Yamaka 33
5 Saccayamaka
5.2 Pavattivāra
5.2.1. Uppādavāra
5.2.1.1. Paccuppannavāra
5.2.1.1.1. Anulomapuggala
1 Yassa dukkhasaccaṁ uppajjati tassa samudayasaccaṁ uppajjatīti?
2 Sabbesaṁ upapajjantānaṁ pavatte taṇhāvippayuttacittassa uppādakkhaṇe tesaṁ dukkhasaccaṁ uppajjati, no ca tesaṁ samudayasaccaṁ uppajjati. Taṇhāya uppādakkhaṇe tesaṁ dukkhasaccañca uppajjati samudayasaccañca uppajjati.
3 Yassa vā pana samudayasaccaṁ uppajjati tassa dukkhasaccaṁ uppajjatīti? Āmantā.
4 Yassa dukkhasaccaṁ uppajjati tassa maggasaccaṁ uppajjatīti?
5 Sabbesaṁ upapajjantānaṁ pavatte maggavippayuttacittassa uppādakkhaṇe tesaṁ dukkhasaccaṁ uppajjati, no ca tesaṁ maggasaccaṁ uppajjati. Pañcavokāre maggassa uppādakkhaṇe tesaṁ dukkhasaccañca uppajjati maggasaccañca uppajjati.
6 Yassa vā pana maggasaccaṁ uppajjati tassa dukkhasaccaṁ uppajjatīti?
7 Arūpe maggassa uppādakkhaṇe tesaṁ maggasaccaṁ uppajjati, no ca tesaṁ dukkhasaccaṁ uppajjati. Pañcavokāre maggassa uppādakkhaṇe tesaṁ maggasaccañca uppajjati dukkhasaccañca uppajjati.
8 Yassa samudayasaccaṁ uppajjati tassa maggasaccaṁ uppajjatīti? No.
9 Yassa vā pana maggasaccaṁ uppajjati tassa samudayasaccaṁ uppajjatīti? No.
5.2.1.1.2. Anulomaokāsa
10 Yattha dukkhasaccaṁ uppajjati tattha samudayasaccaṁ uppajjatīti?
11 Asaññasatte tattha dukkhasaccaṁ uppajjati, no ca tattha samudayasaccaṁ uppajjati. Catuvokāre pañcavokāre tattha dukkhasaccañca uppajjati samudayasaccañca uppajjati.
12 Yattha vā pana …pe… ? Āmantā.
13 Yattha dukkhasaccaṁ uppajjati tattha maggasaccaṁ uppajjatīti?
14 Apāye asaññasatte tattha dukkhasaccaṁ uppajjati, no ca tattha maggasaccaṁ uppajjati. Avasese catuvokāre pañcavokāre tattha dukkhasaccañca uppajjati maggasaccañca uppajjati.
15 Yattha vā pana maggasaccaṁ uppajjati tattha dukkhasaccaṁ uppajjatīti? Āmantā.
16 Yattha samudayasaccaṁ uppajjati tattha maggasaccaṁ uppajjatīti?
17 Apāye tattha samudayasaccaṁ uppajjati, no ca tattha maggasaccaṁ uppajjati. Avasese catuvokāre pañcavokāre tattha samudayasaccañca uppajjati maggasaccañca uppajjati.
18 Yattha vā pana …pe… ? Āmantā.
5.2.1.1.3. Anulomapuggalokāsa
19 Yassa yattha dukkhasaccaṁ uppajjati tassa tattha samudayasaccaṁ uppajjatīti? …pe….
20 (Yassakampi yassayatthakampi sadisaṁ vitthāretabbaṁ.)
5.2.1.1.4. Paccanīkapuggala
21 Yassa dukkhasaccaṁ nuppajjati tassa samudayasaccaṁ nuppajjatīti? Āmantā.
22 Yassa vā pana samudayasaccaṁ nuppajjati tassa dukkhasaccaṁ nuppajjatīti?
23 Sabbesaṁ upapajjantānaṁ pavatte taṇhāvippayuttacittassa uppādakkhaṇe tesaṁ samudayasaccaṁ nuppajjati, no ca tesaṁ dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ samudayasaccañca nuppajjati dukkhasaccañca nuppajjati.
24 Yassa dukkhasaccaṁ nuppajjati tassa maggasaccaṁ nuppajjatīti?
25 Arūpe maggassa uppādakkhaṇe tesaṁ dukkhasaccaṁ nuppajjati, no ca tesaṁ maggasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ dukkhasaccañca nuppajjati maggasaccañca nuppajjati.
26 Yassa vā pana maggasaccaṁ nuppajjati tassa dukkhasaccaṁ nuppajjatīti?
27 Sabbesaṁ upapajjantānaṁ pavatte maggavippayuttacittassa uppādakkhaṇe tesaṁ maggasaccaṁ nuppajjati, no ca tesaṁ dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ maggasaccañca nuppajjati dukkhasaccañca nuppajjati.
28 Yassa samudayasaccaṁ nuppajjati tassa maggasaccaṁ nuppajjatīti?
29 Maggassa uppādakkhaṇe tesaṁ samudayasaccaṁ nuppajjati, no ca tesaṁ maggasaccaṁ nuppajjati. Sabbesaṁ cittassa bhaṅgakkhaṇe taṇhāvippayuttamaggavippayuttacittassa uppādakkhaṇe nirodhasamāpannānaṁ asaññasattānaṁ tesaṁ samudayasaccañca nuppajjati maggasaccañca nuppajjati.
30 Yassa vā pana maggasaccaṁ nuppajjati tassa samudayasaccaṁ nuppajjatīti?
31 Taṇhāya uppādakkhaṇe tesaṁ maggasaccaṁ nuppajjati, no ca tesaṁ samudayasaccaṁ nuppajjati. Sabbesaṁ cittassa bhaṅgakkhaṇe maggavippayuttataṇhāvippayuttacittassa uppādakkhaṇe nirodhasamāpannānaṁ asaññasattānaṁ tesaṁ maggasaccañca nuppajjati samudayasaccañca nuppajjati.
5.2.1.1.5. Paccanīkaokāsa
32 Yattha dukkhasaccaṁ nuppajjati tattha samudayasaccaṁ nuppajjatīti? Natthi.
33 Yattha vā pana samudayasaccaṁ nuppajjati tattha dukkhasaccaṁ nuppajjatīti? Uppajjati.
34 Yattha dukkhasaccaṁ nuppajjati tattha maggasaccaṁ nuppajjatīti? Natthi.
35 Yattha vā pana maggasaccaṁ nuppajjati tattha dukkhasaccaṁ nuppajjatīti? Uppajjati.
36 Yattha samudayasaccaṁ nuppajjati tattha maggasaccaṁ nuppajjatīti? Āmantā.
37 Yattha vā pana maggasaccaṁ nuppajjati tattha samudayasaccaṁ nuppajjatīti?
38 Apāye tattha maggasaccaṁ nuppajjati, no ca tattha samudayasaccaṁ nuppajjati. Asaññasatte tattha maggasaccañca nuppajjati samudayasaccañca nuppajjati.
