Therāpadāna 281

Therāpadāna

Suvaṇṇabibbohanavagga

9 Ekapuṇḍarīkattheraapadāna

1 “Romaso nāma nāmena,

sayambhū subbato tadā;

Puṇḍarīkaṁ mayā dinnaṁ,

vippasannena cetasā.

2 Catunnavutito kappe,

puṇḍarīkamadaṁ tadā;

Duggatiṁ nābhijānāmi,

puṇḍarīkassidaṁ phalaṁ.

3 Paṭisambhidā catasso,

…pe…

kataṁ buddhassa sāsanaṁ”.

4 Itthaṁ sudaṁ āyasmā ekapuṇḍarīko thero imā gāthāyo abhāsitthāti.

5 Ekapuṇḍarīkattherassāpadānaṁ navamaṁ.