Yamaka 6

2 Khandhayamaka

2.1 Paṇṇattivāra

2.1.2. Paṇṇattivāraniddesa

2.1.2.1. Padasodhanavāra

2.1.2.1.1. Anuloma

1 Rūpaṁ rūpakkhandhoti?

2 Piyarūpaṁ sātarūpaṁ rūpaṁ, na rūpakkhandho. Rūpakkhandho rūpañceva rūpakkhandho ca.

3 Rūpakkhandho rūpanti? Āmantā.

4 Vedanā vedanākkhandhoti? Āmantā.

5 Vedanākkhandho vedanāti? Āmantā.

6 Saññā saññākkhandhoti?

7 Diṭṭhisaññā saññā, na saññākkhandho. Saññākkhandho saññā ceva saññākkhandho ca.

8 Saññākkhandho saññāti? Āmantā.

9 Saṅkhārā saṅkhārakkhandhoti?

10 Saṅkhārakkhandhaṁ ṭhapetvā avasesā saṅkhārā, na saṅkhārakkhandho. Saṅkhārakkhandho saṅkhārā ceva saṅkhārakkhandho ca.

11 Saṅkhārakkhandho saṅkhārāti? Āmantā.

12 Viññāṇaṁ viññāṇakkhandhoti? Āmantā.

13 Viññāṇakkhandho viññāṇanti? Āmantā.

2.1.2.1.2. Paccanīka

14 Na rūpaṁ na rūpakkhandhoti? Āmantā.

15 Na rūpakkhandho na rūpanti?

16 Piyarūpaṁ sātarūpaṁ na rūpakkhandho, rūpaṁ. Rūpañca rūpakkhandhañca ṭhapetvā avasesā na ceva rūpaṁ na ca rūpakkhandho.

17 Na vedanā na vedanākkhandhoti? Āmantā.

18 Na vedanākkhandho na vedanāti? Āmantā.

19 Na saññā na saññākkhandhoti? Āmantā.

20 Na saññākkhandho na saññāti?

21 Diṭṭhisaññā na saññākkhandho, saññā. Saññañca saññākkhandhañca ṭhapetvā avasesā na ceva saññā na ca saññākkhandho.

22 Na saṅkhārā na saṅkhārakkhandhoti? Āmantā.

23 Na saṅkhārakkhandho na saṅkhārāti?

24 Saṅkhārakkhandhaṁ ṭhapetvā avasesā na saṅkhārakkhandho, saṅkhārā. Saṅkhāre ca saṅkhārakkhandhañca ṭhapetvā avasesā na ceva saṅkhārā na ca saṅkhārakkhandho.

