Therāpadāna 194

Therāpadāna

Tamālapupphiyavagga

2 Tiṇasanthārakattheraapadāna

1 “Yaṁ dāyavāsiko isi,

tiṇaṁ lāyati satthuno;

Sabbe padakkhiṇāvaṭṭā,

pathabyā nipatiṁsu te.

2 Tamahaṁ tiṇamādāya,

santhariṁ dharaṇuttame;

Tīṇeva tālapattāni,

āharitvānahaṁ tadā.

3 Tiṇena chadanaṁ katvā,

siddhatthassa adāsahaṁ;

Sattāhaṁ dhārayuṁ tassa,

devamānusasatthuno.

4 Catunnavutito kappe,

yaṁ tiṇaṁ adadiṁ tadā;

Duggatiṁ nābhijānāmi,

tiṇadānassidaṁ phalaṁ.

5 Pañcasaṭṭhimhito kappe,

cattārosuṁ mahaddhanā;

Sattaratanasampannā,

cakkavattī mahabbalā.

6 Paṭisambhidā catasso,

…pe…

kataṁ buddhassa sāsanaṁ”.

7 Itthaṁ sudaṁ āyasmā tiṇasanthārako thero imā gāthāyo abhāsitthāti.

8 Tiṇasanthārakattherassāpadānaṁ dutiyaṁ.