5.2.1.1.6. Paccanīkapuggalokāsa
39 Yassa yattha dukkhasaccaṁ nuppajjati tassa tattha samudayasaccaṁ nuppajjatīti? Āmantā.
40 Yassa vā pana yattha samudayasaccaṁ nuppajjati tassa tattha dukkhasaccaṁ nuppajjatīti?
41 Sabbesaṁ upapajjantānaṁ pavatte taṇhāvippayuttacittassa uppādakkhaṇe tesaṁ tattha samudayasaccaṁ nuppajjati, no ca tesaṁ tattha dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha samudayasaccañca nuppajjati dukkhasaccañca nuppajjati.
42 Yassa yattha dukkhasaccaṁ nuppajjati tassa tattha maggasaccaṁ nuppajjatīti?
43 Arūpe maggassa uppādakkhaṇe tesaṁ tattha dukkhasaccaṁ nuppajjati, no ca tesaṁ tattha maggasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ tattha dukkhasaccañca nuppajjati maggasaccañca nuppajjati.
44 Yassa vā pana yattha maggasaccaṁ nuppajjati tassa tattha dukkhasaccaṁ nuppajjatīti?
45 Sabbesaṁ upapajjantānaṁ pavatte maggavippayuttacittassa uppādakkhaṇe tesaṁ tattha maggasaccaṁ nuppajjati, no ca tesaṁ tattha dukkhasaccaṁ nuppajjati. Sabbesaṁ cavantānaṁ pavatte cittassa bhaṅgakkhaṇe arūpe phalassa uppādakkhaṇe tesaṁ tattha maggasaccañca nuppajjati dukkhasaccañca nuppajjati.
46 Yassa yattha samudayasaccaṁ nuppajjati tassa tattha maggasaccaṁ nuppajjatīti?
47 Maggassa uppādakkhaṇe tesaṁ tattha samudayasaccaṁ nuppajjati, no ca tesaṁ tattha maggasaccaṁ nuppajjati. Sabbesaṁ cittassa bhaṅgakkhaṇe taṇhāvippayuttamaggavippayuttacittassa uppādakkhaṇe asaññasattānaṁ tesaṁ tattha samudayasaccañca nuppajjati maggasaccañca nuppajjati.
48 Yassa vā pana yattha maggasaccaṁ nuppajjati tassa tattha samudayasaccaṁ nuppajjatīti?
49 Taṇhāya uppādakkhaṇe tesaṁ tattha maggasaccaṁ nuppajjati, no ca tesaṁ tattha samudayasaccaṁ nuppajjati. Sabbesaṁ cittassa bhaṅgakkhaṇe maggavippayuttataṇhāvippayuttacittassa uppādakkhaṇe asaññasattānaṁ tesaṁ tattha maggasaccañca nuppajjati samudayasaccañca nuppajjati.
5.2.1.2. Atītavāra
5.2.1.2.1. Anulomapuggala
50 Yassa dukkhasaccaṁ uppajjittha tassa samudayasaccaṁ uppajjitthāti? Āmantā.
51 Yassa vā pana samudayasaccaṁ uppajjittha tassa dukkhasaccaṁ uppajjitthāti? Āmantā.
52 Yassa dukkhasaccaṁ uppajjittha tassa maggasaccaṁ uppajjitthāti?
53 Anabhisametāvīnaṁ tesaṁ dukkhasaccaṁ uppajjittha, no ca tesaṁ maggasaccaṁ uppajjittha. Abhisametāvīnaṁ tesaṁ dukkhasaccañca uppajjittha maggasaccañca uppajjittha.
54 Yassa vā pana …pe… uppajjitthāti? Āmantā.
55 Yassa samudayasaccaṁ uppajjittha tassa maggasaccaṁ uppajjitthāti?
56 Anabhisametāvīnaṁ tesaṁ samudayasaccaṁ uppajjittha, no ca tesaṁ maggasaccaṁ uppajjittha. Abhisametāvīnaṁ tesaṁ samudayasaccañca uppajjittha maggasaccañca uppajjittha.
57 Yassa vā pana …pe… uppajjitthāti? Āmantā.
5.2.1.2.2. Anulomaokāsa
58 Yattha dukkhasaccaṁ uppajjittha …pe….
59 (Yatthakampi sabbattha sadisaṁ. Tantinānākaraṇaṁ heṭṭhā yatthakasadisaṁ.)
5.2.1.2.3. Anulomapuggalokāsa
60 Yassa yattha dukkhasaccaṁ uppajjittha tassa tattha samudayasaccaṁ uppajjitthāti?
61 Suddhāvāsānaṁ dutiye citte vattamāne asaññasattānaṁ tesaṁ tattha dukkhasaccaṁ uppajjittha, no ca tesaṁ tattha samudayasaccaṁ uppajjittha. Itaresaṁ catuvokārānaṁ pañcavokārānaṁ tesaṁ tattha dukkhasaccañca uppajjittha samudayasaccañca uppajjittha.
62 Yassa vā pana yattha …pe… uppajjitthāti? Āmantā.
63 Yassa yattha dukkhasaccaṁ uppajjittha tassa tattha maggasaccaṁ uppajjitthāti?
64 Suddhāvāsānaṁ dutiye citte vattamāne anabhisametāvīnaṁ asaññasattānaṁ tesaṁ tattha dukkhasaccaṁ uppajjittha, no ca tesaṁ tattha maggasaccaṁ uppajjittha. Abhisametāvīnaṁ tesaṁ tattha dukkhasaccañca uppajjittha maggasaccañca uppajjittha.
65 Yassa vā pana yattha …pe… uppajjitthāti? Āmantā.
66 Yassa yattha samudayasaccaṁ uppajjittha tassa tattha maggasaccaṁ uppajjitthāti?
67 Suddhāvāsānaṁ dutiye akusale citte vattamāne anabhisametāvīnaṁ tesaṁ tattha samudayasaccaṁ uppajjittha, no ca tesaṁ tattha maggasaccaṁ uppajjittha. Abhisametāvīnaṁ tesaṁ tattha samudayasaccañca uppajjittha maggasaccañca uppajjittha.
