuppajjissatīti?

329 Asaññasattānaṁ tesaṁ tattha manāyatanaṁ nuppajjissati, no ca tesaṁ tattha dhammāyatanaṁ nuppajjissati. Pacchimabhavikānaṁ tesaṁ tattha manāyatanañca nuppajjissati dhammāyatanañca nuppajjissati.

330 Yassa vā pana yattha dhammāyatanaṁ nuppajjissati tassa tattha manāyatanaṁ nuppajjissatīti? Āmantā. (Manāyatanamūlakaṁ.)

3.2.1.4. Paccuppannātītavāra

3.2.1.4.1. Anulomapuggala

331 Yassa cakkhāyatanaṁ uppajjati tassa sotāyatanaṁ uppajjitthāti? Āmantā.

332 Yassa vā pana sotāyatanaṁ uppajjittha tassa cakkhāyatanaṁ uppajjatīti?

333 Sabbesaṁ cavantānaṁ acakkhukānaṁ upapajjantānaṁ tesaṁ sotāyatanaṁ uppajjittha, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ sotāyatanañca uppajjittha cakkhāyatanañca uppajjati.

334 Yassa cakkhāyatanaṁ uppajjati tassa ghānāyatanaṁ …pe… rūpāyatanaṁ … manāyatanaṁ … dhammāyatanaṁ uppajjitthāti? Āmantā.

335 Yassa vā pana dhammāyatanaṁ uppajjittha tassa cakkhāyatanaṁ uppajjatīti?

336 Sabbesaṁ cavantānaṁ acakkhukānaṁ upapajjantānaṁ tesaṁ dhammāyatanaṁ uppajjittha, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ dhammāyatanañca uppajjittha cakkhāyatanañca uppajjati. (Cakkhāyatanamūlakaṁ.)

337 Yassa ghānāyatanaṁ uppajjati tassa rūpāyatanaṁ …pe… manāyatanaṁ … dhammāyatanaṁ uppajjitthāti? Āmantā.

338 Yassa vā pana dhammāyatanaṁ uppajjittha tassa ghānāyatanaṁ uppajjatīti?

339 Sabbesaṁ cavantānaṁ aghānakānaṁ upapajjantānaṁ tesaṁ dhammāyatanaṁ uppajjittha, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ dhammāyatanañca uppajjittha ghānāyatanañca uppajjati. (Ghānāyatanamūlakaṁ.)

340 Yassa rūpāyatanaṁ uppajjati tassa manāyatanaṁ …pe… dhammāyatanaṁ uppajjitthāti? Āmantā.

341 Yassa vā pana dhammāyatanaṁ uppajjittha tassa rūpāyatanaṁ uppajjatīti?

342 Sabbesaṁ cavantānaṁ arūpakānaṁ upapajjantānaṁ tesaṁ dhammāyatanaṁ uppajjittha, no ca tesaṁ rūpāyatanaṁ uppajjati. Sarūpakānaṁ upapajjantānaṁ tesaṁ dhammāyatanañca uppajjittha rūpāyatanañca uppajjati. (Rūpāyatanamūlakaṁ.)

343 Yassa manāyatanaṁ uppajjati tassa dhammāyatanaṁ uppajjitthāti? Āmantā.

344 Yassa vā pana dhammāyatanaṁ uppajjittha tassa manāyatanaṁ uppajjatīti?

345 Sabbesaṁ cavantānaṁ acittakānaṁ upapajjantānaṁ tesaṁ dhammāyatanaṁ uppajjittha, no ca tesaṁ manāyatanaṁ uppajjati. Sacittakānaṁ upapajjantānaṁ tesaṁ dhammāyatanañca uppajjittha manāyatanañca uppajjati. (Manāyatanamūlakaṁ.)

3.2.1.4.2. Anulomaokāsa

346 Yattha cakkhāyatanaṁ uppajjati tattha sotāyatanaṁ uppajjitthāti? Āmantā. …pe….

3.2.1.4.3. Anulomapuggalokāsa

347 Yassa yattha cakkhāyatanaṁ uppajjati tassa tattha sotāyatanaṁ uppajjitthāti?

348 Suddhāvāsaṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha sotāyatanaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati sotāyatanañca uppajjittha.

349 Yassa vā pana yattha sotāyatanaṁ uppajjittha tassa tattha cakkhāyatanaṁ uppajjatīti?

350 Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha sotāyatanaṁ uppajjittha, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha sotāyatanañca uppajjittha cakkhāyatanañca uppajjati.

351 Yassa yattha cakkhāyatanaṁ uppajjati tassa tattha ghānāyatanaṁ uppajjitthāti?

352 Rūpāvacaraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha ghānāyatanaṁ uppajjittha. Sacakkhukānaṁ kāmāvacaraṁ upapajjantānaṁ tesaṁ tattha cakkhāyatanañca uppajjati ghānāyatanañca uppajjittha.

353 Yassa vā pana yattha ghānāyatanaṁ uppajjittha tassa tattha cakkhāyatanaṁ uppajjatīti?

354 Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjittha, no ca tesaṁ tattha cakkhāyatanaṁ uppajjati. Sacakkhukānaṁ kāmāvacaraṁ upapajjantānaṁ tesaṁ tattha ghānāyatanañca uppajjittha cakkhāyatanañca uppajjati.

355 Yassa yattha cakkhāyatanaṁ uppajjati tassa tattha rūpāyatanaṁ uppajjitthāti?

356 Suddhāvāsaṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha rūpāyatanaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati rūpāyatanañca uppajjittha.

357 Yassa vā pana yattha rūpāyatanaṁ uppajjittha tassa tattha cakkhāyatanaṁ uppajjatīti?

358 Pañcavokārā cavantānaṁ acakkhukānaṁ kāmāvacaraṁ upapajjantānaṁ asaññasattānaṁ tesaṁ tattha rūpāyatanaṁ uppajjittha, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha rūpāyatanañca uppajjittha cakkhāyatanañca uppajjati.

359 Yassa yattha cakkhāyatanaṁ uppajjati tassa tattha manāyatanaṁ uppajjitthāti?

360 Suddhāvāsaṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha manāyatanaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati manāyatanañca uppajjittha.

361 Yassa vā pana yattha manāyatanaṁ uppajjittha tassa tattha cakkhāyatanaṁ uppajjatīti?

362 Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha manāyatanaṁ uppajjittha, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha manāyatanañca uppajjittha cakkhāyatanañca uppajjati.

363 Yassa yattha cakkhāyatanaṁ uppajjati tassa tattha dhammāyatanaṁ uppajjitthāti?

364 Suddhāvāsaṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha dhammāyatanaṁ uppajjittha. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati dhammāyatanañca uppajjittha.

365 Yassa vā pana yattha dhammāyatanaṁ uppajjittha tassa tattha cakkhāyatanaṁ uppajjatīti?

366 Sabbesaṁ cavantānaṁ acakkhukānaṁ upapajjantānaṁ tesaṁ tattha dhammāyatanaṁ uppajjittha, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha dhammāyatanañca uppajjittha cakkhāyatanañca uppajjati. (Cakkhāyatanamūlakaṁ.)

367 Yassa yattha ghānāyatanaṁ uppajjati tassa tattha rūpāyatanaṁ uppajjitthāti? Āmantā.

368 Yassa vā pana yattha rūpāyatanaṁ uppajjittha tassa tattha ghānāyatanaṁ uppajjatīti?

369 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha rūpāyatanaṁ uppajjittha, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha rūpāyatanañca uppajjittha ghānāyatanañca uppajjati.

370 Yassa yattha ghānāyatanaṁ uppajjati tassa tattha manāyatanaṁ uppajjitthāti? Āmantā.

371 Yassa vā pana yattha manāyatanaṁ uppajjittha tassa tattha ghānāyatanaṁ uppajjatīti?

372 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manāyatanaṁ uppajjittha, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha manāyatanañca uppajjittha ghānāyatanañca uppajjati.

373 Yassa yattha ghānāyatanaṁ uppajjati tassa tattha dhammāyatanaṁ uppajjitthāti? Āmantā.

374 Yassa vā pana yattha dhammāyatanaṁ uppajjittha tassa tattha ghānāyatanaṁ uppajjatīti?

375 Sabbesaṁ cavantānaṁ aghānakānaṁ upapajjantānaṁ tesaṁ tattha dhammāyatanaṁ uppajjittha, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha dhammāyatanañca uppajjittha ghānāyatanañca uppajjati. (Ghānāyatanamūlakaṁ.)

376 Yassa yattha rūpāyatanaṁ uppajjati tassa tattha manāyatanaṁ uppajjitthāti?

377 Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha manāyatanaṁ uppajjittha. Itaresaṁ pañcavokāraṁ upapajjantānaṁ tesaṁ tattha rūpāyatanañca uppajjati manāyatanañca uppajjittha.

378 Yassa vā pana yattha manāyatanaṁ uppajjittha tassa tattha rūpāyatanaṁ uppajjatīti?

379 Pañcavokārā cavantānaṁ arūpānaṁ tesaṁ tattha manāyatanaṁ uppajjittha, no ca tesaṁ tattha rūpāyatanaṁ uppajjati. Pañcavokāraṁ upapajjantānaṁ tesaṁ tattha manāyatanañca uppajjittha rūpāyatanañca uppajjati.

380 Yassa yattha rūpāyatanaṁ uppajjati tassa tattha dhammāyatanaṁ uppajjitthāti?

381 Suddhāvāsaṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha dhammāyatanaṁ uppajjittha. Itaresaṁ sarūpakānaṁ upapajjantānaṁ tesaṁ tattha rūpāyatanañca uppajjati dhammāyatanañca uppajjittha.