25 Na viññāṇaṁ na viññāṇakkhandhoti? Āmantā.

26 Na viññāṇakkhandho na viññāṇanti? Āmantā.

2.1.2.2. Padasodhanamūlacakkavāra

2.1.2.2.1. Anuloma

27 Rūpaṁ rūpakkhandhoti?

28 Piyarūpaṁ sātarūpaṁ rūpaṁ, na rūpakkhandho. Rūpakkhandho rūpañceva rūpakkhandho ca.

29 Khandhā vedanākkhandhoti?

30 Vedanākkhandho khandho ceva vedanākkhandho ca.

31 Avasesā khandhā na vedanākkhandho.

32 Rūpaṁ rūpakkhandhoti?

33 Piyarūpaṁ sātarūpaṁ rūpaṁ, na rūpakkhandho. Rūpakkhandho rūpañceva rūpakkhandho ca.

34 Khandhā saññākkhandhoti?

35 Saññākkhandho khandho ceva saññākkhandho ca. Avasesā khandhā na saññākkhandho.

36 Rūpaṁ rūpakkhandhoti?

37 Piyarūpaṁ sātarūpaṁ rūpaṁ, na rūpakkhandho. Rūpakkhandho rūpañceva rūpakkhandho ca.

38 Khandhā saṅkhārakkhandhoti?

39 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

40 Rūpaṁ rūpakkhandhoti?

41 Piyarūpaṁ sātarūpaṁ rūpaṁ, na rūpakkhandho. Rūpakkhandho rūpañceva rūpakkhandho ca.

42 Khandhā viññāṇakkhandhoti?

43 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

44 Vedanā vedanākkhandhoti? Āmantā.

45 Khandhā rūpakkhandhoti?

46 Rūpakkhandho khandho ceva rūpakkhandho ca. Avasesā khandhā na rūpakkhandho.

47 Vedanā vedanākkhandhoti? Āmantā.

48 Khandhā saññākkhandhoti?

49 Saññākkhandho khandho ceva saññākkhandho ca. Avasesā khandhā na saññākkhandho.

50 Vedanā vedanākkhandhoti? Āmantā.

51 Khandhā saṅkhārakkhandhoti?

52 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

53 Vedanā vedanākkhandhoti? Āmantā.

54 Khandhā viññāṇakkhandhoti?

55 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

56 Saññā saññākkhandhoti?

57 Diṭṭhisaññā saññā, na saññākkhandho. Saññākkhandho saññā ceva saññākkhandho ca.

58 Khandhā rūpakkhandhoti?

59 Rūpakkhandho khandho ceva rūpakkhandho ca. Avasesā khandhā na rūpakkhandho.

60 Saññā saññākkhandhoti?

61 Diṭṭhisaññā saññā, na saññākkhandho. Saññākkhandho saññā ceva saññākkhandho ca.

62 Khandhā vedanākkhandhoti?

63 Vedanākkhandho khandho ceva vedanākkhandho ca. Avasesā khandhā na vedanākkhandho.

64 Saññā saññākkhandhoti?

65 Diṭṭhisaññā saññā, na saññākkhandho. Saññākkhandho saññā ceva saññākkhandho ca.

66 Khandhā saṅkhārakkhandhoti?

67 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

68 Saññā saññākkhandhoti?

69 Diṭṭhisaññā saññā, na saññākkhandho. Saññākkhandho saññā ceva saññākkhandho ca.

70 Khandhā viññāṇakkhandhoti?

71 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

72 Saṅkhārā saṅkhārakkhandhoti?