68 Yassa vā pana yattha …pe… uppajjitthāti? Āmantā.
5.2.1.2.4. Paccanīkapuggala
69 Yassa dukkhasaccaṁ nuppajjittha tassa samudayasaccaṁ nuppajjitthāti? Natthi.
70 Yassa vā pana …pe… nuppajjitthāti? Natthi.
71 Yassa dukkhasaccaṁ nuppajjittha tassa maggasaccaṁ nuppajjitthāti? Natthi.
72 Yassa vā pana maggasaccaṁ nuppajjittha tassa dukkhasaccaṁ nuppajjitthāti? Uppajjittha.
73 Yassa samudayasaccaṁ nuppajjittha tassa maggasaccaṁ nuppajjitthāti? Natthi.
74 Yassa vā pana …pe… nuppajjitthāti? Uppajjittha.
5.2.1.2.5. Paccanīkaokāsa
75 Yattha dukkhasaccaṁ nuppajjittha …pe….
5.2.1.2.6. Paccanīkapuggalokāsa
76 Yassa yattha dukkhasaccaṁ nuppajjittha tassa tattha samudayasaccaṁ nuppajjitthāti? Āmantā.
77 Yassa vā pana yattha samudayasaccaṁ nuppajjittha tassa tattha dukkhasaccaṁ nuppajjitthāti?
78 Suddhāvāsānaṁ dutiye citte vattamāne asaññasattānaṁ tesaṁ tattha samudayasaccaṁ nuppajjittha, no ca tesaṁ tattha dukkhasaccaṁ nuppajjittha. Suddhāvāsaṁ upapajjantānaṁ tesaṁ tattha samudayasaccañca nuppajjittha dukkhasaccañca nuppajjittha.
79 Yassa yattha dukkhasaccaṁ nuppajjittha tassa tattha maggasaccaṁ nuppajjitthāti? Āmantā.
80 Yassa vā pana yattha maggasaccaṁ nuppajjittha tassa tattha dukkhasaccaṁ nuppajjitthāti?
81 Suddhāvāsānaṁ dutiye citte vattamāne anabhisametāvīnaṁ asaññasattānaṁ tesaṁ tattha maggasaccaṁ nuppajjittha, no ca tesaṁ tattha dukkhasaccaṁ nuppajjittha. Suddhāvāsaṁ upapajjantānaṁ tesaṁ tattha maggasaccañca nuppajjittha dukkhasaccañca nuppajjittha.
82 Yassa yattha samudayasaccaṁ nuppajjittha tassa tattha maggasaccaṁ nuppajjitthāti? Āmantā.
83 Yassa vā pana yattha maggasaccaṁ nuppajjittha tassa tattha samudayasaccaṁ nuppajjitthāti?
84 Suddhāvāsānaṁ dutiye akusale citte vattamāne anabhisametāvīnaṁ tesaṁ tattha maggasaccaṁ nuppajjittha, no ca tesaṁ tattha samudayasaccaṁ nuppajjittha. Suddhāvāsānaṁ dutiye citte vattamāne asaññasattānaṁ tesaṁ tattha maggasaccañca nuppajjittha samudayasaccañca nuppajjittha.
5.2.1.3. Anāgatavāra
5.2.1.3.1. Anulomapuggala
85 Yassa dukkhasaccaṁ uppajjissati tassa samudayasaccaṁ uppajjissatīti?
86 Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ dukkhasaccaṁ uppajjissati, no ca tesaṁ samudayasaccaṁ uppajjissati. Itaresaṁ tesaṁ dukkhasaccañca uppajjissati samudayasaccañca uppajjissati.
87 Yassa vā pana …pe… ? Āmantā.
88 Yassa dukkhasaccaṁ uppajjissati tassa maggasaccaṁ uppajjissatīti?
89 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ dukkhasaccaṁ uppajjissati, no ca tesaṁ maggasaccaṁ uppajjissati. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ dukkhasaccañca uppajjissati maggasaccañca uppajjissati.
90 Yassa vā pana …pe… uppajjissatīti? Āmantā.
91 Yassa samudayasaccaṁ uppajjissati tassa maggasaccaṁ uppajjissatīti?
92 Ye puthujjanā maggaṁ na paṭilabhissanti tesaṁ samudayasaccaṁ uppajjissati, no ca tesaṁ maggasaccaṁ uppajjissati. Ye maggaṁ paṭilabhissanti tesaṁ samudayasaccañca uppajjissati maggasaccañca uppajjissati.
93 Yassa vā pana maggasaccaṁ uppajjissati tassa samudayasaccaṁ uppajjissatīti?
94 Yassa cittassa anantarā aggamaggaṁ paṭilabhissanti tesaṁ maggasaccaṁ uppajjissati, no ca tesaṁ samudayasaccaṁ uppajjissati. Ye maggaṁ paṭilabhissanti tesaṁ maggasaccañca uppajjissati samudayasaccañca uppajjissati.
5.2.1.3.2. Anulomaokāsa
95 Yattha dukkhasaccaṁ uppajjissati …pe….
5.2.1.3.3. Anulomapuggalokāsa
96 Yassa yattha dukkhasaccaṁ uppajjissati tassa tattha samudayasaccaṁ uppajjissatīti?
97 Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha dukkhasaccaṁ uppajjissati, no ca tesaṁ tattha samudayasaccaṁ uppajjissati. Itaresaṁ catuvokārānaṁ pañcavokārānaṁ tesaṁ tattha dukkhasaccañca uppajjissati samudayasaccañca uppajjissati.
98 Yassa vā pana yattha samudayasaccaṁ uppajjissati …pe… uppajjissatīti? Āmantā.
99 Yassa yattha dukkhasaccaṁ uppajjissati tassa tattha maggasaccaṁ uppajjissatīti?
100 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ asaññasattānaṁ tesaṁ tattha dukkhasaccaṁ uppajjissati, no ca tesaṁ tattha maggasaccaṁ uppajjissati. Yassa cittassa anantarā aggamaggaṁ paṭilabhissanti, ye caññe maggaṁ paṭilabhissanti tesaṁ tattha dukkhasaccañca uppajjissati maggasaccañca uppajjissati.
101 Yassa vā pana yattha maggasaccaṁ uppajjissati tassa tattha dukkhasaccaṁ uppajjissatīti? Āmantā.
102 Yassa yattha samudayasaccaṁ uppajjissati tassa tattha maggasaccaṁ uppajjissatīti?
103 Āpāyikānaṁ ye ca puthujjanā maggaṁ na paṭilabhissanti tesaṁ tattha samudayasaccaṁ uppajjissati, no ca tesaṁ tattha maggasaccaṁ uppajjissati. Ye maggaṁ paṭilabhissanti tesaṁ tattha samudayasaccañca uppajjissati maggasaccañca uppajjissati.