382 Yassa vā pana yattha dhammāyatanaṁ uppajjittha tassa tattha rūpāyatanaṁ uppajjatīti?

383 Sabbesaṁ cavantānaṁ arūpakānaṁ upapajjantānaṁ tesaṁ tattha dhammāyatanaṁ uppajjittha, no ca tesaṁ tattha rūpāyatanaṁ uppajjati. Sarūpakānaṁ upapajjantānaṁ tesaṁ tattha dhammāyatanañca uppajjittha rūpāyatanañca uppajjati. (Rūpāyatanamūlakaṁ.)

384 Yassa yattha manāyatanaṁ uppajjati tassa tattha dhammāyatanaṁ uppajjitthāti?

385 Suddhāvāsaṁ upapajjantānaṁ tesaṁ tattha manāyatanaṁ uppajjati, no ca tesaṁ tattha dhammāyatanaṁ uppajjittha. Itaresaṁ sacittakānaṁ upapajjantānaṁ tesaṁ tattha manāyatanañca uppajjati dhammāyatanañca uppajjittha.

386 Yassa vā pana yattha dhammāyatanaṁ uppajjittha tassa tattha manāyatanaṁ uppajjatīti?

387 Sabbesaṁ cavantānaṁ acittakānaṁ upapajjantānaṁ tesaṁ tattha dhammāyatanaṁ uppajjittha, no ca tesaṁ tattha manāyatanaṁ uppajjati. Sacittakānaṁ upapajjantānaṁ tesaṁ tattha dhammāyatanañca uppajjittha manāyatanañca uppajjati. (Manāyatanamūlakaṁ.)

3.2.1.4.4. Paccanīkapuggala

388 Yassa cakkhāyatanaṁ nuppajjati tassa sotāyatanaṁ nuppajjitthāti? Uppajjittha.

389 Yassa vā pana sotāyatanaṁ nuppajjittha tassa cakkhāyatanaṁ nuppajjatīti? Natthi.

390 Yassa cakkhāyatanaṁ nuppajjati tassa ghānāyatanaṁ …pe… rūpāyatanaṁ … manāyatanaṁ … dhammāyatanaṁ nuppajjitthāti? Uppajjittha.

391 Yassa vā pana dhammāyatanaṁ nuppajjittha tassa cakkhāyatanaṁ nuppajjatīti? Natthi.

392 Yassa ghānāyatanaṁ …pe… rūpāyatanaṁ … manāyatanaṁ nuppajjati tassa dhammāyatanaṁ nuppajjitthāti? Uppajjittha.

393 Yassa vā pana dhammāyatanaṁ nuppajjittha tassa manāyatanaṁ nuppajjatīti? Natthi.

3.2.1.4.5. Paccanīkaokāsa

394 Yattha cakkhāyatanaṁ nuppajjati …pe….

3.2.1.4.6. Paccanīkapuggalokāsa

395 Yassa yattha cakkhāyatanaṁ nuppajjati tassa tattha sotāyatanaṁ nuppajjitthāti?

396 Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha sotāyatanaṁ nuppajjittha. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhāyatanañca nuppajjati sotāyatanañca nuppajjittha.

397 Yassa vā pana yattha sotāyatanaṁ nuppajjittha tassa tattha cakkhāyatanaṁ nuppajjatīti?

398 Suddhāvāsaṁ upapajjantānaṁ tesaṁ tattha sotāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha sotāyatanañca nuppajjittha cakkhāyatanañca nuppajjati.

399 Yassa yattha cakkhāyatanaṁ nuppajjati tassa tattha ghānāyatanaṁ nuppajjitthāti?

400 Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha ghānāyatanaṁ nuppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhāyatanañca nuppajjati ghānāyatanañca nuppajjittha.

401 Yassa vā pana yattha ghānāyatanaṁ nuppajjittha tassa tattha cakkhāyatanaṁ nuppajjatīti?

402 Rūpāvacaraṁ upapajjantānaṁ tesaṁ tattha ghānāyatanaṁ nuppajjittha, no ca tesaṁ tattha cakkhāyatanaṁ nuppajjati. Rūpāvacarā cavantānaṁ asaññasattānaṁ arūpānaṁ tesaṁ tattha ghānāyatanañca nuppajjittha cakkhāyatanañca nuppajjati.

403 Yassa yattha cakkhāyatanaṁ nuppajjati tassa tattha rūpāyatanaṁ nuppajjitthāti?

404 Pañcavokārā cavantānaṁ acakkhukānaṁ kāmāvacaraṁ upapajjantānaṁ asaññasattānaṁ tesaṁ tattha cakkhāyatanaṁ nuppajjati, no ca tesaṁ tattha rūpāyatanaṁ nuppajjittha. Suddhāvāse parinibbantānaṁ arūpānaṁ tesaṁ tattha cakkhāyatanañca nuppajjati rūpāyatanañca nuppajjittha.

405 Yassa vā pana yattha rūpāyatanaṁ nuppajjittha tassa tattha cakkhāyatanaṁ nuppajjatīti?

406 Suddhāvāsaṁ upapajjantānaṁ tesaṁ tattha rūpāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ arūpānaṁ tesaṁ tattha rūpāyatanañca nuppajjittha cakkhāyatanañca nuppajjati.

407 Yassa yattha cakkhāyatanaṁ nuppajjati tassa tattha manāyatanaṁ nuppajjitthāti?

408 Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhāyatanaṁ nuppajjati, no ca tesaṁ tattha manāyatanaṁ nuppajjittha. Suddhāvāse parinibbantānaṁ asaññasattānaṁ tesaṁ tattha cakkhāyatanañca nuppajjati manāyatanañca nuppajjittha.

409 Yassa vā pana yattha manāyatanaṁ nuppajjittha tassa tattha cakkhāyatanaṁ nuppajjatīti?

410 Suddhāvāsaṁ upapajjantānaṁ tesaṁ tattha manāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ asaññasattānaṁ tesaṁ tattha manāyatanañca nuppajjittha cakkhāyatanañca nuppajjati.

411 Yassa yattha cakkhāyatanaṁ nuppajjati tassa tattha dhammāyatanaṁ nuppajjitthāti?

412 Sabbesaṁ cavantānaṁ acakkhukānaṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāse parinibbantānaṁ tesaṁ tattha cakkhāyatanañca nuppajjati dhammāyatanañca nuppajjittha.

413 Yassa vā pana yattha dhammāyatanaṁ nuppajjittha tassa tattha cakkhāyatanaṁ nuppajjatīti?

414 Suddhāvāsaṁ upapajjantānaṁ tesaṁ tattha dhammāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ tesaṁ tattha dhammāyatanañca nuppajjittha cakkhāyatanañca nuppajjati. (Cakkhāyatanamūlakaṁ.)

415 Yassa yattha ghānāyatanaṁ nuppajjati tassa tattha rūpāyatanaṁ nuppajjitthāti?

416 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha rūpāyatanaṁ nuppajjittha. Suddhāvāsānaṁ arūpānaṁ tesaṁ tattha ghānāyatanañca nuppajjati rūpāyatanañca nuppajjittha.

417 Yassa vā pana yattha rūpāyatanaṁ nuppajjittha tassa tattha ghānāyatanaṁ nuppajjatīti? Āmantā.

418 Yassa yattha ghānāyatanaṁ nuppajjati tassa tattha manāyatanaṁ nuppajjitthāti?

419 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha manāyatanaṁ nuppajjittha. Suddhāvāsānaṁ asaññasattānaṁ tesaṁ tattha ghānāyatanañca nuppajjati manāyatanañca nuppajjittha.

420 Yassa vā pana yattha manāyatanaṁ nuppajjittha tassa tattha ghānāyatanaṁ nuppajjatīti? Āmantā.

421 Yassa yattha ghānāyatanaṁ nuppajjati tassa tattha dhammāyatanaṁ nuppajjitthāti?

422 Sabbesaṁ cavantānaṁ aghānakānaṁ upapajjantānaṁ tesaṁ tattha ghānāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāsānaṁ tesaṁ tattha ghānāyatanañca nuppajjati dhammāyatanañca nuppajjittha.

423 Yassa vā pana yattha dhammāyatanaṁ nuppajjittha tassa tattha ghānāyatanaṁ nuppajjatīti? Āmantā. (Ghānāyatanamūlakaṁ.)

424 Yassa yattha rūpāyatanaṁ nuppajjati tassa tattha manāyatanaṁ nuppajjitthāti?

425 Pañcavokārā cavantānaṁ arūpānaṁ tesaṁ tattha rūpāyatanaṁ nuppajjati, no ca tesaṁ tattha manāyatanaṁ nuppajjittha. Suddhāvāse parinibbantānaṁ asaññasattā cavantānaṁ tesaṁ tattha rūpāyatanañca nuppajjati manāyatanañca nuppajjittha.

426 Yassa vā pana yattha manāyatanaṁ nuppajjittha tassa tattha rūpāyatanaṁ nuppajjatīti?

427 Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha manāyatanaṁ nuppajjittha, no ca tesaṁ tattha rūpāyatanaṁ nuppajjati. Suddhāvāse parinibbantānaṁ asaññasattā cavantānaṁ tesaṁ tattha manāyatanañca nuppajjittha rūpāyatanañca nuppajjati.

428 Yassa yattha rūpāyatanaṁ nuppajjati tassa tattha dhammāyatanaṁ nuppajjitthāti?

429 Sabbesaṁ cavantānaṁ arūpakānaṁ upapajjantānaṁ tesaṁ tattha rūpāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāse parinibbantānaṁ tesaṁ tattha rūpāyatanañca nuppajjati dhammāyatanañca nuppajjittha.