73 Saṅkhārakkhandhaṁ ṭhapetvā avasesā saṅkhārā, na saṅkhārakkhandho. Saṅkhārakkhandho saṅkhārā ceva saṅkhārakkhandho ca.

74 Khandhā rūpakkhandhoti?

75 Rūpakkhandho khandho ceva rūpakkhandho ca. Avasesā khandhā na rūpakkhandho.

76 Saṅkhārā saṅkhārakkhandhoti?

77 Saṅkhārakkhandhaṁ ṭhapetvā avasesā saṅkhārā, na saṅkhārakkhandho. Saṅkhārakkhandho saṅkhārā ceva saṅkhārakkhandho ca.

78 Khandhā vedanākkhandhoti?

79 Vedanākkhandho khandho ceva vedanākkhandho ca. Avasesā khandhā na vedanākkhandho.

80 Saṅkhārā saṅkhārakkhandhoti?

81 Saṅkhārakkhandhaṁ ṭhapetvā avasesā saṅkhārā, na saṅkhārakkhandho. Saṅkhārakkhandho saṅkhārā ceva saṅkhārakkhandho ca.

82 Khandhā saññākkhandhoti?

83 Saññākkhandho khandho ceva saññākkhandho ca. Avasesā khandhā na saññākkhandho.

84 Saṅkhārā saṅkhārakkhandhoti?

85 Saṅkhārakkhandhaṁ ṭhapetvā avasesā saṅkhārā, na saṅkhārakkhandho. Saṅkhārakkhandho saṅkhārā ceva saṅkhārakkhandho ca.

86 Khandhā viññāṇakkhandhoti?

87 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

88 Viññāṇaṁ viññāṇakkhandhoti? Āmantā.

89 Khandhā rūpakkhandhoti?

90 Rūpakkhandho khandho ceva rūpakkhandho ca. Avasesā khandhā na rūpakkhandho.

91 Viññāṇaṁ viññāṇakkhandhoti? Āmantā.

92 Khandhā vedanākkhandhoti?

93 Vedanākkhandho khandho ceva vedanākkhandho ca. Avasesā khandhā na vedanākkhandho.

94 Viññāṇaṁ viññāṇakkhandhoti? Āmantā.

95 Khandhā saññākkhandhoti?

96 Saññākkhandho khandho ceva saññākkhandho ca. Avasesā khandhā na saññākkhandho.

97 Viññāṇaṁ viññāṇakkhandhoti? Āmantā.

98 Khandhā saṅkhārakkhandhoti?

99 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

2.1.2.2.2. Paccanīka

100 Na rūpaṁ na rūpakkhandhoti? Āmantā.

101 Na khandhā na vedanākkhandhoti? Āmantā.

102 Na rūpaṁ na rūpakkhandhoti? Āmantā.

103 Na khandhā na saññākkhandhoti? Āmantā.

104 Na rūpaṁ na rūpakkhandhoti? Āmantā.

105 Na khandhā na saṅkhārakkhandhoti? Āmantā.

106 Na rūpaṁ na rūpakkhandhoti? Āmantā.

107 Na khandhā na viññāṇakkhandhoti? Āmantā.

108 Na vedanā na vedanākkhandhoti? Āmantā.

109 Na khandhā na rūpakkhandhoti? Āmantā.

110 Na vedanā na vedanākkhandhoti? Āmantā.

111 Na khandhā na saññākkhandhoti? Āmantā.

112 Na vedanā na vedanākkhandhoti? Āmantā.

113 Na khandhā na saṅkhārakkhandhoti? Āmantā.

114 Na vedanā na vedanākkhandhoti? Āmantā.

115 Na khandhā na viññāṇakkhandhoti? Āmantā.

116 Na saññā na saññākkhandhoti? Āmantā.

117 Na khandhā na rūpakkhandhoti? Āmantā.

118 Na saññā na saññākkhandhoti? Āmantā.

119 Na khandhā na vedanākkhandhoti? Āmantā.

120 Na saññā na saññākkhandhoti? Āmantā.