104 Yassa vā pana yattha maggasaccaṁ uppajjissati tassa tattha samudayasaccaṁ uppajjissatīti?
105 Yassa cittassa anantarā aggamaggaṁ paṭilabhissanti tesaṁ tattha maggasaccaṁ uppajjissati, no ca tesaṁ tattha samudayasaccaṁ uppajjissati. Ye maggaṁ paṭilabhissanti tesaṁ tattha maggasaccañca uppajjissati samudayasaccañca uppajjissati.
5.2.1.3.4. Paccanīkapuggala
106 Yassa dukkhasaccaṁ nuppajjissati tassa samudayasaccaṁ nuppajjissatīti? Āmantā.
107 Yassa vā pana samudayasaccaṁ nuppajjissati tassa dukkhasaccaṁ nuppajjissatīti?
108 Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ samudayasaccaṁ nuppajjissati, no ca tesaṁ dukkhasaccaṁ nuppajjissati. Pacchimacittasamaṅgīnaṁ tesaṁ samudayasaccañca nuppajjissati dukkhasaccañca nuppajjissati.
109 Yassa dukkhasaccaṁ nuppajjissati tassa maggasaccaṁ nuppajjissatīti? Āmantā.
110 Yassa vā pana maggasaccaṁ nuppajjissati tassa dukkhasaccaṁ nuppajjissatīti?
111 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ maggasaccaṁ nuppajjissati, no ca tesaṁ dukkhasaccaṁ nuppajjissati. Pacchimacittasamaṅgīnaṁ tesaṁ maggasaccañca nuppajjissati dukkhasaccañca nuppajjissati.
112 Yassa samudayasaccaṁ nuppajjissati tassa maggasaccaṁ nuppajjissatīti?
113 Yassa cittassa anantarā aggamaggaṁ paṭilabhissanti tesaṁ samudayasaccaṁ nuppajjissati, no ca tesaṁ maggasaccaṁ nuppajjissati. Aggamaggasamaṅgīnaṁ arahantānaṁ tesaṁ samudayasaccañca nuppajjissati maggasaccañca nuppajjissati.
114 Yassa vā pana maggasaccaṁ nuppajjissati tassa samudayasaccaṁ nuppajjissatīti?
115 Ye puthujjanā maggaṁ na paṭilabhissanti tesaṁ maggasaccaṁ nuppajjissati, no ca tesaṁ samudayasaccaṁ nuppajjissati. Aggamaggasamaṅgīnaṁ arahantānaṁ tesaṁ maggasaccañca nuppajjissati samudayasaccañca nuppajjissati.
5.2.1.3.5. Paccanīkaokāsa
116 Yattha dukkhasaccaṁ nuppajjissati …pe….
5.2.1.3.6. Paccanīkapuggalokāsa
117 Yassa yattha dukkhasaccaṁ nuppajjissati tassa tattha samudayasaccaṁ nuppajjissatīti? Āmantā.
118 Yassa vā pana yattha samudayasaccaṁ nuppajjissati tassa tattha dukkhasaccaṁ nuppajjissatīti?
119 Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha samudayasaccaṁ nuppajjissati, no ca tesaṁ tattha dukkhasaccaṁ nuppajjissati. Pacchimacittasamaṅgīnaṁ tesaṁ tattha samudayasaccañca nuppajjissati dukkhasaccañca nuppajjissati.
120 Yassa yattha dukkhasaccaṁ nuppajjissati tassa tattha maggasaccaṁ nuppajjissatīti? Āmantā.
121 Yassa vā pana yattha maggasaccaṁ nuppajjissati tassa tattha dukkhasaccaṁ nuppajjissatīti?
122 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ asaññasattānaṁ tesaṁ tattha maggasaccaṁ nuppajjissati, no ca tesaṁ tattha dukkhasaccaṁ nuppajjissati. Pacchimacittasamaṅgīnaṁ tesaṁ tattha maggasaccañca nuppajjissati dukkhasaccañca nuppajjissati.
123 Yassa yattha samudayasaccaṁ nuppajjissati tassa tattha maggasaccaṁ nuppajjissatīti?
124 Yassa cittassa anantarā aggamaggaṁ paṭilabhissanti tesaṁ tattha samudayasaccaṁ nuppajjissati, no ca tesaṁ tattha maggasaccaṁ nuppajjissati. Aggamaggasamaṅgīnaṁ arahantānaṁ asaññasattānaṁ tesaṁ tattha samudayasaccañca nuppajjissati maggasaccañca nuppajjissati.
125 Yassa vā pana yattha maggasaccaṁ nuppajjissati tassa tattha samudayasaccaṁ nuppajjissatīti?
126 Āpāyikānaṁ ye ca puthujjanā maggaṁ na paṭilabhissanti tesaṁ tattha maggasaccaṁ nuppajjissati, no ca tesaṁ tattha samudayasaccaṁ nuppajjissati. Aggamaggasamaṅgīnaṁ arahantānaṁ asaññasattānaṁ tesaṁ tattha maggasaccañca nuppajjissati samudayasaccañca nuppajjissati.
5.2.1.4. Paccuppannātītavāra
5.2.1.4.1. Anulomapuggala
127 Yassa dukkhasaccaṁ uppajjati tassa samudayasaccaṁ uppajjitthāti? Āmantā.
128 Yassa vā pana samudayasaccaṁ uppajjittha tassa dukkhasaccaṁ uppajjatīti?
129 Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ samudayasaccaṁ uppajjittha, no ca tesaṁ dukkhasaccaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ samudayasaccañca uppajjittha dukkhasaccañca uppajjati.
130 Yassa dukkhasaccaṁ uppajjati tassa maggasaccaṁ uppajjitthāti? Anabhisametāvīnaṁ upapajjantānaṁ pavatte cittassa uppādakkhaṇe tesaṁ dukkhasaccaṁ uppajjati, no ca tesaṁ maggasaccaṁ uppajjittha. Abhisametāvīnaṁ upapajjantānaṁ pavatte cittassa uppādakkhaṇe tesaṁ dukkhasaccañca uppajjati maggasaccañca uppajjittha.
131 Yassa vā pana maggasaccaṁ uppajjittha tassa dukkhasaccaṁ uppajjatīti?
132 Abhisametāvīnaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ maggasaccaṁ uppajjittha, no ca tesaṁ dukkhasaccaṁ uppajjati. Abhisametāvīnaṁ upapajjantānaṁ pavatte cittassa uppādakkhaṇe tesaṁ maggasaccañca uppajjittha dukkhasaccañca uppajjati.