430 Yassa vā pana yattha dhammāyatanaṁ nuppajjittha tassa tattha rūpāyatanaṁ nuppajjatīti?

431 Suddhāvāsaṁ upapajjantānaṁ tesaṁ tattha dhammāyatanaṁ nuppajjittha, no ca tesaṁ tattha rūpāyatanaṁ nuppajjati. Suddhāvāse parinibbantānaṁ tesaṁ tattha dhammāyatanañca nuppajjittha rūpāyatanañca nuppajjati. (Rūpāyatanamūlakaṁ.)

432 Yassa yattha manāyatanaṁ nuppajjati tassa tattha dhammāyatanaṁ nuppajjitthāti?

433 Sabbesaṁ cavantānaṁ acittakānaṁ upapajjantānaṁ tesaṁ tattha manāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāse parinibbantānaṁ tesaṁ tattha manāyatanañca nuppajjati dhammāyatanañca nuppajjittha.

434 Yassa vā pana yattha dhammāyatanaṁ nuppajjittha tassa tattha manāyatanaṁ nuppajjatīti?

435 Suddhāvāsaṁ upapajjantānaṁ tesaṁ tattha dhammāyatanaṁ nuppajjittha, no ca tesaṁ tattha manāyatanaṁ nuppajjati. Suddhāvāse parinibbantānaṁ tesaṁ tattha dhammāyatanañca nuppajjittha manāyatanañca nuppajjati. (Manāyatanamūlakaṁ.)

3.2.1.5. Paccuppannānāgatavāra

3.2.1.5.1. Anulomapuggala

436 Yassa cakkhāyatanaṁ uppajjati tassa sotāyatanaṁ uppajjissatīti?

437 Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ cakkhāyatanaṁ uppajjati, no ca tesaṁ sotāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati sotāyatanañca uppajjissati.

438 Yassa vā pana sotāyatanaṁ uppajjissati tassa cakkhāyatanaṁ uppajjatīti?

439 Sabbesaṁ cavantānaṁ acakkhukānaṁ upapajjantānaṁ tesaṁ sotāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ sotāyatanañca uppajjissati cakkhāyatanañca uppajjati.

440 Yassa cakkhāyatanaṁ uppajjati tassa ghānāyatanaṁ uppajjissatīti?

441 Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ cakkhāyatanaṁ uppajjati, no ca tesaṁ ghānāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati ghānāyatanañca uppajjissati.

442 Yassa vā pana ghānāyatanaṁ uppajjissati tassa cakkhāyatanaṁ uppajjatīti?

443 Sabbesaṁ cavantānaṁ acakkhukānaṁ upapajjantānaṁ tesaṁ ghānāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ ghānāyatanañca uppajjissati cakkhāyatanañca uppajjati.

444 Yassa cakkhāyatanaṁ uppajjati tassa rūpāyatanaṁ uppajjissatīti?

445 Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ cakkhāyatanaṁ uppajjati, no ca tesaṁ rūpāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati rūpāyatanañca uppajjissati.

446 Yassa vā pana rūpāyatanaṁ uppajjissati tassa cakkhāyatanaṁ uppajjatīti?

447 Sabbesaṁ cavantānaṁ acakkhukānaṁ upapajjantānaṁ tesaṁ rūpāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ rūpāyatanañca uppajjissati cakkhāyatanañca uppajjati.

448 Yassa cakkhāyatanaṁ uppajjati tassa manāyatanaṁ uppajjissatīti?

449 Pacchimabhavikānaṁ pañcavokāraṁ upapajjantānaṁ tesaṁ cakkhāyatanaṁ uppajjati, no ca tesaṁ manāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati manāyatanañca uppajjissati.

450 Yassa vā pana manāyatanaṁ uppajjissati tassa cakkhāyatanaṁ uppajjatīti?

451 Sabbesaṁ cavantānaṁ acakkhukānaṁ upapajjantānaṁ tesaṁ manāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ manāyatanañca uppajjissati cakkhāyatanañca uppajjati.

452 Yassa cakkhāyatanaṁ uppajjati tassa dhammāyatanaṁ uppajjissatīti?

453 Pacchimabhavikānaṁ pañcavokāraṁ upapajjantānaṁ tesaṁ cakkhāyatanaṁ uppajjati, no ca tesaṁ dhammāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati dhammāyatanañca uppajjissati.

454 Yassa vā pana dhammāyatanaṁ uppajjissati tassa cakkhāyatanaṁ uppajjatīti?

455 Sabbesaṁ cavantānaṁ acakkhukānaṁ upapajjantānaṁ tesaṁ dhammāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ dhammāyatanañca uppajjissati cakkhāyatanañca uppajjati. (Cakkhāyatanamūlakaṁ.)

456 Yassa ghānāyatanaṁ uppajjati tassa rūpāyatanaṁ uppajjissatīti?

457 Pacchimabhavikānaṁ kāmāvacaraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ ghānāyatanaṁ uppajjati, no ca tesaṁ rūpāyatanaṁ uppajjissati. Itaresaṁ saghānakānaṁ upapajjantānaṁ tesaṁ ghānāyatanañca uppajjati rūpāyatanañca uppajjissati.

458 Yassa vā pana rūpāyatanaṁ uppajjissati tassa ghānāyatanaṁ uppajjatīti?

459 Sabbesaṁ cavantānaṁ aghānakānaṁ upapajjantānaṁ tesaṁ rūpāyatanaṁ uppajjissati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ rūpāyatanañca uppajjissati ghānāyatanañca uppajjati.

460 Yassa ghānāyatanaṁ uppajjati tassa manāyatanaṁ uppajjissatīti?

461 Pacchimabhavikānaṁ kāmāvacaraṁ upapajjantānaṁ tesaṁ ghānāyatanaṁ uppajjati, no ca tesaṁ manāyatanaṁ uppajjissati. Itaresaṁ saghānakānaṁ upapajjantānaṁ tesaṁ ghānāyatanañca uppajjati manāyatanañca uppajjissati.

462 Yassa vā pana manāyatanaṁ uppajjissati tassa ghānāyatanaṁ uppajjatīti?

463 Sabbesaṁ cavantānaṁ aghānakānaṁ upapajjantānaṁ tesaṁ manāyatanaṁ uppajjissati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ manāyatanañca uppajjissati ghānāyatanañca uppajjati.

464 Yassa ghānāyatanaṁ uppajjati tassa dhammāyatanaṁ uppajjissatīti?

465 Pacchimabhavikānaṁ kāmāvacaraṁ upapajjantānaṁ tesaṁ ghānāyatanaṁ uppajjati, no ca tesaṁ dhammāyatanaṁ uppajjissati. Itaresaṁ saghānakānaṁ upapajjantānaṁ tesaṁ ghānāyatanañca uppajjati dhammāyatanañca uppajjissati.

466 Yassa vā pana dhammāyatanaṁ uppajjissati tassa ghānāyatanaṁ uppajjatīti?

467 Sabbesaṁ cavantānaṁ aghānakānaṁ upapajjantānaṁ tesaṁ dhammāyatanaṁ uppajjissati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ dhammāyatanañca uppajjissati ghānāyatanañca uppajjati. (Ghānāyatanamūlakaṁ.)

468 Yassa rūpāyatanaṁ uppajjati tassa manāyatanaṁ uppajjissatīti?

469 Pacchimabhavikānaṁ pañcavokāraṁ upapajjantānaṁ tesaṁ rūpāyatanaṁ uppajjati, no ca tesaṁ manāyatanaṁ uppajjissati. Itaresaṁ sarūpakānaṁ upapajjantānaṁ tesaṁ rūpāyatanañca uppajjati manāyatanañca uppajjissati.

470 Yassa vā pana manāyatanaṁ uppajjissati tassa rūpāyatanaṁ uppajjatīti?

471 Sabbesaṁ cavantānaṁ arūpakānaṁ upapajjantānaṁ tesaṁ manāyatanaṁ uppajjissati, no ca tesaṁ rūpāyatanaṁ uppajjati. Sarūpakānaṁ upapajjantānaṁ tesaṁ manāyatanañca uppajjissati rūpāyatanañca uppajjati.

472 Yassa rūpāyatanaṁ uppajjati tassa dhammāyatanaṁ uppajjissatīti?

473 Pacchimabhavikānaṁ pañcavokāraṁ upapajjantānaṁ tesaṁ rūpāyatanaṁ uppajjati, no ca tesaṁ dhammāyatanaṁ uppajjissati. Itaresaṁ sarūpakānaṁ upapajjantānaṁ tesaṁ rūpāyatanañca uppajjati dhammāyatanañca uppajjissati.

474 Yassa vā pana dhammāyatanaṁ uppajjissati tassa rūpāyatanaṁ uppajjatīti?

475 Sabbesaṁ cavantānaṁ arūpakānaṁ upapajjantānaṁ tesaṁ dhammāyatanaṁ uppajjissati, no ca tesaṁ rūpāyatanaṁ uppajjati. Sarūpakānaṁ upapajjantānaṁ tesaṁ dhammāyatanañca uppajjissati rūpāyatanañca uppajjati. (Rūpāyatanamūlakaṁ.)

476 Yassa manāyatanaṁ uppajjati tassa dhammāyatanaṁ uppajjissatīti?

477 Pacchimabhavikānaṁ upapajjantānaṁ tesaṁ manāyatanaṁ uppajjati, no ca tesaṁ dhammāyatanaṁ uppajjissati. Itaresaṁ sacittakānaṁ upapajjantānaṁ tesaṁ manāyatanañca uppajjati, dhammāyatanañca uppajjissati.