121 Na khandhā na saṅkhārakkhandhoti? Āmantā.

122 Na saññā na saññākkhandhoti? Āmantā.

123 Na khandhā na viññāṇakkhandhoti? Āmantā.

124 Na saṅkhārā na saṅkhārakkhandhoti? Āmantā.

125 Na khandhā na rūpakkhandhoti? Āmantā.

126 Na saṅkhārā na saṅkhārakkhandhoti? Āmantā.

127 Na khandhā na vedanākkhandhoti? Āmantā.

128 Na saṅkhārā na saṅkhārakkhandhoti? Āmantā.

129 Na khandhā na saññākkhandhoti? Āmantā.

130 Na saṅkhārā na saṅkhārakkhandhoti? Āmantā.

131 Na khandhā na viññāṇakkhandhoti? Āmantā.

132 Na viññāṇaṁ na viññāṇakkhandhoti? Āmantā.

133 Na khandhā na rūpakkhandhoti? Āmantā.

134 Na viññāṇaṁ na viññāṇakkhandhoti? Āmantā.

135 Na khandhā na vedanākkhandhoti? Āmantā.

136 Na viññāṇaṁ na viññāṇakkhandhoti? Āmantā.

137 Na khandhā na saññākkhandhoti? Āmantā.

138 Na viññāṇaṁ na viññāṇakkhandhoti? Āmantā.

139 Na khandhā na saṅkhārakkhandhoti? Āmantā.

2.1.2.3. Suddhakhandhavāra

2.1.2.3.1. Anuloma

140 Rūpaṁ khandhoti? Āmantā.

141 Khandhā rūpakkhandhoti?

142 Rūpakkhandho khandho ceva rūpakkhandho ca. Avasesā khandhā na rūpakkhandho.

143 Vedanā khandhoti? Āmantā.

144 Khandhā vedanākkhandhoti?

145 Vedanākkhandho khandho ceva vedanākkhandho ca. Avasesā khandhā na vedanākkhandho.

146 Saññā khandhoti? Āmantā.

147 Khandhā saññākkhandhoti?

148 Saññākkhandho khandho ceva saññākkhandho ca. Avasesā khandhā na saññākkhandho.

149 Saṅkhārā khandhoti? Āmantā.

150 Khandhā saṅkhārakkhandhoti?

151 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

152 Viññāṇaṁ khandhoti? Āmantā.

153 Khandhā viññāṇakkhandhoti?

154 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

2.1.2.3.2. Paccanīka

155 Na rūpaṁ na khandhoti?

156 Rūpaṁ ṭhapetvā avasesā khandhā na rūpaṁ, khandhā. Rūpañca khandhe ca ṭhapetvā avasesā na ceva rūpaṁ na ca khandhā.

157 Na khandhā na rūpakkhandhoti? Āmantā.

158 Na vedanā na khandhoti?

159 Vedanaṁ ṭhapetvā avasesā khandhā na vedanā, khandhā. Vedanañca khandhe ca ṭhapetvā avasesā na ceva vedanā na ca khandhā.

160 Na khandhā na vedanākkhandhoti? Āmantā.

161 Na saññā na khandhoti?

162 Saññaṁ ṭhapetvā avasesā khandhā na saññā, khandhā. Saññañca khandhe ca ṭhapetvā avasesā na ceva saññā na ca khandhā.

163 Na khandhā na saññākkhandhoti? Āmantā.

164 Na saṅkhārā na khandhoti? Āmantā.

165 Na khandhā na saṅkhārakkhandhoti? Āmantā.

166 Na viññāṇaṁ na khandhoti?

167 Viññāṇaṁ ṭhapetvā avasesā khandhā na viññāṇaṁ, khandhā. Viññāṇañca khandhe ca ṭhapetvā avasesā na ceva viññāṇaṁ na ca khandhā.