133 Yassa samudayasaccaṁ uppajjati tassa maggasaccaṁ uppajjitthāti?
134 Anabhisametāvīnaṁ taṇhāya uppādakkhaṇe tesaṁ samudayasaccaṁ uppajjati, no ca tesaṁ maggasaccaṁ uppajjittha. Abhisametāvīnaṁ taṇhāya uppādakkhaṇe tesaṁ samudayasaccañca uppajjati maggasaccañca uppajjittha.
135 Yassa vā pana maggasaccaṁ uppajjittha tassa samudayasaccaṁ uppajjatīti?
136 Abhisametāvīnaṁ taṇhāya bhaṅgakkhaṇe taṇhāvippayuttacitte vattamāne nirodhasamāpannānaṁ tesaṁ maggasaccaṁ uppajjittha, no ca tesaṁ samudayasaccaṁ uppajjati. Abhisametāvīnaṁ taṇhāya uppādakkhaṇe tesaṁ maggasaccañca uppajjittha samudayasaccañca uppajjati.
5.2.1.4.2. Anulomaokāsa
137 Yattha dukkhasaccaṁ uppajjati …pe… (yatthakā sadisā sabbe.)
5.2.1.4.3. Anulomapuggalokāsa
138 Yassa yattha dukkhasaccaṁ uppajjati tassa tattha samudayasaccaṁ uppajjitthāti?
139 Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha dukkhasaccaṁ uppajjati, no ca tesaṁ tattha samudayasaccaṁ uppajjittha. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha dukkhasaccañca uppajjati samudayasaccañca uppajjittha.
140 Yassa vā pana yattha samudayasaccaṁ uppajjittha tassa tattha dukkhasaccaṁ uppajjatīti?
141 Catuvokārā pañcavokārā cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha samudayasaccaṁ uppajjittha, no ca tesaṁ tattha dukkhasaccaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha samudayasaccañca uppajjittha dukkhasaccañca uppajjati.
142 Yassa yattha dukkhasaccaṁ uppajjati tassa tattha maggasaccaṁ uppajjitthāti?
143 Suddhāvāsānaṁ upapatticittassa uppādakkhaṇe anabhisametāvīnaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha dukkhasaccaṁ uppajjati, no ca tesaṁ tattha maggasaccaṁ uppajjittha. Abhisametāvīnaṁ upapajjantānaṁ pavatte cittassa uppādakkhaṇe tesaṁ tattha dukkhasaccañca uppajjati maggasaccañca uppajjittha.
144 Yassa vā pana yattha maggasaccaṁ uppajjittha tassa tattha dukkhasaccaṁ uppajjatīti?
145 Abhisametāvīnaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha maggasaccaṁ uppajjittha, no ca tesaṁ tattha dukkhasaccaṁ uppajjati. Abhisametāvīnaṁ upapajjantānaṁ pavatte cittassa uppādakkhaṇe tesaṁ tattha maggasaccañca uppajjittha dukkhasaccañca uppajjati.
146 Yassa yattha samudayasaccaṁ uppajjati tassa tattha maggasaccaṁ uppajjitthāti?
147 Anabhisametāvīnaṁ taṇhāya uppādakkhaṇe tesaṁ tattha samudayasaccaṁ uppajjati, no ca tesaṁ tattha maggasaccaṁ uppajjittha. Abhisametāvīnaṁ taṇhāya uppādakkhaṇe tesaṁ tattha samudayasaccañca uppajjati maggasaccañca uppajjittha.
148 Yassa vā pana yattha maggasaccaṁ uppajjittha tassa tattha samudayasaccaṁ uppajjatīti?
149 Abhisametāvīnaṁ taṇhāya bhaṅgakkhaṇe taṇhāvippayuttacitte vattamāne tesaṁ tattha maggasaccaṁ uppajjittha, no ca tesaṁ tattha samudayasaccaṁ uppajjati. Abhisametāvīnaṁ taṇhāya uppādakkhaṇe tesaṁ tattha maggasaccañca uppajjittha samudayasaccañca uppajjati.
5.2.1.4.4. Paccanīkapuggala
150 Yassa dukkhasaccaṁ nuppajjati tassa samudayasaccaṁ nuppajjitthāti?
151 Uppajjittha.
152 Yassa vā pana samudayasaccaṁ nuppajjittha tassa dukkhasaccaṁ nuppajjatīti? Natthi.
153 Yassa dukkhasaccaṁ nuppajjati tassa maggasaccaṁ nuppajjitthāti?
154 Abhisametāvīnaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ dukkhasaccaṁ nuppajjati, no ca tesaṁ maggasaccaṁ nuppajjittha. Anabhisametāvīnaṁ cavantānaṁ pavatte cittassa bhaṅgakkhaṇe tesaṁ dukkhasaccañca nuppajjati maggasaccañca nuppajjittha.
155 Yassa vā pana maggasaccaṁ nuppajjittha tassa dukkhasaccaṁ nuppajjatīti?
156 Anabhisametāvīnaṁ upapajjantānaṁ pavatte cittassa uppādakkhaṇe tesaṁ maggasaccaṁ nuppajjittha, no ca tesaṁ dukkhasaccaṁ nuppajjati. Anabhisametāvīnaṁ cavantānaṁ pavatte cittassa bhaṅgakkhaṇe tesaṁ maggasaccañca nuppajjittha dukkhasaccañca nuppajjati.
157 Yassa samudayasaccaṁ nuppajjati tassa maggasaccaṁ nuppajjitthāti?
158 Abhisametāvīnaṁ taṇhāya bhaṅgakkhaṇe taṇhāvippayuttacitte vattamāne nirodhasamāpannānaṁ tesaṁ samudayasaccaṁ nuppajjati, no ca tesaṁ maggasaccaṁ nuppajjittha. Anabhisametāvīnaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ samudayasaccañca nuppajjati maggasaccañca nuppajjittha.
159 Yassa vā pana maggasaccaṁ nuppajjittha tassa samudayasaccaṁ nuppajjatīti?
160 Anabhisametāvīnaṁ taṇhāya uppādakkhaṇe tesaṁ maggasaccaṁ nuppajjittha, no ca tesaṁ samudayasaccaṁ nuppajjati. Anabhisametāvīnaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ maggasaccañca nuppajjittha samudayasaccañca nuppajjati.