478 Yassa vā pana dhammāyatanaṁ uppajjissati tassa manāyatanaṁ uppajjatīti?

479 Sabbesaṁ cavantānaṁ acittakānaṁ upapajjantānaṁ tesaṁ dhammāyatanaṁ uppajjissati, no ca tesaṁ manāyatanaṁ uppajjati. Sacittakānaṁ upapajjantānaṁ tesaṁ dhammāyatanañca uppajjissati manāyatanañca uppajjati. (…)

3.2.1.5.2. Anulomaokāsa

480 Yattha cakkhāyatanaṁ uppajjati …pe….

3.2.1.5.3. Anulomapuggalokāsa

481 Yassa yattha cakkhāyatanaṁ uppajjati tassa tattha sotāyatanaṁ uppajjissatīti?

482 Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha sotāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati sotāyatanañca uppajjissati.

483 Yassa vā pana yattha sotāyatanaṁ uppajjissati tassa tattha cakkhāyatanaṁ uppajjatīti?

484 Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha sotāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha sotāyatanañca uppajjissati cakkhāyatanañca uppajjati.

485 Yassa yattha cakkhāyatanaṁ uppajjati tassa tattha ghānāyatanaṁ uppajjissatīti?

486 Pacchimabhavikānaṁ kāmāvacaraṁ upapajjantānaṁ rūpāvacaraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha ghānāyatanaṁ uppajjissati. Itaresaṁ sacakkhukānaṁ kāmāvacaraṁ upapajjantānaṁ tesaṁ tattha cakkhāyatanañca uppajjati ghānāyatanañca uppajjissati.

487 Yassa vā pana yattha ghānāyatanaṁ uppajjissati tassa tattha cakkhāyatanaṁ uppajjatīti?

488 Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ kāmāvacaraṁ upapajjantānaṁ tesaṁ tattha ghānāyatanañca uppajjissati cakkhāyatanañca uppajjati.

489 Yassa yattha cakkhāyatanaṁ uppajjati tassa tattha rūpāyatanaṁ uppajjissatīti?

490 Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha rūpāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati rūpāyatanañca uppajjissati.

491 Yassa vā pana yattha rūpāyatanaṁ uppajjissati tassa tattha cakkhāyatanaṁ uppajjatīti?

492 Pañcavokārā cavantānaṁ acakkhukānaṁ kāmāvacaraṁ upapajjantānaṁ asaññasattānaṁ tesaṁ tattha rūpāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha rūpāyatanañca uppajjissati cakkhāyatanañca uppajjati.

493 Yassa yattha cakkhāyatanaṁ uppajjati tassa tattha manāyatanaṁ uppajjissatīti?

494 Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha manāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati manāyatanañca uppajjissati.

495 Yassa vā pana yattha manāyatanaṁ uppajjissati tassa tattha cakkhāyatanaṁ uppajjatīti?

496 Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha manāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha manāyatanañca uppajjissati cakkhāyatanañca uppajjati.

497 Yassa yattha cakkhāyatanaṁ uppajjati tassa tattha dhammāyatanaṁ uppajjissatīti?

498 Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati dhammāyatanañca uppajjissati.

499 Yassa vā pana yattha dhammāyatanaṁ uppajjissati tassa tattha cakkhāyatanaṁ uppajjatīti?

500 Sabbesaṁ cavantānaṁ acakkhukānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha dhammāyatanañca uppajjissati cakkhāyatanañca uppajjati. (Cakkhāyatanamūlakaṁ.)

501 Yassa yattha ghānāyatanaṁ uppajjati tassa tattha rūpāyatanaṁ uppajjissatīti?

502 Pacchimabhavikānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjati, no ca tesaṁ tattha rūpāyatanaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānāyatanañca uppajjati rūpāyatanañca uppajjissati.

503 Yassa vā pana yattha rūpāyatanaṁ uppajjissati tassa tattha ghānāyatanaṁ uppajjatīti?

504 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha rūpāyatanaṁ uppajjissati, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha rūpāyatanañca uppajjissati ghānāyatanañca uppajjati.

505 Yassa yattha ghānāyatanaṁ uppajjati tassa tattha manāyatanaṁ uppajjissatīti?

506 Pacchimabhavikānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjati, no ca tesaṁ tattha manāyatanaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānāyatanañca uppajjati manāyatanañca uppajjissati.

507 Yassa vā pana yattha manāyatanaṁ uppajjissati tassa tattha ghānāyatanaṁ uppajjatīti?

508 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manāyatanaṁ uppajjissati, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha manāyatanañca uppajjissati ghānāyatanañca uppajjati.

509 Yassa yattha ghānāyatanaṁ uppajjati tassa tattha dhammāyatanaṁ uppajjissatīti?

510 Pacchimabhavikānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānāyatanañca uppajjati dhammāyatanañca uppajjissati.

511 Yassa vā pana yattha dhammāyatanaṁ uppajjissati tassa tattha ghānāyatanaṁ uppajjatīti?

512 Sabbesaṁ cavantānaṁ aghānakānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha dhammāyatanañca uppajjissati ghānāyatanañca uppajjati. (Ghānāyatanamūlakaṁ.)

513 Yassa yattha rūpāyatanaṁ uppajjati tassa tattha manāyatanaṁ uppajjissatīti?

514 Pacchimabhavikānaṁ pañcavokāraṁ upapajjantānaṁ asaññasattaṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha manāyatanaṁ uppajjissati. Itaresaṁ pañcavokāraṁ upapajjantānaṁ tesaṁ tattha rūpāyatanañca uppajjati manāyatanañca uppajjissati.

515 Yassa vā pana yattha manāyatanaṁ uppajjissati tassa tattha rūpāyatanaṁ uppajjatīti?

516 Pañcavokārā cavantānaṁ arūpānaṁ tesaṁ tattha manāyatanaṁ uppajjissati, no ca tesaṁ tattha rūpāyatanaṁ uppajjati. Pañcavokāraṁ upapajjantānaṁ tesaṁ tattha manāyatanañca uppajjissati rūpāyatanañca uppajjati.

517 Yassa yattha rūpāyatanaṁ uppajjati tassa tattha dhammāyatanaṁ uppajjissatīti?

518 Pacchimabhavikānaṁ pañcavokāraṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ sarūpakānaṁ upapajjantānaṁ tesaṁ tattha rūpāyatanañca uppajjati dhammāyatanañca uppajjissati.

519 Yassa vā pana yattha dhammāyatanaṁ uppajjissati tassa tattha rūpāyatanaṁ uppajjatīti?

520 Sabbesaṁ cavantānaṁ arūpakānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha rūpāyatanaṁ uppajjati. Sarūpakānaṁ upapajjantānaṁ tesaṁ tattha dhammāyatanañca uppajjissati rūpāyatanañca uppajjati. (Rūpāyatanamūlakaṁ.)

521 Yassa yattha manāyatanaṁ uppajjati tassa tattha dhammāyatanaṁ uppajjissatīti?

522 Pacchimabhavikānaṁ upapajjantānaṁ tesaṁ tattha manāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ sacittakānaṁ upapajjantānaṁ tesaṁ tattha manāyatanañca uppajjati dhammāyatanañca uppajjissati.

523 Yassa vā pana yattha dhammāyatanaṁ uppajjissati tassa tattha manāyatanaṁ uppajjatīti?

524 Sabbesaṁ cavantānaṁ acittakānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha manāyatanaṁ uppajjati. Sacittakānaṁ upapajjantānaṁ tesaṁ tattha dhammāyatanañca uppajjissati manāyatanañca uppajjati. (Manāyatanamūlakaṁ.)

3.2.1.5.4. Paccanīkapuggala

525 Yassa cakkhāyatanaṁ nuppajjati tassa sotāyatanaṁ nuppajjissatīti?

526 Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ sotāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhāyatanañca nuppajjati sotāyatanañca nuppajjissati.

527 Yassa vā pana sotāyatanaṁ nuppajjissati tassa cakkhāyatanaṁ nuppajjatīti?

528 Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ sotāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ sotāyatanañca nuppajjissati cakkhāyatanañca nuppajjati.

529 Yassa cakkhāyatanaṁ nuppajjati tassa ghānāyatanaṁ nuppajjissatīti?

530 Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ ghānāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ cakkhāyatanañca nuppajjati ghānāyatanañca nuppajjissati.

531 Yassa vā pana ghānāyatanaṁ nuppajjissati tassa cakkhāyatanaṁ nuppajjatīti?

532 Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ ghānāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ ghānāyatanañca nuppajjissati cakkhāyatanañca nuppajjati.

533 Yassa cakkhāyatanaṁ nuppajjati tassa rūpāyatanaṁ nuppajjissatīti?

534 Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ rūpāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhāyatanañca nuppajjati rūpāyatanañca nuppajjissati.

535 Yassa vā pana rūpāyatanaṁ nuppajjissati tassa cakkhāyatanaṁ nuppajjatīti?

536 Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ rūpāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ rūpāyatanañca nuppajjissati cakkhāyatanañca nuppajjati.

537 Yassa cakkhāyatanaṁ nuppajjati tassa manāyatanaṁ nuppajjissatīti?

538 Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ manāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ cakkhāyatanañca nuppajjati manāyatanañca nuppajjissati.

539 Yassa vā pana manāyatanaṁ nuppajjissati tassa cakkhāyatanaṁ nuppajjatīti?

540 Pacchimabhavikānaṁ pañcavokāraṁ upapajjantānaṁ tesaṁ manāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ manāyatanañca nuppajjissati cakkhāyatanañca nuppajjati.