168 Na khandhā na viññāṇakkhandhoti? Āmantā.

2.1.2.4. Suddhakhandhamūlacakkavāra

2.1.2.4.1. Anuloma

169 Rūpaṁ khandhoti? Āmantā.

170 Khandhā vedanākkhandhoti?

171 Vedanākkhandho khandho ceva vedanākkhandho ca. Avasesā khandhā na vedanākkhandho.

172 Rūpaṁ khandhoti? Āmantā.

173 Khandhā saññākkhandhoti?

174 Saññākkhandho khandho ceva saññākkhandho ca. Avasesā khandhā na saññākkhandho.

175 Rūpaṁ khandhoti? Āmantā.

176 Khandhā saṅkhārakkhandhoti?

177 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

178 Rūpaṁ khandhoti? Āmantā.

179 Khandhā viññāṇakkhandhoti?

180 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

181 Vedanā khandhoti? Āmantā.

182 Khandhā rūpakkhandhoti?

183 Rūpakkhandho khandho ceva rūpakkhandho ca. Avasesā khandhā na rūpakkhandho.

184 Vedanā khandhoti? Āmantā.

185 Khandhā saññākkhandhoti?

186 Saññākkhandho khandho ceva saññākkhandho ca. Avasesā khandhā na saññākkhandho.

187 Vedanā khandhoti? Āmantā.

188 Khandhā saṅkhārakkhandhoti?

189 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

190 Vedanā khandhoti? Āmantā.

191 Khandhā viññāṇakkhandhoti?

192 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

193 Saññā khandhoti? Āmantā.

194 Khandhā rūpakkhandhoti?

195 Rūpakkhandho khandho ceva rūpakkhandho ca. Avasesā khandhā na rūpakkhandho.

196 Saññā khandhoti? Āmantā.

197 Khandhā vedanākkhandhoti?

198 Vedanākkhandho khandho ceva vedanākkhandho ca. Avasesā khandhā na vedanākkhandho.

199 Saññā khandhoti? Āmantā.

200 Khandhā saṅkhārakkhandhoti?

201 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

202 Saññā khandhoti? Āmantā.

203 Khandhā viññāṇakkhandhoti?

204 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

205 Saṅkhārā khandhoti? Āmantā.

206 Khandhā rūpakkhandhoti?

207 Rūpakkhandho khandho ceva rūpakkhandho ca. Avasesā khandhā na rūpakkhandho.

208 Saṅkhārā khandhoti? Āmantā.

209 Khandhā vedanākkhandhoti?

210 Vedanākkhandho khandho ceva vedanākkhandho ca. Avasesā khandhā na vedanākkhandho.

211 Saṅkhārā khandhoti? Āmantā.

212 Khandhā saññākkhandhoti?

213 Saññākkhandho khandho ceva saññākkhandho ca. Avasesā khandhā na saññākkhandho.

214 Saṅkhārā khandhoti? Āmantā.

215 Khandhā viññāṇakkhandhoti?

216 Viññāṇakkhandho khandho ceva viññāṇakkhandho ca. Avasesā khandhā na viññāṇakkhandho.

217 Viññāṇaṁ khandhoti? Āmantā.

218 Khandhā rūpakkhandhoti?

219 Rūpakkhandho khandho ceva rūpakkhandho ca. Avasesā khandhā na rūpakkhandho.

220 Viññāṇaṁ khandhoti? Āmantā.

221 Khandhā vedanākkhandhoti?

222 Vedanākkhandho khandho ceva vedanākkhandho ca. Avasesā khandhā na vedanākkhandho.

223 Viññāṇaṁ khandhoti?

224 Āmantā.

225 Khandhā saññākkhandhoti?

226 Saññākkhandho khandho ceva saññākkhandho ca. Avasesā khandhā na saññākkhandho.

227 Viññāṇaṁ khandhoti? Āmantā.

228 Khandhā saṅkhārakkhandhoti?

229 Saṅkhārakkhandho khandho ceva saṅkhārakkhandho ca. Avasesā khandhā na saṅkhārakkhandho.

2.1.2.4.2. Paccanīka

230 Na rūpaṁ na khandhoti?

231 Rūpaṁ ṭhapetvā avasesā khandhā na rūpaṁ, khandhā. Rūpañca khandhe ca ṭhapetvā avasesā na ceva rūpaṁ na ca khandhā.

232 Na khandhā na vedanākkhandhoti? Āmantā.

233 Na rūpaṁ na khandhoti?

234 Rūpaṁ ṭhapetvā avasesā khandhā na rūpaṁ, khandhā. Rūpañca khandhe ca ṭhapetvā avasesā na ceva rūpaṁ na ca khandhā.

235 Na khandhā na saññākkhandhoti? Āmantā.

236 Na rūpaṁ na khandhoti?

237 Rūpaṁ ṭhapetvā avasesā khandhā na rūpaṁ, khandhā. Rūpañca khandhe ca ṭhapetvā avasesā na ceva rūpaṁ na ca khandhā.

238 Na khandhā na saṅkhārakkhandhoti? Āmantā.

239 Na rūpaṁ na khandhoti?

240 Rūpaṁ ṭhapetvā avasesā khandhā na rūpaṁ, khandhā. Rūpañca khandhe ca ṭhapetvā avasesā na ceva rūpaṁ na ca khandhā.

241 Na khandhā na viññāṇakkhandhoti? Āmantā.

242 Na vedanā na khandhoti?

243 Vedanaṁ ṭhapetvā avasesā khandhā na vedanā, khandhā. Vedanañca khandhe ca ṭhapetvā avasesā na ceva vedanā na ca khandhā.

244 Na khandhā na rūpakkhandhoti? Āmantā.

245 Na vedanā na khandhoti?

246 Vedanaṁ ṭhapetvā avasesā khandhā na vedanā, khandhā. Vedanañca khandhe ca ṭhapetvā avasesā na ceva vedanā na ca khandhā.