5.2.1.4.5. Paccanīkaokāsa
161 Yattha dukkhasaccaṁ nuppajjati …pe….
5.2.1.4.6. Paccanīkapuggalokāsa
162 Yassa yattha dukkhasaccaṁ nuppajjati tassa tattha samudayasaccaṁ nuppajjitthāti?
163 Catuvokārā pañcavokārā cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha dukkhasaccaṁ nuppajjati, no ca tesaṁ tattha samudayasaccaṁ nuppajjittha. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha dukkhasaccañca nuppajjati samudayasaccañca nuppajjittha.
164 Yassa vā pana yattha samudayasaccaṁ nuppajjittha tassa tattha dukkhasaccaṁ nuppajjatīti?
165 Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha samudayasaccaṁ nuppajjittha, no ca tesaṁ tattha dukkhasaccaṁ nuppajjati. Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha samudayasaccañca nuppajjittha dukkhasaccañca nuppajjati.
166 Yassa yattha dukkhasaccaṁ nuppajjati tassa tattha maggasaccaṁ nuppajjitthāti?
167 Abhisametāvīnaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha dukkhasaccaṁ nuppajjati, no ca tesaṁ tattha maggasaccaṁ nuppajjittha. Suddhāvāsānaṁ upapatticittassa bhaṅgakkhaṇe anabhisametāvīnaṁ cavantānaṁ pavatte cittassa bhaṅgakkhaṇe asaññasattā cavantānaṁ tesaṁ tattha dukkhasaccañca nuppajjati maggasaccañca nuppajjittha.
168 Yassa vā pana yattha maggasaccaṁ nuppajjittha tassa tattha dukkhasaccaṁ nuppajjatīti?
169 Suddhāvāsānaṁ upapatticittassa uppādakkhaṇe anabhisametāvīnaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha maggasaccaṁ nuppajjittha, no ca tesaṁ tattha dukkhasaccaṁ nuppajjati. Suddhāvāsānaṁ upapatticittassa bhaṅgakkhaṇe anabhisametāvīnaṁ cavantānaṁ pavatte cittassa bhaṅgakkhaṇe asaññasattā cavantānaṁ tesaṁ tattha maggasaccañca nuppajjittha dukkhasaccañca nuppajjati.
170 Yassa yattha samudayasaccaṁ nuppajjati tassa tattha maggasaccaṁ nuppajjitthāti?
171 Abhisametāvīnaṁ taṇhāya bhaṅgakkhaṇe taṇhāvippayuttacitte vattamāne tesaṁ tattha samudayasaccaṁ nuppajjati, no ca tesaṁ tattha maggasaccaṁ nuppajjittha. Suddhāvāsānaṁ dutiye citte vattamāne anabhisametāvīnaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha samudayasaccañca nuppajjati maggasaccañca nuppajjittha.
172 Yassa vā pana yattha maggasaccaṁ nuppajjittha tassa tattha samudayasaccaṁ nuppajjatīti?
173 Anabhisametāvīnaṁ taṇhāya uppādakkhaṇe tesaṁ tattha maggasaccaṁ nuppajjittha, no ca tesaṁ tattha samudayasaccaṁ nuppajjati. Suddhāvāsānaṁ dutiye citte vattamāne anabhisametāvīnaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca nuppajjittha samudayasaccañca nuppajjati.
5.2.1.5. Paccuppannānāgatavāra
5.2.1.5.1. Anulomapuggala
174 Yassa dukkhasaccaṁ uppajjati tassa samudayasaccaṁ uppajjissatīti?
175 Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ dukkhasaccaṁ uppajjati, no ca tesaṁ samudayasaccaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ dukkhasaccañca uppajjati samudayasaccañca uppajjissati.
176 Yassa vā pana samudayasaccaṁ uppajjissati tassa dukkhasaccaṁ uppajjatīti?
177 Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ samudayasaccaṁ uppajjissati, no ca tesaṁ dukkhasaccaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ samudayasaccañca uppajjissati dukkhasaccañca uppajjati.
178 Yassa dukkhasaccaṁ uppajjati tassa maggasaccaṁ uppajjissatīti?
179 Aggamaggassa uppādakkhaṇe arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe tesaṁ dukkhasaccaṁ uppajjati, no ca tesaṁ maggasaccaṁ uppajjissati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ dukkhasaccañca uppajjati maggasaccañca uppajjissati.
180 Yassa vā pana maggasaccaṁ uppajjissati tassa dukkhasaccaṁ uppajjatīti?
181 Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ maggasaccaṁ uppajjissati, no ca tesaṁ dukkhasaccaṁ uppajjati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ maggasaccañca uppajjissati dukkhasaccañca uppajjati.
182 Yassa samudayasaccaṁ uppajjati tassa maggasaccaṁ uppajjissatīti?
183 Ye puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ samudayasaccaṁ uppajjati, no ca tesaṁ maggasaccaṁ uppajjissati. Ye maggaṁ paṭilabhissanti tesaṁ taṇhāya uppādakkhaṇe tesaṁ samudayasaccañca uppajjati maggasaccañca uppajjissati.
184 Yassa vā pana maggasaccaṁ uppajjissati tassa samudayasaccaṁ uppajjatīti?
185 Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne nirodhasamāpannānaṁ asaññasattānaṁ tesaṁ maggasaccaṁ uppajjissati, no ca tesaṁ samudayasaccaṁ uppajjati. Ye maggaṁ paṭilabhissanti tesaṁ taṇhāya uppādakkhaṇe tesaṁ maggasaccañca uppajjissati samudayasaccañca uppajjati.
5.2.1.5.2. Anulomaokāsa
186 Yattha dukkhasaccaṁ uppajjati …pe…
187 (Yatthakampi yassayatthakasadisaṁ kātabbaṁ.)
5.2.1.5.3. Anulomapuggalokāsa
188 Yassa yattha dukkhasaccaṁ uppajjati tassa tattha samudayasaccaṁ uppajjissatīti?
189 Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattaṁ upapajjantānaṁ tesaṁ tattha dukkhasaccaṁ uppajjati, no ca tesaṁ tattha samudayasaccaṁ uppajjissati. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha dukkhasaccañca uppajjati samudayasaccañca uppajjissati.
190 Yassa vā pana yattha samudayasaccaṁ uppajjissati tassa tattha dukkhasaccaṁ uppajjatīti?
191 Catuvokārā pañcavokārā cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha samudayasaccaṁ uppajjissati, no ca tesaṁ tattha dukkhasaccaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha samudayasaccañca uppajjissati dukkhasaccañca uppajjati.