541 Yassa cakkhāyatanaṁ nuppajjati tassa dhammāyatanaṁ nuppajjissatīti?

542 Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ dhammāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ cakkhāyatanañca nuppajjati dhammāyatanañca nuppajjissati.

543 Yassa vā pana dhammāyatanaṁ nuppajjissati tassa cakkhāyatanaṁ nuppajjatīti?

544 Pacchimabhavikānaṁ pañcavokāraṁ upapajjantānaṁ tesaṁ dhammāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ dhammāyatanañca nuppajjissati cakkhāyatanañca nuppajjati. (Cakkhāyatanamūlakaṁ.)

545 Yassa ghānāyatanaṁ nuppajjati tassa rūpāyatanaṁ nuppajjissatīti?

546 Sabbesaṁ cavantānaṁ aghānakānaṁ upapajjantānaṁ tesaṁ ghānāyatanaṁ nuppajjati, no ca tesaṁ rūpāyatanaṁ nuppajjissati. Kāmāvacare parinibbantānaṁ rūpāvacare arūpāvacare pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ ghānāyatanañca nuppajjati rūpāyatanañca nuppajjissati.

547 Yassa vā pana rūpāyatanaṁ nuppajjissati tassa ghānāyatanaṁ nuppajjatīti?

548 Pacchimabhavikānaṁ kāmāvacaraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ rūpāyatanaṁ nuppajjissati, no ca tesaṁ ghānāyatanaṁ nuppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ rūpāyatanañca nuppajjissati ghānāyatanañca nuppajjati.

549 Yassa ghānāyatanaṁ nuppajjati tassa manāyatanaṁ …pe… dhammāyatanaṁ nuppajjissatīti?

550 Sabbesaṁ cavantānaṁ aghānakānaṁ upapajjantānaṁ tesaṁ ghānāyatanaṁ nuppajjati, no ca tesaṁ dhammāyatanaṁ nuppajjissati. Kāmāvacare parinibbantānaṁ rūpāvacare arūpāvacare pacchimabhavikānaṁ tesaṁ ghānāyatanañca nuppajjati dhammāyatanañca nuppajjissati.

551 Yassa vā pana dhammāyatanaṁ nuppajjissati tassa ghānāyatanaṁ nuppajjatīti?

552 Pacchimabhavikānaṁ kāmāvacaraṁ upapajjantānaṁ tesaṁ dhammāyatanaṁ nuppajjissati, no ca tesaṁ ghānāyatanaṁ nuppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ tesaṁ dhammāyatanañca nuppajjissati ghānāyatanañca nuppajjati. (Ghānāyatanamūlakaṁ.)

553 Yassa rūpāyatanaṁ nuppajjati tassa manāyatanaṁ …pe… dhammāyatanaṁ nuppajjissatīti?

554 Sabbesaṁ cavantānaṁ arūpakānaṁ upapajjantānaṁ tesaṁ rūpāyatanaṁ nuppajjati, no ca tesaṁ dhammāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ rūpāyatanañca nuppajjati dhammāyatanañca nuppajjissati.

555 Yassa vā pana dhammāyatanaṁ nuppajjissati tassa rūpāyatanaṁ nuppajjatīti?

556 Pacchimabhavikānaṁ pañcavokāraṁ upapajjantānaṁ tesaṁ dhammāyatanaṁ nuppajjissati, no ca tesaṁ rūpāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ dhammāyatanañca nuppajjissati rūpāyatanañca nuppajjati. (Rūpāyatanamūlakaṁ.)

557 Yassa manāyatanaṁ nuppajjati tassa dhammāyatanaṁ nuppajjissatīti?

558 Sabbesaṁ cavantānaṁ acittakānaṁ upapajjantānaṁ tesaṁ manāyatanaṁ nuppajjati, no ca tesaṁ dhammāyatanaṁ nuppajjissati. Parinibbantānaṁ tesaṁ manāyatanañca nuppajjati dhammāyatanañca nuppajjissati.

559 Yassa vā pana dhammāyatanaṁ nuppajjissati tassa manāyatanaṁ nuppajjatīti?

560 Pacchimabhavikānaṁ upapajjantānaṁ tesaṁ dhammāyatanaṁ nuppajjissati, no ca tesaṁ manāyatanaṁ nuppajjati. Parinibbantānaṁ tesaṁ dhammāyatanañca nuppajjissati manāyatanañca nuppajjati. (Manāyatanamūlakaṁ.)

3.2.1.5.5. Paccanīkaokāsa

561 Yattha cakkhāyatanaṁ nuppajjati …pe….

3.2.1.5.6. Paccanīkapuggalokāsa

562 Yassa yattha cakkhāyatanaṁ nuppajjati tassa tattha sotāyatanaṁ nuppajjissatīti?

563 Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha sotāyatanaṁ nuppajjissati. Pañcavokāre parinibbantānaṁ asaññasattānaṁ arūpānaṁ tesaṁ tattha cakkhāyatanañca nuppajjati sotāyatanañca nuppajjissati.

564 Yassa vā pana yattha sotāyatanaṁ nuppajjissati tassa tattha cakkhāyatanaṁ nuppajjatīti?

565 Pacchimabhavikānaṁ pañcavokāraṁ upapajjantānaṁ tesaṁ tattha sotāyatanaṁ nuppajjissati, no ca tesaṁ tattha cakkhāyatanaṁ nuppajjati. Pañcavokāre parinibbantānaṁ asaññasattānaṁ arūpānaṁ tesaṁ tattha sotāyatanañca nuppajjissati cakkhāyatanañca nuppajjati.

566 Yassa yattha cakkhāyatanaṁ nuppajjati tassa tattha ghānāyatanaṁ nuppajjissatīti?

567 Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha ghānāyatanaṁ nuppajjissati. Kāmāvacare parinibbantānaṁ rūpāvacarā cavantānaṁ asaññasattānaṁ arūpānaṁ tesaṁ tattha cakkhāyatanañca nuppajjati ghānāyatanañca nuppajjissati.

568 Yassa vā pana yattha ghānāyatanaṁ nuppajjissati tassa tattha cakkhāyatanaṁ nuppajjatīti?

569 Pacchimabhavikānaṁ kāmāvacaraṁ upapajjantānaṁ rūpāvacaraṁ upapajjantānaṁ tesaṁ tattha ghānāyatanaṁ nuppajjissati, no ca tesaṁ tattha cakkhāyatanaṁ nuppajjati. Kāmāvacare parinibbantānaṁ rūpāvacarā cavantānaṁ asaññasattānaṁ arūpānaṁ tesaṁ tattha ghānāyatanañca nuppajjissati cakkhāyatanañca nuppajjati.

570 Yassa yattha cakkhāyatanaṁ nuppajjati tassa tattha rūpāyatanaṁ nuppajjissatīti?

571 Pañcavokārā cavantānaṁ acakkhukānaṁ kāmāvacaraṁ upapajjantānaṁ asaññasattānaṁ tesaṁ tattha cakkhāyatanaṁ nuppajjati, no ca tesaṁ tattha rūpāyatanaṁ nuppajjissati. Pañcavokāre parinibbantānaṁ arūpānaṁ tesaṁ tattha cakkhāyatanañca nuppajjati rūpāyatanañca nuppajjissati.

572 Yassa vā pana yattha rūpāyatanaṁ nuppajjissati tassa tattha cakkhāyatanaṁ nuppajjatīti?

573 Pacchimabhavikānaṁ pañcavokāraṁ upapajjantānaṁ tesaṁ tattha rūpāyatanaṁ nuppajjissati, no ca tesaṁ tattha cakkhāyatanaṁ nuppajjati. Pañcavokāre parinibbantānaṁ arūpānaṁ tesaṁ tattha rūpāyatanañca nuppajjissati cakkhāyatanañca nuppajjati.

574 Yassa yattha cakkhāyatanaṁ nuppajjati tassa tattha manāyatanaṁ nuppajjissatīti?

575 Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhāyatanaṁ nuppajjati, no ca tesaṁ tattha manāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ asaññasattānaṁ tesaṁ tattha cakkhāyatanañca nuppajjati manāyatanañca nuppajjissati.

576 Yassa vā pana yattha manāyatanaṁ nuppajjissati tassa tattha cakkhāyatanaṁ nuppajjatīti?

577 Pacchimabhavikānaṁ pañcavokāraṁ upapajjantānaṁ tesaṁ tattha manāyatanaṁ nuppajjissati, no ca tesaṁ tattha cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ asaññasattānaṁ tesaṁ tattha manāyatanaṁ nuppajjissati cakkhāyatanañca nuppajjati.

578 Yassa yattha cakkhāyatanaṁ nuppajjati tassa tattha dhammāyatanaṁ nuppajjissatīti?

579 Sabbesaṁ cavantānaṁ acakkhukānaṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha dhammāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ tattha cakkhāyatanañca nuppajjati dhammāyatanañca nuppajjissati.

580 Yassa vā pana yattha dhammāyatanaṁ nuppajjissati tassa tattha cakkhāyatanaṁ nuppajjatīti?

581 Pacchimabhavikānaṁ pañcavokāraṁ upapajjantānaṁ tesaṁ tattha dhammāyatanaṁ nuppajjissati, no ca tesaṁ tattha cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ tattha dhammāyatanañca nuppajjissati cakkhāyatanañca nuppajjati. (Cakkhāyatanamūlakaṁ.)

582 Yassa yattha ghānāyatanaṁ nuppajjati tassa tattha rūpāyatanaṁ nuppajjissatīti?

583 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha rūpāyatanaṁ nuppajjissati. Kāmāvacare parinibbantānaṁ rūpāvacare pacchimabhavikānaṁ arūpānaṁ tesaṁ tattha ghānāyatanañca nuppajjati rūpāyatanañca nuppajjissati.