247 Na khandhā na saññākkhandhoti? Āmantā.

248 Na vedanā na khandhoti?

249 Vedanaṁ ṭhapetvā avasesā khandhā na vedanā, khandhā. Vedanañca khandhe ca ṭhapetvā avasesā na ceva vedanā na ca khandhā.

250 Na khandhā na saṅkhārakkhandhoti? Āmantā.

251 Na vedanā na khandhoti?

252 Vedanaṁ ṭhapetvā avasesā khandhā na vedanā, khandhā. Vedanañca khandhe ca ṭhapetvā avasesā na ceva vedanā na ca khandhā.

253 Na khandhā na viññāṇakkhandhoti? Āmantā.

254 Na saññā na khandhoti?

255 Saññaṁ ṭhapetvā avasesā khandhā na saññā, khandhā. Saññañca khandhe ca ṭhapetvā avasesā na ceva saññā na ca khandhā.

256 Na khandhā na rūpakkhandhoti? Āmantā.

257 Na saññā na khandhoti?

258 Saññaṁ ṭhapetvā avasesā khandhā na saññā, khandhā. Saññañca khandhe ca ṭhapetvā avasesā na ceva saññā na ca khandhā.

259 Na khandhā na vedanākkhandhoti? Āmantā.

260 Na saññā na khandhoti?

261 Saññaṁ ṭhapetvā avasesā khandhā na saññā, khandhā. Saññañca khandhe ca ṭhapetvā avasesā na ceva saññā na ca khandhā.

262 Na khandhā na saṅkhārakkhandhoti? Āmantā.

263 Na saññā na khandhoti?

264 Saññaṁ ṭhapetvā avasesā khandhā na saññā, khandhā. Saññañca khandhe ca ṭhapetvā avasesā na ceva saññā na ca khandhā.

265 Na khandhā na viññāṇakkhandhoti? Āmantā.

266 Na saṅkhārā na khandhoti? Āmantā.

267 Na khandhā na rūpakkhandhoti? Āmantā.

268 Na saṅkhārā na khandhoti? Āmantā.

269 Na khandhā na vedanākkhandhoti? Āmantā.

270 Na saṅkhārā na khandhoti? Āmantā.

271 Na khandhā na saññākkhandhoti? Āmantā.

272 Na saṅkhārā na khandhoti? Āmantā.

273 Na khandhā na viññāṇakkhandhoti? Āmantā.

274 Na viññāṇaṁ na khandhoti?

275 Viññāṇaṁ ṭhapetvā avasesā khandhā na viññāṇaṁ, khandhā. Viññāṇañca khandhe ca ṭhapetvā avasesā na ceva viññāṇaṁ na ca khandhā.

276 Na khandhā na rūpakkhandhoti? Āmantā.

277 Na viññāṇaṁ na khandhoti?

278 Viññāṇaṁ ṭhapetvā avasesā khandhā na viññāṇaṁ, khandhā. Viññāṇañca khandhe ca ṭhapetvā avasesā na ceva viññāṇaṁ na ca khandhā.

279 Na khandhā na vedanākkhandhoti? Āmantā.

280 Na viññāṇaṁ na khandhoti?

281 Viññāṇaṁ ṭhapetvā avasesā khandhā na viññāṇaṁ, khandhā. Viññāṇañca khandhe ca ṭhapetvā avasesā na ceva viññāṇaṁ na ca khandhā.

282 Na khandhā na saññākkhandhoti? Āmantā.

283 Na viññāṇaṁ na khandhoti?

284 Viññāṇaṁ ṭhapetvā avasesā khandhā na viññāṇaṁ, khandhā. Viññāṇañca khandhe ca ṭhapetvā avasesā na ceva viññāṇaṁ na ca khandhā.

285 Na khandhā na saṅkhārakkhandhoti? Āmantā.

286 Paṇṇattiniddesavāro.