192 Yassa yattha dukkhasaccaṁ uppajjati tassa tattha maggasaccaṁ uppajjissatīti?
193 Aggamaggassa uppādakkhaṇe arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha dukkhasaccaṁ uppajjati, no ca tesaṁ tattha maggasaccaṁ uppajjissati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ tattha dukkhasaccañca uppajjati maggasaccañca uppajjissati.
194 Yassa vā pana yattha maggasaccaṁ uppajjissati tassa tattha dukkhasaccaṁ uppajjatīti?
195 Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha maggasaccaṁ uppajjissati, no ca tesaṁ tattha dukkhasaccaṁ uppajjati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ tattha maggasaccañca uppajjissati dukkhasaccañca uppajjati.
196 Yassa yattha samudayasaccaṁ uppajjati tassa tattha maggasaccaṁ uppajjissatīti?
197 Āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ tattha samudayasaccaṁ uppajjati, no ca tesaṁ tattha maggasaccaṁ uppajjissati. Ye maggaṁ paṭilabhissanti tesaṁ taṇhāya uppādakkhaṇe tesaṁ tattha samudayasaccañca uppajjati maggasaccañca uppajjissati.
198 Yassa vā pana yattha maggasaccaṁ uppajjissati tassa tattha samudayasaccaṁ uppajjatīti?
199 Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ tattha maggasaccaṁ uppajjissati, no ca tesaṁ tattha samudayasaccaṁ uppajjati. Ye maggaṁ paṭilabhissanti tesaṁ taṇhāya uppādakkhaṇe tesaṁ tattha maggasaccañca uppajjissati samudayasaccañca uppajjati.
5.2.1.5.4. Paccanīkapuggala
200 Yassa dukkhasaccaṁ nuppajjati tassa samudayasaccaṁ nuppajjissatīti?
201 Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ dukkhasaccaṁ nuppajjati, no ca tesaṁ samudayasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ dukkhasaccañca nuppajjati samudayasaccañca nuppajjissati.
202 Yassa vā pana samudayasaccaṁ nuppajjissati tassa dukkhasaccaṁ nuppajjatīti?
203 Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ samudayasaccaṁ nuppajjissati, no ca tesaṁ dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ samudayasaccañca nuppajjissati dukkhasaccañca nuppajjati.
204 Yassa dukkhasaccaṁ nuppajjati tassa maggasaccaṁ nuppajjissatīti?
205 Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ dukkhasaccaṁ nuppajjati, no ca tesaṁ maggasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ dukkhasaccañca nuppajjati maggasaccañca nuppajjissati.
206 Yassa vā pana maggasaccaṁ nuppajjissati tassa dukkhasaccaṁ nuppajjatīti?
207 Aggamaggassa uppādakkhaṇe arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe tesaṁ maggasaccaṁ nuppajjissati, no ca tesaṁ dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ maggasaccañca nuppajjissati dukkhasaccañca nuppajjati.
208 Yassa samudayasaccaṁ nuppajjati tassa maggasaccaṁ nuppajjissatīti?
209 Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne nirodhasamāpannānaṁ asaññasattānaṁ tesaṁ samudayasaccaṁ nuppajjati, no ca tesaṁ maggasaccaṁ nuppajjissati. Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ samudayasaccañca nuppajjati maggasaccañca nuppajjissati.
210 Yassa vā pana maggasaccaṁ nuppajjissati tassa samudayasaccaṁ nuppajjatīti?
211 Ye puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ maggasaccaṁ nuppajjissati, no ca tesaṁ samudayasaccaṁ nuppajjati. Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ maggasaccañca nuppajjissati samudayasaccañca nuppajjati.
5.2.1.5.5. Paccanīkaokāsa
212 Yattha dukkhasaccaṁ nuppajjati …pe….
5.2.1.5.6. Paccanīkapuggalokāsa
213 Yassa yattha dukkhasaccaṁ nuppajjati tassa tattha samudayasaccaṁ nuppajjissatīti?
214 Catuvokārā pañcavokārā cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha dukkhasaccaṁ nuppajjati, no ca tesaṁ tattha samudayasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe asaññasattā cavantānaṁ arūpe aggamaggassa ca phalassa ca uppādakkhaṇe tesaṁ tattha dukkhasaccañca nuppajjati samudayasaccañca nuppajjissati.
215 Yassa vā pana yattha samudayasaccaṁ nuppajjissati tassa tattha dukkhasaccaṁ nuppajjatīti?
216 Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattaṁ upapajjantānaṁ tesaṁ tattha samudayasaccaṁ nuppajjissati, no ca tesaṁ tattha dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe arūpe aggamaggassa ca phalassa ca uppādakkhaṇe asaññasattā cavantānaṁ tesaṁ tattha samudayasaccañca nuppajjissati dukkhasaccañca nuppajjati.
217 Yassa yattha dukkhasaccaṁ nuppajjati tassa tattha maggasaccaṁ nuppajjissatīti?
218 Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha dukkhasaccaṁ nuppajjati, no ca tesaṁ tattha maggasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe āpāyikānaṁ ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe asaññasattā cavantānaṁ arūpe aggamaggassa ca phalassa ca uppādakkhaṇe tesaṁ tattha dukkhasaccañca nuppajjati maggasaccañca nuppajjissati.
219 Yassa vā pana yattha maggasaccaṁ nuppajjissati tassa tattha dukkhasaccaṁ nuppajjatīti?
220 Aggamaggassa uppādakkhaṇe arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha maggasaccaṁ nuppajjissati, no ca tesaṁ tattha dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe āpāyikānaṁ ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe arūpe aggamaggassa ca phalassa ca uppādakkhaṇe asaññasattā cavantānaṁ tesaṁ tattha maggasaccañca nuppajjissati dukkhasaccañca nuppajjati.
221 Yassa yattha samudayasaccaṁ nuppajjati tassa tattha maggasaccaṁ nuppajjissatīti?
222 Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ tattha samudayasaccaṁ nuppajjati, no ca tesaṁ tattha maggasaccaṁ nuppajjissati. Aggamaggasamaṅgīnaṁ arahantānaṁ, āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha samudayasaccañca nuppajjati maggasaccañca nuppajjissati.
223 Yassa vā pana yattha maggasaccaṁ nuppajjissati tassa tattha samudayasaccaṁ nuppajjatīti?
224 Āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ tattha maggasaccaṁ nuppajjissati, no ca tesaṁ tattha samudayasaccaṁ nuppajjati. Aggamaggasamaṅgīnaṁ arahantānaṁ āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca nuppajjissati samudayasaccañca nuppajjati.