584 Yassa vā pana yattha rūpāyatanaṁ nuppajjissati tassa tattha ghānāyatanaṁ nuppajjatīti?

585 Pacchimabhavikānaṁ kāmāvacaraṁ upapajjantānaṁ tesaṁ tattha rūpāyatanaṁ nuppajjissati, no ca tesaṁ tattha ghānāyatanaṁ nuppajjati. Kāmāvacare parinibbantānaṁ rūpāvacare pacchimabhavikānaṁ arūpānaṁ tesaṁ tattha rūpāyatanañca nuppajjissati ghānāyatanañca nuppajjati.

586 Yassa yattha ghānāyatanaṁ nuppajjati tassa tattha manāyatanaṁ nuppajjissatīti?

587 Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha manāyatanaṁ nuppajjissati. Kāmāvacare parinibbantānaṁ rūpāvacare arūpāvacare pacchimabhavikānaṁ asaññasattānaṁ tesaṁ tattha ghānāyatanañca nuppajjati manāyatanañca nuppajjissati.

588 Yassa vā pana yattha manāyatanaṁ nuppajjissati tassa tattha ghānāyatanaṁ nuppajjatīti?

589 Pacchimabhavikānaṁ kāmāvacaraṁ upapajjantānaṁ tesaṁ tattha manāyatanaṁ nuppajjissati, no ca tesaṁ tattha ghānāyatanaṁ nuppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ asaññasattānaṁ tesaṁ tattha manāyatanañca nuppajjissati ghānāyatanañca nuppajjati.

590 Yassa yattha ghānāyatanaṁ nuppajjati tassa tattha dhammāyatanaṁ nuppajjissatīti?

591 Sabbesaṁ cavantānaṁ aghānakānaṁ upapajjantānaṁ tesaṁ tattha ghānāyatanaṁ nuppajjati, no ca tesaṁ tattha dhammāyatanaṁ nuppajjissati. Kāmāvacare parinibbantānaṁ rūpāvacare arūpāvacare pacchimabhavikānaṁ tesaṁ tattha ghānāyatanañca nuppajjati dhammāyatanañca nuppajjissati.

592 Yassa vā pana yattha dhammāyatanaṁ nuppajjissati tassa tattha ghānāyatanaṁ nuppajjatīti?

593 Pacchimabhavikānaṁ kāmāvacaraṁ upapajjantānaṁ tesaṁ tattha dhammāyatanaṁ nuppajjissati, no ca tesaṁ tattha ghānāyatanaṁ nuppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ tesaṁ tattha dhammāyatanañca nuppajjissati ghānāyatanañca nuppajjati. (Ghānāyatanamūlakaṁ.)

594 Yassa yattha rūpāyatanaṁ nuppajjati tassa tattha manāyatanaṁ nuppajjissatīti?

595 Pañcavokārā cavantānaṁ arūpānaṁ tesaṁ tattha rūpāyatanaṁ nuppajjati, no ca tesaṁ tattha manāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ asaññasattā cavantānaṁ tesaṁ tattha rūpāyatanañca nuppajjati manāyatanañca nuppajjissati.

596 Yassa vā pana yattha manāyatanaṁ nuppajjissati tassa tattha rūpāyatanaṁ nuppajjatīti?

597 Pacchimabhavikānaṁ pañcavokāraṁ upapajjantānaṁ asaññasattaṁ upapajjantānaṁ tesaṁ tattha manāyatanaṁ nuppajjissati, no ca tesaṁ tattha rūpāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ asaññasattā cavantānaṁ tesaṁ tattha manāyatanañca nuppajjissati rūpāyatanañca nuppajjati.

598 Yassa yattha rūpāyatanaṁ nuppajjati tassa tattha dhammāyatanaṁ nuppajjissatīti?

599 Sabbesaṁ cavantānaṁ arūpakānaṁ upapajjantānaṁ tesaṁ tattha rūpāyatanaṁ nuppajjati, no ca tesaṁ tattha dhammāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ tattha rūpāyatanañca nuppajjati dhammāyatanañca nuppajjissati.

600 Yassa vā pana yattha dhammāyatanaṁ nuppajjissati tassa tattha rūpāyatanaṁ nuppajjatīti?

601 Pacchimabhavikānaṁ pañcavokāraṁ upapajjantānaṁ tesaṁ tattha dhammāyatanaṁ nuppajjissati, no ca tesaṁ tattha rūpāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ tattha dhammāyatanañca nuppajjissati rūpāyatanañca nuppajjati. (Rūpāyatanamūlakaṁ.)

602 Yassa yattha manāyatanaṁ nuppajjati tassa tattha dhammāyatanaṁ nuppajjissatīti?

603 Sabbesaṁ cavantānaṁ acittakānaṁ upapajjantānaṁ tesaṁ tattha manāyatanaṁ nuppajjati, no ca tesaṁ tattha dhammāyatanaṁ nuppajjissati. Parinibbantānaṁ tesaṁ tattha manāyatanañca nuppajjati dhammāyatanañca nuppajjissati.

604 Yassa vā pana yattha dhammāyatanaṁ nuppajjissati tassa tattha manāyatanaṁ nuppajjatīti?

605 Pacchimabhavikānaṁ upapajjantānaṁ tesaṁ tattha dhammāyatanaṁ nuppajjissati, no ca tesaṁ tattha manāyatanaṁ nuppajjati. Parinibbantānaṁ tesaṁ tattha dhammāyatanañca nuppajjissati manāyatanañca nuppajjati. (Manāyatanamūlakaṁ.)

3.2.1.6. Atītānāgatavāra

3.2.1.6.1. Anulomapuggala

606 Yassa cakkhāyatanaṁ uppajjittha tassa sotāyatanaṁ uppajjissatīti?

607 Pacchimabhavikānaṁ ye ca arūpaṁ upapajjitvā parinibbāyissanti tesaṁ cakkhāyatanaṁ uppajjittha, no ca tesaṁ sotāyatanaṁ uppajjissati. Itaresaṁ tesaṁ cakkhāyatanañca uppajjittha sotāyatanañca uppajjissati.

608 Yassa vā pana sotāyatanaṁ uppajjissati tassa cakkhāyatanaṁ uppajjitthāti? Āmantā.

609 Yassa cakkhāyatanaṁ uppajjittha tassa ghānāyatanaṁ uppajjissatīti?

610 Pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cakkhāyatanaṁ uppajjittha, no ca tesaṁ ghānāyatanaṁ uppajjissati. Itaresaṁ tesaṁ cakkhāyatanañca uppajjittha ghānāyatanañca uppajjissati.

611 Yassa vā pana …pe… uppajjitthāti? Āmantā.

612 Yassa cakkhāyatanaṁ uppajjittha tassa rūpāyatanaṁ uppajjissatīti?

613 Pacchimabhavikānaṁ ye ca arūpaṁ upapajjitvā parinibbāyissanti tesaṁ cakkhāyatanaṁ uppajjittha, no ca tesaṁ rūpāyatanaṁ uppajjissati. Itaresaṁ tesaṁ cakkhāyatanañca uppajjittha rūpāyatanañca uppajjissati.

614 Yassa vā pana …pe… uppajjitthāti? Āmantā.

615 Yassa cakkhāyatanaṁ uppajjittha tassa manāyatanaṁ …pe… dhammāyatanaṁ uppajjissatīti?

616 Pacchimabhavikānaṁ tesaṁ cakkhāyatanaṁ uppajjittha, no ca tesaṁ dhammāyatanaṁ uppajjissati. Itaresaṁ tesaṁ cakkhāyatanañca uppajjittha dhammāyatanañca uppajjissati.

617 Yassa vā pana …pe… uppajjitthāti? Āmantā. (Cakkhāyatanamūlakaṁ.)

618 Yassa ghānāyatanaṁ uppajjittha tassa rūpāyatanaṁ uppajjissatīti?

619 Pacchimabhavikānaṁ ye ca arūpaṁ upapajjitvā parinibbāyissanti tesaṁ ghānāyatanaṁ uppajjittha, no ca tesaṁ rūpāyatanaṁ uppajjissati. Itaresaṁ tesaṁ ghānāyatanañca uppajjittha rūpāyatanañca uppajjissati.

620 Yassa vā pana …pe… uppajjitthāti? Āmantā.

621 Yassa ghānāyatanaṁ uppajjittha tassa manāyatanaṁ …pe… dhammāyatanaṁ uppajjissatīti?

622 Pacchimabhavikānaṁ tesaṁ ghānāyatanaṁ uppajjittha, no ca tesaṁ dhammāyatanaṁ uppajjissati. Itaresaṁ tesaṁ ghānāyatanañca uppajjittha dhammāyatanañca uppajjissati.

623 Yassa vā pana dhammāyatanaṁ …pe… uppajjitthāti? Āmantā.

624 Yassa rūpāyatanaṁ uppajjittha tassa manāyatanaṁ …pe… dhammāyatanaṁ uppajjissatīti?

625 Pacchimabhavikānaṁ tesaṁ rūpāyatanaṁ uppajjittha, no ca tesaṁ dhammāyatanaṁ uppajjissati. Itaresaṁ tesaṁ rūpāyatanañca uppajjittha dhammāyatanañca uppajjissati.

626 Yassa vā pana …pe… uppajjitthāti? Āmantā.

627 Yassa manāyatanaṁ uppajjittha tassa dhammāyatanaṁ uppajjissatīti?

628 Pacchimabhavikānaṁ tesaṁ manāyatanaṁ uppajjittha, no ca tesaṁ dhammāyatanaṁ uppajjissati. Itaresaṁ tesaṁ manāyatanañca uppajjittha dhammāyatanañca uppajjissati.