5.2.1.6. Atītānāgatavāra
5.2.1.6.1. Anulomapuggala
225 Yassa dukkhasaccaṁ uppajjittha tassa samudayasaccaṁ uppajjissatīti?
226 Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ dukkhasaccaṁ uppajjittha, no ca tesaṁ samudayasaccaṁ uppajjissati. Itaresaṁ tesaṁ dukkhasaccañca uppajjittha samudayasaccañca uppajjissati.
227 Yassa vā pana samudayasaccaṁ uppajjissati tassa dukkhasaccaṁ uppajjitthāti? Āmantā.
228 Yassa dukkhasaccaṁ uppajjittha tassa maggasaccaṁ uppajjissatīti?
229 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ dukkhasaccaṁ uppajjittha, no ca tesaṁ maggasaccaṁ uppajjissati. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ dukkhasaccañca uppajjittha maggasaccañca uppajjissati.
230 Yassa vā pana …pe… ? Āmantā.
231 Yassa samudayasaccaṁ uppajjittha tassa maggasaccaṁ uppajjissatīti? Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ samudayasaccaṁ uppajjittha, no ca tesaṁ maggasaccaṁ uppajjissati. Yassa cittassa anantarā aggamaggaṁ paṭilabhissanti, ye caññe maggaṁ paṭilabhissanti tesaṁ samudayasaccañca uppajjittha maggasaccañca uppajjissati.
232 Yassa vā pana …pe… ? Āmantā.
5.2.1.6.2. Anulomaokāsa
233 Yattha dukkhasaccaṁ uppajjittha …pe….
5.2.1.6.3. Anulomapuggalokāsa
234 Yassa yattha dukkhasaccaṁ uppajjittha tassa tattha samudayasaccaṁ uppajjissatīti?
235 Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha dukkhasaccaṁ uppajjittha, no ca tesaṁ tattha samudayasaccaṁ uppajjissati. Itaresaṁ catuvokārānaṁ pañcavokārānaṁ tesaṁ tattha dukkhasaccañca uppajjittha samudayasaccañca uppajjissati.
236 Yassa vā pana yattha samudayasaccaṁ uppajjissati tassa tattha dukkhasaccaṁ uppajjitthāti?
237 Suddhāvāsaṁ upapajjantānaṁ tesaṁ tattha samudayasaccaṁ uppajjissati, no ca tesaṁ tattha dukkhasaccaṁ uppajjittha. Itaresaṁ catuvokārānaṁ pañcavokārānaṁ tesaṁ tattha samudayasaccañca uppajjissati dukkhasaccañca uppajjittha.
238 Yassa yattha dukkhasaccaṁ uppajjittha tassa tattha maggasaccaṁ uppajjissatīti?
239 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ asaññasattānaṁ tesaṁ tattha dukkhasaccaṁ uppajjittha, no ca tesaṁ tattha maggasaccaṁ uppajjissati. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha dukkhasaccañca uppajjittha maggasaccañca uppajjissati.
240 Yassa vā pana yattha maggasaccaṁ uppajjissati tassa tattha dukkhasaccaṁ uppajjitthāti?
241 Suddhāvāsaṁ upapajjantānaṁ tesaṁ tattha maggasaccaṁ uppajjissati, no ca tesaṁ tattha dukkhasaccaṁ uppajjittha. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha maggasaccañca uppajjissati dukkhasaccañca uppajjittha.
242 Yassa yattha samudayasaccaṁ uppajjittha tassa tattha maggasaccaṁ uppajjissatīti?
243 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ tesaṁ tattha samudayasaccaṁ uppajjittha, no ca tesaṁ tattha maggasaccaṁ uppajjissati. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha samudayasaccañca uppajjittha maggasaccañca uppajjissati.
244 Yassa vā pana yattha maggasaccaṁ uppajjissati tassa tattha samudayasaccaṁ uppajjitthāti?
245 Suddhāvāsānaṁ dutiye citte vattamāne tesaṁ tattha maggasaccaṁ uppajjissati, no ca tesaṁ tattha samudayasaccaṁ uppajjittha. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha maggasaccañca uppajjissati samudayasaccañca uppajjittha.
5.2.1.6.4. Paccanīkapuggala
246 Yassa dukkhasaccaṁ nuppajjittha tassa samudayasaccaṁ nuppajjissatīti? Natthi.
247 Yassa vā pana samudayasaccaṁ nuppajjissati tassa dukkhasaccaṁ nuppajjitthāti? Uppajjittha.
248 Yassa dukkhasaccaṁ nuppajjittha tassa maggasaccaṁ nuppajjissatīti? Natthi.
249 Yassa vā pana maggasaccaṁ nuppajjissati tassa dukkhasaccaṁ nuppajjitthāti? Uppajjittha.
250 Yassa samudayasaccaṁ nuppajjittha tassa maggasaccaṁ nuppajjissatīti? Natthi.
251 Yassa vā pana maggasaccaṁ nuppajjissati tassa samudayasaccaṁ nuppajjitthāti? Uppajjittha.
5.2.1.6.5. Paccanīkaokāsa
252 Yattha dukkhasaccaṁ nuppajjittha …pe….
5.2.1.6.6. Paccanīkapuggalokāsa
253 Yassa yattha dukkhasaccaṁ nuppajjittha tassa tattha samudayasaccaṁ nuppajjissatīti? Uppajjissati.
254 Yassa vā pana yattha samudayasaccaṁ nuppajjissati tassa tattha dukkhasaccaṁ nuppajjitthāti? Uppajjittha.
255 Yassa yattha dukkhasaccaṁ nuppajjittha tassa tattha maggasaccaṁ nuppajjissatīti? Uppajjissati.
256 Yassa vā pana yattha maggasaccaṁ nuppajjissati tassa tattha dukkhasaccaṁ nuppajjitthāti? Uppajjittha.
257 Yassa yattha samudayasaccaṁ nuppajjittha tassa tattha maggasaccaṁ nuppajjissatīti?
258 Suddhāvāsānaṁ dutiye citte vattamāne tesaṁ tattha samudayasaccaṁ nuppajjittha, no ca tesaṁ tattha maggasaccaṁ nuppajjissati. Asaññasattānaṁ tesaṁ tattha samudayasaccañca nuppajjittha maggasaccañca nuppajjissati.
259 Yassa vā pana yattha maggasaccaṁ nuppajjissati tassa tattha samudayasaccaṁ nuppajjitthāti?
260 Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ tesaṁ tattha maggasaccaṁ nuppajjissati, no ca tesaṁ tattha samudayasaccaṁ nuppajjittha. Asaññasattānaṁ tesaṁ tattha maggasaccañca nuppajjissati samudayasaccañca nuppajjittha.
261 Uppādavāro.