629 Yassa vā pana dhammāyatanaṁ uppajjissati tassa manāyatanaṁ uppajjitthāti? Āmantā.

3.2.1.6.2. Anulomaokāsa

630 Yattha cakkhāyatanaṁ uppajjittha …pe….

3.2.1.6.3. Anulomapuggalokāsa

631 Yassa yattha cakkhāyatanaṁ uppajjittha tassa tattha sotāyatanaṁ uppajjissatīti?

632 Pañcavokāre pacchimabhavikānaṁ tesaṁ tattha cakkhāyatanaṁ uppajjittha, no ca tesaṁ tattha sotāyatanaṁ uppajjissati. Itaresaṁ pañcavokārānaṁ tesaṁ tattha cakkhāyatanañca uppajjittha sotāyatanañca uppajjissati.

633 Yassa vā pana yattha sotāyatanaṁ uppajjissati tassa tattha cakkhāyatanaṁ uppajjitthāti? Āmantā.

634 Yassa yattha cakkhāyatanaṁ uppajjittha tassa tattha ghānāyatanaṁ uppajjissatīti?

635 Kāmāvacare pacchimabhavikānaṁ rūpāvacarānaṁ tesaṁ tattha cakkhāyatanaṁ uppajjittha, no ca tesaṁ tattha ghānāyatanaṁ uppajjissati. Itaresaṁ kāmāvacarānaṁ tesaṁ tattha cakkhāyatanañca uppajjittha ghānāyatanañca uppajjissati.

636 Yassa vā pana yattha …pe… uppajjitthāti? Āmantā.

637 Yassa yattha cakkhāyatanaṁ uppajjittha tassa tattha rūpāyatanaṁ uppajjissatīti?

638 Pañcavokāre pacchimabhavikānaṁ tesaṁ tattha cakkhāyatanaṁ uppajjittha, no ca tesaṁ tattha rūpāyatanaṁ uppajjissati. Itaresaṁ pañcavokārānaṁ tesaṁ tattha cakkhāyatanañca uppajjittha rūpāyatanañca uppajjissati.

639 Yassa vā pana yattha rūpāyatanaṁ uppajjissati tassa tattha cakkhāyatanaṁ uppajjitthāti?

640 Asaññasattānaṁ tesaṁ tattha rūpāyatanaṁ uppajjissati, no ca tesaṁ tattha cakkhāyatanaṁ uppajjittha. Pañcavokārānaṁ tesaṁ tattha rūpāyatanañca uppajjissati cakkhāyatanañca uppajjittha.

641 Yassa yattha cakkhāyatanaṁ uppajjittha tassa tattha manāyatanaṁ uppajjissatīti?

642 Pañcavokāre pacchimabhavikānaṁ tesaṁ tattha cakkhāyatanaṁ uppajjittha, no ca tesaṁ tattha manāyatanaṁ uppajjissati. Itaresaṁ pañcavokārānaṁ tesaṁ tattha cakkhāyatanañca uppajjittha manāyatanañca uppajjissati.

643 Yassa vā pana yattha manāyatanaṁ uppajjissati tassa tattha cakkhāyatanaṁ uppajjitthāti?

644 Arūpānaṁ tesaṁ tattha manāyatanaṁ uppajjissati, no ca tesaṁ tattha cakkhāyatanaṁ uppajjittha. Pañcavokārānaṁ tesaṁ tattha manāyatanañca uppajjissati cakkhāyatanañca uppajjittha.

645 Yassa yattha cakkhāyatanaṁ uppajjittha tassa tattha dhammāyatanaṁ uppajjissatīti?

646 Pañcavokāre pacchimabhavikānaṁ tesaṁ tattha cakkhāyatanaṁ uppajjittha, no ca tesaṁ tattha dhammāyatanaṁ uppajjissati. Itaresaṁ pañcavokārānaṁ tesaṁ tattha cakkhāyatanañca uppajjittha dhammāyatanañca uppajjissati.

647 Yassa vā pana yattha dhammāyatanaṁ uppajjissati tassa tattha cakkhāyatanaṁ uppajjitthāti?

648 Asaññasattānaṁ arūpānaṁ tesaṁ tattha dhammāyatanaṁ uppajjissati, no ca tesaṁ tattha cakkhāyatanaṁ uppajjittha. Pañcavokārānaṁ tesaṁ tattha dhammāyatanañca uppajjissati cakkhāyatanañca uppajjittha. (Cakkhāyatanamūlakaṁ.)

649 Yassa yattha ghānāyatanaṁ uppajjittha tassa tattha rūpāyatanaṁ uppajjissatīti?

650 Kāmāvacare pacchimabhavikānaṁ tesaṁ tattha ghānāyatanaṁ uppajjittha, no ca tesaṁ tattha rūpāyatanaṁ uppajjissati. Itaresaṁ kāmāvacarānaṁ tesaṁ tattha ghānāyatanañca uppajjittha rūpāyatanañca uppajjissati.

651 Yassa vā pana yattha rūpāyatanaṁ uppajjissati tassa tattha ghānāyatanaṁ uppajjitthāti?

652 Rūpāvacarānaṁ tesaṁ tattha rūpāyatanaṁ uppajjissati, no ca tesaṁ tattha ghānāyatanaṁ uppajjittha. Kāmāvacarānaṁ tesaṁ tattha rūpāyatanañca uppajjissati ghānāyatanañca uppajjittha.

653 Yassa yattha ghānāyatanaṁ uppajjittha tassa tattha manāyatanaṁ …pe… dhammāyatanaṁ uppajjissatīti?

654 Kāmāvacare pacchimabhavikānaṁ tesaṁ tattha ghānāyatanaṁ uppajjittha, no ca tesaṁ tattha dhammāyatanaṁ uppajjissati. Itaresaṁ kāmāvacarānaṁ tesaṁ tattha ghānāyatanañca uppajjittha dhammāyatanañca uppajjissati.

655 Yassa vā pana yattha dhammāyatanaṁ uppajjissati tassa tattha ghānāyatanaṁ uppajjitthāti?

656 Rūpāvacarānaṁ arūpāvacarānaṁ tesaṁ tattha dhammāyatanaṁ uppajjissati, no ca tesaṁ tattha ghānāyatanaṁ uppajjittha. Kāmāvacarānaṁ tesaṁ tattha dhammāyatanañca uppajjissati ghānāyatanañca uppajjittha. (Ghānāyatanamūlakaṁ.)

657 Yassa yattha rūpāyatanaṁ uppajjittha tassa tattha manāyatanaṁ uppajjissatīti?

658 Pañcavokāre pacchimabhavikānaṁ asaññasattānaṁ tesaṁ tattha rūpāyatanaṁ uppajjittha, no ca tesaṁ tattha manāyatanaṁ uppajjissati. Itaresaṁ pañcavokārānaṁ tesaṁ tattha rūpāyatanañca uppajjittha manāyatanañca uppajjissati.

659 Yassa vā pana yattha manāyatanaṁ uppajjissati tassa tattha rūpāyatanaṁ uppajjitthāti?

660 Arūpānaṁ tesaṁ tattha manāyatanaṁ uppajjissati, no ca tesaṁ tattha rūpāyatanaṁ uppajjittha. Pañcavokārānaṁ tesaṁ tattha manāyatanañca uppajjissati rūpāyatanañca uppajjittha.

661 Yassa yattha rūpāyatanaṁ uppajjittha tassa tattha dhammāyatanaṁ uppajjissatīti?

662 Pañcavokāre pacchimabhavikānaṁ tesaṁ tattha rūpāyatanaṁ uppajjittha, no ca tesaṁ tattha dhammāyatanaṁ uppajjissati. Itaresaṁ pañcavokārānaṁ asaññasattānaṁ tesaṁ tattha rūpāyatanañca uppajjittha dhammāyatanañca uppajjissati.

663 Yassa vā pana yattha dhammāyatanaṁ uppajjissati tassa tattha rūpāyatanaṁ uppajjitthāti?

664 Arūpānaṁ tesaṁ tattha dhammāyatanaṁ uppajjissati, no ca tesaṁ tattha rūpāyatanaṁ uppajjittha. Pañcavokārānaṁ asaññasattānaṁ tesaṁ tattha dhammāyatanañca uppajjissati rūpāyatanañca uppajjittha. (Rūpāyatanamūlakaṁ.)

665 Yassa yattha manāyatanaṁ uppajjittha tassa tattha dhammāyatanaṁ uppajjissatīti?

666 Pacchimabhavikānaṁ tesaṁ tattha manāyatanaṁ uppajjittha, no ca tesaṁ tattha dhammāyatanaṁ uppajjissati. Itaresaṁ catuvokārānaṁ pañcavokārānaṁ tesaṁ tattha manāyatanañca uppajjittha dhammāyatanañca uppajjissati.

667 Yassa vā pana yattha dhammāyatanaṁ uppajjissati tassa tattha manāyatanaṁ uppajjitthāti?

668 Asaññasattānaṁ tesaṁ tattha dhammāyatanaṁ uppajjissati, no ca tesaṁ tattha manāyatanaṁ uppajjittha. Catuvokārānaṁ pañcavokārānaṁ tesaṁ tattha dhammāyatanañca uppajjissati manāyatanañca uppajjittha. (Manāyatanamūlakaṁ.)

3.2.1.6.4. Paccanīkapuggala

669 Yassa cakkhāyatanaṁ nuppajjittha tassa sotāyatanaṁ nuppajjissatīti? Natthi.

670 Yassa vā pana sotāyatanaṁ nuppajjissati tassa cakkhāyatanaṁ nuppajjitthāti? Uppajjittha.

671 Yassa cakkhāyatanaṁ nuppajjittha tassa ghānāyatanaṁ …pe… rūpāyatanaṁ … manāyatanaṁ … dhammāyatanaṁ nuppajjissatīti? Natthi.

672 Yassa vā pana dhammāyatanaṁ nuppajjissati tassa cakkhāyatanaṁ nuppajjitthāti? Uppajjittha.

673 Yassa ghānāyatanaṁ …pe… rūpāyatanaṁ … manāyatanaṁ nuppajjittha tassa dhammāyatanaṁ nuppajjissatīti? Natthi.

674 Yassa vā pana dhammāyatanaṁ nuppajjissati tassa manāyatanaṁ nuppajjitthāti? Uppajjittha.

3.2.1.6.5. Paccanīkaokāsa

675 Yattha cakkhāyatanaṁ nuppajjittha …pe….

3.2.1.6.6. Paccanīkapuggalokāsa

676 Yassa yattha cakkhāyatanaṁ nuppajjittha tassa tattha sotāyatanaṁ nuppajjissatīti? Āmantā.

677 Yassa vā pana yattha sotāyatanaṁ nuppajjissati tassa tattha cakkhāyatanaṁ nuppajjitthāti?

678 Pañcavokāre pacchimabhavikānaṁ tesaṁ tattha sotāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ asaññasattānaṁ arūpānaṁ tesaṁ tattha sotāyatanañca nuppajjissati cakkhāyatanañca nuppajjittha.

679 Yassa yattha cakkhāyatanaṁ nuppajjittha tassa tattha ghānāyatanaṁ nuppajjissatīti? Āmantā.

680 Yassa vā pana yattha ghānāyatanaṁ nuppajjissati tassa tattha cakkhāyatanaṁ nuppajjitthāti?

681 Kāmāvacare pacchimabhavikānaṁ rūpāvacarānaṁ tesaṁ tattha ghānāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ asaññasattānaṁ arūpānaṁ tesaṁ tattha ghānāyatanañca nuppajjissati cakkhāyatanañca nuppajjittha.

682 Yassa yattha cakkhāyatanaṁ nuppajjittha tassa tattha rūpāyatanaṁ nuppajjissatīti?

683 Asaññasattānaṁ tesaṁ tattha cakkhāyatanaṁ nuppajjittha, no ca tesaṁ tattha rūpāyatanaṁ nuppajjissati. Suddhāvāsānaṁ arūpānaṁ tesaṁ tattha cakkhāyatanañca nuppajjittha rūpāyatanañca nuppajjissati.

684 Yassa vā pana yattha rūpāyatanaṁ nuppajjissati tassa tattha cakkhāyatanaṁ nuppajjitthāti?

685 Pañcavokāre pacchimabhavikānaṁ tesaṁ tattha rūpāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ arūpānaṁ tesaṁ tattha rūpāyatanañca nuppajjissati cakkhāyatanañca nuppajjittha.

686 Yassa yattha cakkhāyatanaṁ nuppajjittha tassa tattha manāyatanaṁ nuppajjissatīti?

687 Arūpānaṁ tesaṁ tattha cakkhāyatanaṁ nuppajjittha, no ca tesaṁ tattha manāyatanaṁ nuppajjissati. Suddhāvāsānaṁ arūpe pacchimabhavikānaṁ asaññasattānaṁ tesaṁ tattha cakkhāyatanañca nuppajjittha manāyatanañca nuppajjissati.

688 Yassa vā pana yattha manāyatanaṁ nuppajjissati tassa tattha cakkhāyatanaṁ nuppajjitthāti?

689 Pañcavokāre pacchimabhavikānaṁ tesaṁ tattha manāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ arūpe pacchimabhavikānaṁ asaññasattānaṁ tesaṁ tattha manāyatanañca nuppajjissati cakkhāyatanañca nuppajjittha.

690 Yassa yattha cakkhāyatanaṁ nuppajjittha tassa tattha dhammāyatanaṁ nuppajjissatīti?

691 Asaññasattānaṁ arūpānaṁ tesaṁ tattha cakkhāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha cakkhāyatanañca nuppajjittha dhammāyatanañca nuppajjissati.

692 Yassa vā pana yattha dhammāyatanaṁ nuppajjissati tassa tattha cakkhāyatanaṁ nuppajjitthāti?

693 Pañcavokāre pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha cakkhāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha dhammāyatanañca nuppajjissati cakkhāyatanañca nuppajjittha. (Cakkhāyatanamūlakaṁ.)

694 Yassa yattha ghānāyatanaṁ nuppajjittha tassa tattha rūpāyatanaṁ nuppajjissatīti?

695 Rūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha rūpāyatanaṁ nuppajjissati. Rūpāvacare pacchimabhavikānaṁ arūpānaṁ tesaṁ tattha ghānāyatanañca nuppajjittha rūpāyatanañca nuppajjissati.

696 Yassa vā pana yattha rūpāyatanaṁ nuppajjissati tassa tattha ghānāyatanaṁ nuppajjitthāti?

697 Kāmāvacare pacchimabhavikānaṁ tesaṁ tattha rūpāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare pacchimabhavikānaṁ arūpānaṁ tesaṁ tattha rūpāyatanañca nuppajjissati ghānāyatanañca nuppajjittha.

698 Yassa yattha ghānāyatanaṁ nuppajjittha tassa tattha manāyatanaṁ nuppajjissatīti?

699 Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha manāyatanaṁ nuppajjissati. Rūpāvacare arūpāvacare pacchimabhavikānaṁ asaññasattānaṁ tesaṁ tattha ghānāyatanañca nuppajjittha manāyatanañca nuppajjissati.

700 Yassa vā pana yattha manāyatanaṁ nuppajjissati tassa tattha ghānāyatanaṁ nuppajjitthāti?

701 Kāmāvacare pacchimabhavikānaṁ tesaṁ tattha manāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare arūpāvacare pacchimabhavikānaṁ asaññasattānaṁ tesaṁ tattha manāyatanañca nuppajjissati ghānāyatanañca nuppajjittha.

702 Yassa yattha ghānāyatanaṁ nuppajjittha tassa tattha dhammāyatanaṁ nuppajjissatīti?

703 Rūpāvacarānaṁ arūpāvacarānaṁ tesaṁ tattha ghānāyatanaṁ nuppajjittha, no ca tesaṁ tattha dhammāyatanaṁ nuppajjissati. Rūpāvacare arūpāvacare pacchimabhavikānaṁ tesaṁ tattha ghānāyatanañca nuppajjittha dhammāyatanañca nuppajjissati.

704 Yassa vā pana yattha dhammāyatanaṁ nuppajjissati tassa tattha ghānāyatanaṁ nuppajjitthāti?

705 Kāmāvacare pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha ghānāyatanaṁ nuppajjittha. Rūpāvacare arūpāvacare pacchimabhavikānaṁ tesaṁ tattha dhammāyatanañca nuppajjissati ghānāyatanañca nuppajjittha. (Ghānāyatanamūlakaṁ.)

706 Yassa yattha rūpāyatanaṁ nuppajjittha tassa tattha manāyatanaṁ nuppajjissatīti?

707 Arūpānaṁ tesaṁ tattha rūpāyatanaṁ nuppajjittha, no ca tesaṁ tattha manāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha rūpāyatanañca nuppajjittha manāyatanañca nuppajjissati.

708 Yassa vā pana yattha manāyatanaṁ nuppajjissati tassa tattha rūpāyatanaṁ nuppajjitthāti?

709 Pañcavokāre pacchimabhavikānaṁ asaññasattānaṁ tesaṁ tattha manāyatanaṁ nuppajjissati, no ca tesaṁ tattha rūpāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha manāyatanañca nuppajjissati rūpāyatanañca nuppajjittha.

710 Yassa yattha rūpāyatanaṁ nuppajjittha tassa tattha dhammāyatanaṁ nuppajjissatīti?

711 Arūpānaṁ tesaṁ tattha rūpāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ arūpe pacchimabhavikānaṁ tesaṁ tattha rūpāyatanañca nuppajjittha dhammāyatanañca nuppajjissati.

712 Yassa vā pana yattha dhammāyatanaṁ nuppajjissati tassa tattha rūpāyatanaṁ nuppajjitthāti?

713 Pañcavokāre pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha rūpāyatanaṁ nuppajjittha. Suddhāvāsānaṁ arūpe pacchimabhavikānaṁ tesaṁ tattha dhammāyatanañca nuppajjissati rūpāyatanañca nuppajjittha. (Rūpāyatanamūlakaṁ.)

714 Yassa yattha manāyatanaṁ nuppajjittha tassa tattha dhammāyatanaṁ nuppajjissatīti?

715 Asaññasattānaṁ tesaṁ tattha manāyatanaṁ nuppajjittha, no ca tesaṁ tattha dhammāyatanaṁ nuppajjissati. Suddhāvāsānaṁ tesaṁ tattha manāyatanañca nuppajjittha dhammāyatanañca nuppajjissati.

716 Yassa vā pana yattha dhammāyatanaṁ nuppajjissati tassa tattha manāyatanaṁ nuppajjitthāti?

717 Pacchimabhavikānaṁ tesaṁ tattha dhammāyatanaṁ nuppajjissati, no ca tesaṁ tattha manāyatanaṁ nuppajjittha. Suddhāvāsānaṁ tesaṁ tattha dhammāyatanañca nuppajjissati manāyatanañca nuppajjittha.

718 Uppādavāro.